14 Ɔ̍ pùhbɔ à kɛ̍ɛ̍n iě pɔ̀ìě Nyɔsoa-a mu̍-a Eblaɛɛn nyǐ-ɛ, wɛ̀ ɛ̍ iě ùh se̍-a Juu nyɔ̍-ɛ we̍ ji̍ ke dě ɔ̍ ja̍a̍. Wɛ̀ à iě Sùù kɔn wlu̍ Nyɔsoa po̍-a tɔ̀ma̍a̍-a jě dě wlùh gbaɛ di̍i̍.
Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ Sùù-ɛ nyǐ mu̍ ae?”
Nɛ̀ɛ̍, ǎn mu̍ ɛ̀ kɔn wlu̍ ǐn Baa po̍-a tɔ̀ma̍a̍-ɛ mɔ̀ we̍ dbo̍. Jɛ mɔ̀ nɛ da̍a wlɔ̀ te̍e̍ wɛ̀ gbǐh sɔ-a dě ja̍i̍wlɔ̀-ɛ, ɛ̍ iě mɔ̀-ɔ gbǎ.”
Dɛ̍ ɔ̍ bla̍-aɛ, nɛ̀ Nyɔsoa-a Sùù ɛ̀ wlùh gbaɛ blě nyɔ̍-a mu̍-a jě dě nya̍-ɛ bo ɔ̍ dǎ. Nɛ̀ Nyɔsoa-a se̍a nyɔ̍ ɔ̍ Sùù nyǐ ke̍, dɛ̍nu̍ɛ, nɛ̀ Jusu se̍-e wlǔh ke̍ dě tìh-a i̍ bɛ̌-ɛ di̍i̍.
Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.
Pǔh-ɛ se̍ dě nyɔ̍ dɔɔ ja̍a̍ nɛ. Nynɛ̌ dɛɛ se̍ nɔ̌ ja̍u̍n la sɔ̀n nɛ nyɔ̍ iě tù wɛ̀ à iě i̍ pǔh-i.”
Àɔ̀ bo à nu̍ ìh la i̍h-a sàànsi̍i̍h, à ke Nyɔsoa-a Sùù ɛ̀ nu̍-a ɔ̍ nyǐ-dɛ̍ dǒ nyɔ̍ ɔ̀ nu̍-a ɔ̍ wlu̍ we̍-ɛ.”
Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.
Ɔ̍ tù ɔ̍ juola dǒ à pùn wɛ̀, iě ɔ̍ po̍ ɔ̍ Sùù dě à wlùh di̍i̍, ɛ̍ iě ɛ̍ to dǒ dɛ̍ᵻ ɔ̍ mu̍-a à nyǐ-ɛ we̍.
Nyɔsoa po̍ wlu̍ tɔ̀ma̍a̍ dě Eblaɛɛn ke ɔ̍ tloemlai we̍. Nyɔsoa-a wlu̍ se̍ ka nu̍ Eblaɛɛn-a tloemlai dɔu. Jɛ ɛ̍ la̍ tloemlai due, nɛ̀ nyɔ̍ due bo ɛ̍ dǎ. Ɛ̍-ɛ bo ɛ̀ nu̍-a Klai.
Bɔ̌ ǐn tèle mɔ̀ dɛ̍ due i̍. Telě dɛ̍ɛ̍ jě tìh bo ɛ̀ jě-e mɔ̀ Nyɔsoa-a Sùù ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?
Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.
Dě Klai ja̍a̍ bo à jii wɛ̀ à wìè flɔn ka wɔ̍n dě Baa Nyɔsoa we̍ dǒ ɔ̍ Sùù-a à we̍ gbǎ-a we̍.
Mɔ̀ɔ̍ bo ùh nu̍ gbò ɛ̀ poe-a la̍ ke dě mɔ̀ ke ɔ̍ due nɛ-ɛ di̍i̍ tà Nyɔsoa-a Sùù tǐn-a.
Ǎn ba̍le ɔ̍-ɛ, ɔ̍ tìh-a i̍ bɛ̌-ɛ ɛ̀ ku̍-a wɔ̍n kaa̍-ɛ, ɔ̍ iě ɛ̍ mɔ̀-a wlùh fùka-ɛ dě ɔ̍ Sùù di̍i̍.
Mɔ̀ bɔ̌ Nyɔsoa-a Sùù-a wlùh seɔn po̍-ɛ. Dɛ̍nu̍ɛ, ɛ̍ bo ɛ̀ nu̍ mɔ̀ naɛ juola dǒ weɛ̍ mɔ̀-a mu̍-a sèìe-ɛ di̍i̍.
Ka mɔ̀ jě-a tìh-a taǐn dɛ̍ɛ̍-ɛ, ɛ̍ bo ɛ̀ nu̍ ɛ̍ iě mɔ̀ nɛ wlaǎwla, iě mɔ̀-a jbɛɛ-ɛ se̍ nɛi̍ nɛ dǒ mɔ̀ ba̍ᵻ Nyɔsoa nyɔ̍ we̍. Ɛ̍ tìh-ɛ, mɔ̀ jbɛɛ dǒ mɔ̀-a pɔluh kli̍hgbɛ̍ we̍.
Bɔ̌ dɛ̍ sɔ̀n-a gba̍ sà-a, bɔ̌ wlu̍ sɔ̀n-a gba̍ sà-a ke, jɛ mɔ̀ sà-ɛ u̍h nǐ wɔ̍n. Dɛ̍nu̍ɛ, ti̍ Nyɔsoa dǎ-a mɔ̀-ɛ, ɔ̍ po̍ wlu̍ tɔ̀ma̍a̍ ɔ̍ iě mɔ̀ nǐ wɔ̍n sà-ɛ.