Kelesea 3:13 - Ku̍o̍ Delee 1999

¹³ Klai pùhbɔ à kɛ̍ɛ̍n dǒ kàɔ̀ telě-a mu̍-a à dlǔ wlǎ de-ɛ we̍. Kàɔ̀ ɛ̀ iě-a à dlǔ wlǎ de-ɛ, ɛ̍ bo ɛ̀ wlǎ-a dǒ Klai dlǔ dǒ à wɔ̀ɔ̀. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ u̍h pèle-a dǒ tu̍ wlì-ɛ, nɛ̀ kàɔ̀ gbɛ̍n ɔ̍-ɛ.”

Kelesea 3:13 Iomraidhean Croise

Matio 26:28

Ɛ̀ la ǎn nymɔ̍ bo. Nymɔ̍ la bo ɛ̀ nu̍ ku̍o̍ Nyɔsoa po̍. Ɛ̍ wlǎ i̍ dǒ nyɔ̍ dɔu-a gblɛ̍n sɔ̀ɛ̀n-a tìh i̍ tǎli-ɛ we̍.

Matio 27:5

Wɛ̀ Juda po̍ wlǐ laa̍ i̍ dě Nyɔsoa-a slaǎ sà gbò sɔ̀n. Wɛ̀ ɔ̍ mu̍ iě ɔ̍ pèle ɔ̍ chɛ̀.

Nu̍-dɛ̍ᵻ 5:30

Jusu mɔ̀ pèle-a dǒ tu̍ wlì wɛ̀ ɔ̍ iě-a mɛ̌-ɛ, ɔ̍ bo à baaᵻá Nyɔsoa sà-e.

Wloma 4:25

Jusu sà-ɛɛ kwlǎ ɔ̍ iě mɛ̌ dǒ à gblɛ̍n sɔ̀ɛ̀n-a tìh we̍, iě ɔ̍ sà-ɛe wɛ̀ ɔ̍ iě à i̍ slɛ̌-nyɔ̍ we̍i̍ nu̍ dě Nyɔsoa jlǐh.

Wloma 9:3

Pò Nyɔsoa-a jɛ poe ǐn pǎ ǐn de̍di̍i̍ᵻ Eslɔɛ nyɔ̍-a tìh, ùh ke ǐn ke à nu̍-a à blǐ nyɔ̍ due-ɛ, wɛ̀ ɔ̍ iě ǐn dǒ Klai de̍e̍ sà-ɛ, nɛ̀ ɛ̍ mu̍ ǐn gbǐh po̍.

2 Kɔwlɛntiɔn 5:21

Klai se̍ gblɛ̍n sɔ̀ɛ̀n nu̍ nyɔ̍. Jɛ à tìh bo Nyɔsoa po̍ ka à gblɛ̍n sɔ̀ɛ̀n dǒ ɔ̍ dlǔ, wɛ̀ dě ɔ̍ ke à due nɛ-ɛ di̍i̍-ɛ, à iě i̍ slɛ̌-nyɔ̍ nu̍ dě Nyɔsoa jlǐh.

Kelesea 3:10

Nyɔ̍ ùh tè-a telě dɛ̍ɛ̍ jě-ɛ wlì-ɛ, nɛ̀ kàɔ̀-a mu̍ u̍h gbɛ̍n. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ se̍-a dɛ̍ᵻ kli̍hgbɛ̍ ìh chlǐh-a dě telě chlǐh-dɛ̍ di̍i̍-ɛ dɛ̍ɛ̍ jě-ɛ dluwe̍ gba̍ mu̍-ɛ, nɛ̀ Nyɔsoa-a kàɔ̀ gbɛ̍n ɔ̍-ɛ.”

Kelesea 4:5

wɛ̀ ɔ̍ iě nyɔ̍ ùh nɛ-a dǒ telě sɔ̀n-ɛ kɛ̍ɛ̍n pùhbɔ, wɛ̀ à iě Nyɔsoa-a chɛǐ nynuu̍ nu̍.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 9:12

Ɔ̍ pa̍ dě Nɛi̍ Wɛ̀ Tà Klaa laa̍ sǔh kleǐn. Ɔ̍ se̍ gbàdɔ̍ ke bli plɔ̀-a nymɔ̍ slaǎ sà la̍ gba̍. Ɔ̍ chɛ̀-a nymɔ̍ bo ɔ̍ sà-ɛ slaǎ-a. Ɔ̍ nu̍ ɛ̍ iě à pǔh nɔ̌ kmɔ̌-a kmɔ̌.

Iblu 9:15

Ɛ̍ tìh-ɛ, Klai bo ɔ̀ nu̍ tùna̍-i̍-tu̍ dǒ ku̍o̍ delee la we̍, wɛ̀ nyɔ̍ ùh Nyɔsoa dǎ-aɛ, u̍h iě kmɔ̌ sie pɔ̀ìě la ɛ̀ kɔn wlu̍ ɔ̍ po̍-a tɔ̀ma̍a̍-ɛ jě. Kaka la̍, ɔ̍ mɛ̌-ɛ, wɛ̀ ɔ̍ iě nyɔ̍ ùh nu̍-a gblɛ̍n sɔ̀ɛ̀n dě sàǐtòò ku̍o̍-a ti̍ di̍i̍-ɛ sèìe.

Iblu 9:26

Pò ɛ̍ nɛ laan de-ɛ, nɛ̀ sɔ dǒ ti̍ kmɔ̌ iě-a nui-ɛ we̍ bo ɔ̍ kɔn ɔ̍ iě jua̍i̍ sàɛ̀-ɛ kɛ̍n i̍ gba̍-a sà de. Jɛ ɔ̍ ji̍ wɛ̀ kleǐnklein dǒ ti̍ la ɛ̍ dlǔ i̍ chlà la̍. Wɛ̀ ɔ̍ sà-ɛ ɔ̍ chɛ̀ slaǎ-a ɛ̍ iě gblɛ̍n sɔ̀ɛ̀n dǒ wìè-i sà.

Iblu 9:28

Ka ɛ̍ nɛ ke, Klai nu̍ ɔ̍ chɛ̀ slaǎ sà-ɛa due, wɛ̀ ɔ̍ iě nyɔ̍ dɔu-a gblɛ̍n sɔ̀ɛ̀n-a tìh dǒ ɔ̍ chɛ̀ dlǔ i̍ tè. Jɛ ɔ̍ mu̍-a ka ji̍ dode̍-ɛ, ɔ̍ se̍ gblɛ̍n sɔ̀ɛ̀n-a tìh we̍ ji̍. Jɛ ɔ̍ ji̍-i ɔ̍ iě nyɔ̍ ùh gbàɛ̀-a ɔ̍ tìh-ɛ pǔh-i.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.