Kelesea 3:10 - Ku̍o̍ Delee 1999

¹⁰ Nyɔ̍ ùh tè-a telě dɛ̍ɛ̍ jě-ɛ wlì-ɛ, nɛ̀ kàɔ̀-a mu̍ u̍h gbɛ̍n. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ se̍-a dɛ̍ᵻ kli̍hgbɛ̍ ìh chlǐh-a dě telě chlǐh-dɛ̍ di̍i̍-ɛ dɛ̍ɛ̍ jě-ɛ dluwe̍ gba̍ mu̍-ɛ, nɛ̀ Nyɔsoa-a kàɔ̀ gbɛ̍n ɔ̍-ɛ.”

Kelesea 3:10 Iomraidhean Croise

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Wloma 4:15

Dɛ̍nu̍ɛ, telě wa̍-a ja Nyɔsoa-a jlu̍h dǒ tà. Jɛ pò telě se̍ dǒ tà nɛ-ɛ, nɛ̀ dɛ̍ nyɔ̍ iě-a wa̍-a se̍ nɛ.

Wloma 6:23

Nɛ̀ɛ̍, gblɛ̍n sɔ̀ɛ̀n-a pɛ̌ɛ la nu̍ mɛ̌ɛ, jɛ Nyɔsoa-a nyǐ-dɛ̍ nu̍ kmɔ̌ sie feɛ dě à Joi Jusu Klai ja̍a̍.

Wloma 8:7

Nɛ̀ɛ̍, nyɔ̍ ɔ̀ kɔn wlùh gblɛ̍n sɔ̀ɛ̀n-a tu̍ kɔn-a wlu̍ i̍-ɛ, nɛ̀ ɔ̍ tbaɛ Nyɔsoa bu̍hᵻ i̍. Ɔ̍ se̍ Nyɔsoa-a telě dɛ̍ɛ̍ jě-ɛ bɛ̌ɛ, ka ɛ̍ nɛ chɛ̀.

2 Kɔwlɛntiɔn 3:7

Telě ɛ̀ chlǐh-aɛ, ɛ̍ chlǐh-ɛ dǒ sɔɔ̌ᵻ paɔᵻ pùn iě ɛ̍ ja mɛ̌ɛ. Ti̍ ɛ̍ po̍-eaɛ, dǒ Nyɔsoa-a tìh-a i̍ bɛ̌-ɛ ji̍-i. Wɛ̀ Mose-a jua̍a̍ fa̍n-ɛ dǒ tìh-a i̍ bɛ̌-ɛ la we̍. Ɔ̍ jua̍a̍-a fa̍n-a wɛ̀ jlǐh gbɛɛ-ɛ, jɛ Eslɔɛ nyɔ̍ se̍ ɛ̍ ja̍ gbɛ̀n-ɛ bɛ̌ɛ.

Kelesea 2:16

À juo i̍h, telě dɛ̍ɛ̍ jě-ɛ, ɛ̍-ɛ slɛ̌-ɛ nyɔ̍ i̍ dě Nyɔsoa jlǐh. Jɛ Jusu Klai wlùh gbaɛ bo ɛ̀ slɛ̌-ɛ nyɔ̍ i̍ dě Nyɔsoa jlǐh. À chɛ̀ à gbaɛ Jusu Klai wlùh wɛ̀ ɛ̍ iě à i̍ slɛ̌-ɛ dě Nyɔsoa jlǐh. À Klai wlùh gbaɛ bo ɛ̀ nu̍ ɛ̍, ɛ̍ se̍ telě dɛ̍ɛ̍ jě tìh. Dɛ̍nu̍ɛ, nyɔ̍-ɔ slɛ̌ i̍ dě Nyɔsoa jlǐh dǒ telě dɛ̍ɛ̍ jě-ɛ we̍.