Kelesea 2:8 - Ku̍o̍ Delee 1999

⁸ Ka Nyɔsoa nu̍-a Pitɛ gba̍tòà we̍i̍ nu̍-ɛ dǒ Juu nyɔ̍ we̍-ɛ, kǎ ɔ̍ nu̍ ǐn gba̍tòà we̍i̍ nu̍-ɛ ke dǒ ùh se̍-a Juu nyɔ̍-ɛ we̍.

Kelesea 2:8 Iomraidhean Croise

Nu̍-dɛ̍ᵻ 1:25

Iě gba̍tòà dbo̍ ɛ̀ Juda tǎli-a i̍ iě ɔ̍ mu̍-a tà ɔ̍ kɔn-aɛ, wɛ̀ ɔ̍ iě dǒ ɔ̍ wɔ̀ɔ̀ gbǎ-ɛ.”

Nu̍-dɛ̍ᵻ 1:8

Jɛ ti̍ Nyɔsoa-a Sùù-a mu̍-a mɔ̀ kɛ̍n gbǎ-ɛ, nɛ̀ mɔ̀-a mu̍ gbǐh blě, wɛ̀ mɔ̀ iě ǎn sàànsi̍i̍h nu̍ dǒ Juluslɛn, ɛ̍ ke Judia ke Sɛmewlea bloa̍ kli̍hgbɛ̍ kɛ̍n i̍. Ɛ̍ ke dě bloa̍-a siee la̍ ke.”

Nu̍-dɛ̍ᵻ 15:12

Nyɔ̍ wɔ̍n flɔn-ɛ dɛ̍ᵻ ke jbaɛdih Nyɔsoa po̍-a dě Pɔɔ ke Banaba ja̍a̍ dě ùh se̍-a Juu nyɔ̍-ɛ nynɛ̌ we̍-ɛ, u̍h-a po̍-a i̍h-a kunǎ-a, nɛ̀ nyɔ̍ kli̍hgbɛ̍ wɛ̀-a de̍-ɛ, u̍h nɛ tìi̍n u̍h-a po̍ dě u̍h we̍ dounᵻ.

Nu̍-dɛ̍ᵻ 19:26

Jɛ Pɔɔ la ɔ̍ la̍ kwɛ̍i̍n gbo̍ᵻ nyi̍ɔ̍ nu̍-aɛ, nɛ̀ i̍h se̍ nyɔsoa fu̍u̍. Ɛ̍ bo ɔ̍ nɛ̌ kɛ̍ɛ̍n, wɛ̀ ɔ̍ fèàɛ̀ nyɔ̍ɔ dɔu-a dlǔᵻ da̍a Ɛfɛsɔ. Ɛ̍ se̍ da̍a Ɛfɛsɔ nɛ due ɔ̍ se̍ ɛ̍ nui, jɛ Esea bloa̍ kli̍hgbɛ̍ kɛ̍n i̍ bo ɔ̍ nui ɛ̍ muɔ. Wɛ̀ mɔ̀-a gba̍ jlǐhɛ̍ mɔ̀-a jě ɛ̍, iě mɔ̀-a wɔ̌n i̍h.

Nu̍-dɛ̍ᵻ 21:19

Pɔɔ wɔ̀-a u̍h nyinɔ̍ i̍ sà-aɛ, wɛ̀ dɛ̍ᵻ kli̍hgbɛ̍ Nyɔsoa nu̍-a dě ùh se̍-a Juu nyɔ̍-ɛ nynɛ̌ dě ɔ̍ dbo̍ nu̍-ɛ di̍i̍-ɛ, iě ɔ̍ tɛ̌n i̍h-a due due ɔ̍ bla̍ i̍h.

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Nu̍-dɛ̍ᵻ 4:4

Jɛ nyɔ̍ dɔu ùh wɔ̌n-a wlu̍ tu̍ la-ɛ, u̍h po̍ ɛ̍ tìh chɛ̀. Pò ìn slè wlùh gbaɛ blě nyɔ̍-ɛ, u̍h bɛ̌ɛ wlǔ m̀m̌ (5,000) nu̍-ɛ.

Nu̍-dɛ̍ᵻ 8:17

Wɛ̀ Pitɛ ke Chɔɔn tè u̍h sɔ̍n dlǔ, iě u̍h dǔ Nyɔsoa-a Sùù jě-ɛ.

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

1 Kɔwlɛntiɔn 15:10

Jɛ Nyɔsoa-a blɛ bo ɛ̀ nu̍ ɛ̍ wɛ̀ ǐn nɛ ka ǐn nɛ-a ka-ɛ. Sɔ ɔ̍ blɛ ɔ̍ nɛ-a dǒ ǐn we̍-ɛ, ɛ̍ se̍ bu̍ɛ̍i̍ nu̍. Iěe, ǐn nu̍ dbo̍ kaa̍ ɛ̍ sìì gba̍tòà kli̍hgbɛ̍. Ɛ̍ se̍ ǎn chɛ̀ ɔ̀ se̍ dbo̍ nu̍, jɛ Nyɔsoa-a blɛ ɔ̍ nɛ-a dǒ ǐn we̍-ɛ bo ɛ̀ nu̍ ɛ̍.

1 Kɔwlɛntiɔn 9:2

Pò nyɔ̍ duuh se̍ ǎn Klai-a gba̍tòà tìh i̍ wɔ̌ɛn-ɛ, mɔ̀ɔ̍ bo ùh wɔ̌ɛn ɛ̍-ɛ. Dɛ̍nu̍ɛ, mɔ̀ɔ̍ bo ùh sì dě ǐn de̍e̍ i̍ iě mɔ̀ to ɛ̍ ka ǐn nu̍-a Joi-a gba̍tòà-ɛ.

Kelesea 3:5

Nyɔsoa nyǐ mɔ̀ ɔ̍ Sùù iě ɔ̍ po̍ jbaɛdih dǒ mɔ̀ we̍ mɔ̀-a telě dɛ̍ɛ̍ jě tìh ɛɛ, àe̍e̍ mɔ̀ wɔ̌n pɔ̀n chɛ̀ iě mɔ̀ gbaɛ ɛ̍ wlùh dɛbo ae?

Kalase 1:29

Ɛ̍ kɔn ǐn nu̍ dbo̍, iě ǐn po̍ gbɔ̍igbɔ̍ dǒ ǎn kmu-gbǐh ìh Klai po̍-a dě ǐn ku̍u̍-ɛ we̍.

1 Tɛsoloniɔn 2:13

Ɛ̀ la ɛ̍ kɔn tìh bo à po̍ Nyɔsoa tlɔ̌ ke ma̍u̍. Ti̍ à ja̍-a mɔ̀ Nyɔsoa-a tu̍owli-ɛ, mɔ̀ wɔ̌n ɛ̍-ɛ i̍, iě mɔ̀ gbɛ̍n ɛ̍ i̍. Mɔ̀ se̍ ɛ̍ nyi̍ɔ̍-a tu̍owli ka gbɛ̍n, jɛ ka ɛ̍ nu̍-a nɛ-ɛɛ kǎ mɔ̀ nu̍ ɛ̍ i̍ gbɛ̍n-ɛ. Nyɔsoa-a wlu̍ la, ɛ̍-ɛ bo ɛ̀ nu̍-a dbo̍ dě mɔ̀ɔ̍ wlùh gbaɛ blě nyɔ̍ ja̍a̍.