Kelesea 2:7 - Ku̍o̍ Delee 1999

⁷ Jɛ ɛ̍ se̍-o siee, sɔ u̍h juo-o dɛ̍ i̍ ka Nyɔsoa nu̍-a Pitɛ i̍ nynaɛ-ɛ ɔ̍ iě-a pɔ̀n chɛ̀-a tìh bla̍ dě Juu nyɔ̍ we̍-ɛ, kǎ ɔ̍ nu̍ ǐn i̍ nynaɛ-ɛ ke iě pɔ̀n chɛ̀-a tìh bla̍ dě ùh se̍-a Juu nyɔ̍-ɛ we̍.

Kelesea 2:7 Iomraidhean Croise

Nu̍-dɛ̍ᵻ 15:12

Nyɔ̍ wɔ̍n flɔn-ɛ dɛ̍ᵻ ke jbaɛdih Nyɔsoa po̍-a dě Pɔɔ ke Banaba ja̍a̍ dě ùh se̍-a Juu nyɔ̍-ɛ nynɛ̌ we̍-ɛ, u̍h-a po̍-a i̍h-a kunǎ-a, nɛ̀ nyɔ̍ kli̍hgbɛ̍ wɛ̀-a de̍-ɛ, u̍h nɛ tìi̍n u̍h-a po̍ dě u̍h we̍ dounᵻ.

Nu̍-dɛ̍ᵻ 18:6

Jɛ u̍h faɛn ɔ̍ dɛ, iě u̍h-a chlèe ɔ̍. Wɛ̀ ɔ̍ gbàbo ɔ̍ jlii̍ i̍, ɛ̍ nu̍ u̍h-a tìh kwa̍ i̍ sà-a. Iě ɔ̍ la̍a̍ dě u̍h we̍, “Pò mɔ̀ gbɔ̀lɔ-ɛ, nɛ̀ ɛ̍ se̍ ǎn tìh o. Mɔ̀-a nymɔ̍-a tìh tè dǒ mɔ̀-a chɛ̀ dlǔ i̍. Ɛ̍ tìh-ɛ, sɔ da̍a sèàn blǐ-ɛ, ǎn mu̍ dě ùh se̍-a Juu nyɔ̍-ɛ we̍ o.”

Nu̍-dɛ̍ᵻ 28:28

“Ɛ̍ tìh-ɛ, mɔ̀ juo ɛ̍ ka Nyɔsoa dbo̍-a ɔ̍ nyɔ̍ sèìe-ɛ la wɛ̀ dě ùh se̍-a Juu nyɔ̍-ɛ we̍-ɛ. U̍h-a mu̍ ɛ̍ dounᵻ we̍ po̍.” [

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 11:13

Kaka la̍, mɔ̀ɔ̍ ùh se̍-a Juu nyɔ̍-ɛ, dě mɔ̀ we̍ bo ǎn wlu. Ka jɛ ǐn nu̍-a Klai-a gba̍tòà dǒ mɔ̀ we̍-ɛ, sɔ nɛ̀ dbo̍-a chɛ̀ kɔn tìh bo ǎn po̍ tlɔ̌.

1 Kɔwlɛntiɔn 9:17

Pò ǐn ja dbo̍ la nu̍ dǒ ǎn chɛ̀ blǐ paǐ-ɛ, nɛ̀ ǎn mu̍ pɛ̌ɛ la jě tìh gbàɛ̀. Jɛ pò ǐn se̍ ɛ̍ dǒ ǐn blǐ paǐ sà-ɛ, nɛ̀ ɛ̍ tèè ǐn kwa̍ iě ɛ̍ nu̍ dɛbo.

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Kelesea 1:18

Sɔ̀nᵻ ta̍a̍n sì-aɛ, wɛ̀ ǐn mu̍ dǒ Juluslɛn ǐn ke Pitɛ ke à iě i̍ ju̍o̍e. Iě ǐn nu̍-e dɔɔ̌dlǔᵻ sɔɔ̌n.

Kelesea 1:6

Mɔ̀-a nu̍-dɛ̍ᵻ wlǔh i̍ ǐn de̍e̍. Ɛ̍ se̍-o wlè fu̍u̍ wɛ̀ mɔ̀-a poe nyɔ̍ ɔ̀ dǎ-a mɔ̀ dě Klai-a blɛ nɛ-ɛ di̍i̍-ɛ kɛ̍n i̍, iě mɔ̀-a bǐi dě pɔ̀n chɛ̀ dɛɛ we̍ i̍.

Kelesea 2:11

Jɛ ti̍ Pitɛ ji̍-a dǒ Antiɔ wlɔ̀ di̍i̍-ɛ, klǐ-dɛ̍ ɔ̍ nu̍-aɛ, iě ǐn po̍ ɛ̍ dě ɔ̍ jlǐh.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

1 Tɛsoloniɔn 2:4

Jɛ Nyɔsoa-a chɛ̀ bo ɔ̀ wɔ̌ɛn à tìh i̍, iě ɔ̍ tè pɔ̀n chɛ̀ la ɛ̍ tìh dǒ à dlǔ i̍ à iě ɛ̍ bla̍. Ɛ̍ kɔn à wlu, iě Nyɔsoa ɔ̀ chlɛ̌-a dě à wlùh we̍ i̍-ɛ, wɛ̀ à iě ɔ̍ pɔluh i̍ tè-e. Jɛ à se̍ nyi̍ɔ̍-a pɔluh i̍ tè-e dɛ̍ we̍ fɔ̀n.

1 Timote 1:11

Pɔ̀ìě Nyɔsoa ɔ̀ kɔn nynɛ̌ bɛ̌-a i̍-ɛ, pɔ̀n chɛ̀ ɔ̍ nyǐ-a m iě-a bla̍-ɛ, dě ɛ̍ di̍i̍ bo nǎ po̍ wlu̍ la ɛ̍ sɔ-ɔ.

1 Timote 2:7

Ɛ̍ tìh bo Nyɔsoa tba̍ ǐn chèɛ̀ iě tìh bla̍ nyɔ̍ ke gba̍tòà nu̍. Wɛ̀ ǐn nu̍ ùh se̍-a Juu nyɔ̍-ɛ nǎ po̍ nyɔ̍ dǒ wlùh gbaɛ ke tìh-a taǐn we̍. (Tìh-a taǐn bo ǎn sà-a, ǐn se̍ si̍h tmɔ̌.)

2 Timote 1:11

Pɔ̀n chɛ̀ la ɛ̍ tìh bo Nyɔsoa tba̍ ǐn chèɛ̀ iě ɛ̍ tìh bla̍ nyɔ̍ ke, gba̍tòà ke nǎ po̍ nyɔ̍ nu̍.

2 Pitɛ 3:15

Mɔ̀ blě-e ɛ̀ la dǒ wlùh kɛ̍n, à Joi-a wlùh i̍ gbɛ̍n-a nyǐ mɔ̀ flɔna̍ mɔ̀ iě pǔh. Kǎ à tìh kma de̍di̍i̍ Pɔɔ nu̍ mɔ̀ we̍ chlǐh-ɛ ke dǒ flɔ̍nwlùh Nyɔsoa nyǐ-a ɔ̍-ɛ we̍.