Kelesea 2:4 - Ku̍o̍ Delee 1999

⁴ Nyɔ̍ ùh tba̍-o bu̍h sǔh-ɛ, ɛ̍ nu̍ de̍di̍i̍ᵻá si̍h naɛ ùh gbǎ-a à nynɛ̌ soɛɛ, iě u̍h-a klǎɛ à jlǐhɛ̍-ɛ. Wɛ̀ u̍h iě ka à nu̍-a sèìe-ɛ dě Jusu Klai ja̍a̍-ɛ we̍ i̍ ju̍o̍e. Wɛ̀ u̍h iě àɔ̀ telě-a kèi̍ we̍i̍ nu̍ dode̍.

Kelesea 2:4 Iomraidhean Croise

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

Nu̍-dɛ̍ᵻ 15:1

Dǒ nyɔ̍ duuh sɔ-ɛ Judia fɔɔ iě u̍h ji̍ dǒ Antiɔ. Wɛ̀ u̍h-a po̍ de̍di̍i̍ᵻ nɛ-a doǒ-ɛ nǎ. U̍h la̍a̍, “Pò mɔ̀ gbǎ plɔ̀n ka Mose-a telě dǎ-aɛ, nɛ̀ à sà-o ɛ̍ tɛ̀. Jɛ pò mɔ̀ se̍ la̍a̍n nu̍-ɛ, nɛ̀ mɔ̀ se̍ pǔh ke̍ o.”

Nu̍-dɛ̍ᵻ 15:24

À wɔ̌n i̍h nyɔ̍ sɔ nɔ̌ àɔ̀ nynɛ̌ iě u̍h-a bɛ̌ɛ mɔ̀ wɔ̍ɔ̍n i̍, iě ɛ̍ po̍ mɔ̀-a wlùh dě de̍ i̍ dǒ dɛ̍ u̍h-a sà-a we̍. Jɛ u̍h se̍ ɛ̍ dě à wɔ̍ɔ̍n dǔ i̍ o.

Nu̍-dɛ̍ᵻ 20:30

Dě mɔ̀ nynɛ̌ bo nyɔ̍-a mu̍ sɔ u̍h iě kòà dɔu iě dǒ u̍h de̍e̍ gbǎ tìh tù, wɛ̀ u̍h iě tìh-a taǐn-a wɛ̀àn plùn chɛ̍n.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

2 Kɔwlɛntiɔn 11:13

Nyɔ̍ kaɛn la Klai-a gba̍tòà-a si̍h naɛ bo. U̍h-a tmɔ̌ si̍h dǒ u̍h-a dbo̍ u̍h-a nu̍-aɛ we̍. U̍h-a nu̍ u̍h-a chɛ̀ Klai-a gba̍tòà we̍i̍.

2 Kɔwlɛntiɔn 11:17

Dɛ̍ ǎn sà-a kaka-ɛ, ɛ̍ se̍ dɛ̍ Joi-a pɔ̀n-a iě-a sà-ɛ. Wɔ̍i̍n ǎn po̍-a ka-ɛ, ǎn wlu-i ka bo-nyɔ̍-ɛ.

2 Kɔwlɛntiɔn 11:20

Mɔ̀-a wɔ̌ɛn iě nyɔ̍-a nu̍ mɔ̀ dɛ̍ᵻ jii̍ ka kèi̍ᵻɛ́ àe̍e̍ u̍h-a tè mɔ̀ wɔ̍n dlǔ àe̍e̍ u̍h-a gbɛ̍n mɔ̀ àe̍e̍ u̍h-a bɛ̌-ɛ u̍h-a chɛ̀ i̍, iě u̍h-a tba̍ mɔ̀ gbǎ jua̍i̍.

2 Kɔwlɛntiɔn 11:26

Dě ǎn wìèlè mu̍-ɛ dɔu di̍i̍-ɛ, ǐn na-ɛ mɛ̌ɛ wɔ̍i̍n dǒ jǐ-nǐ ke, jlǐ-nyɔ̍ ke, ǎn chɛ̀-a nyɔ̍ ke, ùh se̍-a Juu nyɔ̍-ɛ ke, tùgbàwlɔ̀ᵻ di̍i̍ i̍ ke, dě kwlǎslò we̍ ke, dě jbǒ kɛ̍n ke dǒ à de̍di̍i̍ᵻá si̍h naɛ we̍.

2 Kɔwlɛntiɔn 3:17

Joi bo ɔ̀ nu̍ Nyɔsoa-a Sùù. Joi-a Sùù bo ɛ̀ flɔn-ɛ nyɔ̍ kɛ̍n i̍.

Kelesea 1:7

Jɛ pɔ̀n chɛ̀ dɛɛ se̍ nɛ fu̍u̍. Dě mɔ̀ we̍ bo nyɔ̍ duuh nɛ u̍h-a bɛ̌ɛ mɔ̀ wɔ̍ɔ̍n i̍, u̍h iě Klai-a pɔ̀n chɛ̀-a klě-e fiǎn.

Kelesea 4:25

Eka bo ɔ̀ nu̍ Saɛnaɛ Tlu̍h dě Awlebia bloa̍ kɛ̍n, iě ɔ̍ wɔ̀ Juluslɛn wlɔ̀ ɛ̀ nɛ-a kaka-ɛ. Dɛ̍nu̍ɛ, ɔ̍ ke ɔ̍ nynuu̍ nɛ dě kèìe̍e̍.

Kelesea 4:3

Ka ɛ̍ nɛ ke, ti̍ à se̍-a jlǐh flɔn ke̍-ɛ, nɛ̀ gbǐh jih kɔn-a kmɔ̌ la wlu̍ i̍-ɛ, nɛ̀ àɔ̀ i̍h-a kèi̍ᵻ.

Kelesea 5:1

Klai sèìe àɔ̀ wɛ̀, wɛ̀ à-a je̍e kèi̍ᵻ nu̍ dɛ. Ɛ̍ tìh-ɛ, mɔ̀ ku̍e̍i̍, wɛ̀ mɔ̀ɔ̍ je̍e kèi̍ᵻ wɔ̀ dɛ.

Kelesea 5:10

Ǐn tè Joi wlì dǒ mɔ̀ we̍, mɔ̀ se̍ flɔ̍nwlùh dɛɛ de̍e̍ gbǎ mu̍ wɛ̀ mɔ̀ iě-o naɛ̍ i̍ si̍e̍. Nɛ̀ nyɔ̍ jɔ bɛ̌ɛ-a mɔ̀ wɔ̍ɔ̍n i̍-ɛ, ka jɛ ɔ̍ nɛ-ɛ, ɔ̍ mu̍ kàn gbɛ̍n-ɛ.

2 Timote 3:6

U̍h-a duuh-a pa̍ dě nynɔ̌gbaɔᵻ kɔn Nyɔsoa dɛ se̍-a kmu-ɛ blǐ gbòᵻ, ùh gblɛ̍n sɔ̀ɛ̀n-a nyɛ̌-a kɛ̍n i̍, wɛ̀ pɔ̀n-dɛ̍ᵻ sɔ̀nᵻ kaɛn kaɛn-a sàɛ̀-a u̍h-a dlǔ wìè-eɛ, wɛ̀ u̍h-a fèàɛ̀ u̍h-a wlùh.

Chiin 1:25

Jɛ telě la ɛ̀ wɛ̀-a nɛi̍ wɛ̀ ɛ̀ pǔh-ia nyɔ̍-ɛ, nyɔ̍ ɔ̀ tù-a ɛ̍ dounᵻ ɔ̀ se̍-a ɛ̍ we̍ mǎle wɛ̀ ɔ̀ gba̍-a ɛ̍ nu̍-ɛ dluwe̍ i̍-ɛ, nɛ̀ ɔ̍ mu̍ pɔ̀ìě jě dǒ ɔ̍ nu̍-dɛ̍ kɛ̍n.

1 Pitɛ 2:16

Mɔ̀ nu̍ dɛ̍ᵻ ka pǔh-u nyɔ̍-ɛ, jɛ mɔ̀ bɔ̌ dě mɔ̀-a pǔh-ɛ de̍e̍ kɛ̍n poe-ɛ, wɛ̀ mɔ̀ bɔ̌ dɛ̍ᵻ sɔ̀nᵻ nu̍-ɛ. Jɛ mɔ̀ nu̍ dɛ̍ᵻ ka Nyɔsoa-a pòi̍nynuu̍-ɛ.

2 Pitɛ 2:19

Nǎ po̍ nyɔ̍-a si̍h naɛ la u̍h-a po̍ wlu̍ tɔ̀ma̍a̍ u̍h iě nyɔ̍ dě kèìe̍e̍ sà, jɛ nɛ̀ u̍h-a chɛ̀ nɛ dě tba̍ɛ kɛ̍n i̍-a kèìe̍e̍. Nyɔ̍ ɔ̀ dɛ̍-o-dɛ̍ kɔn-a wlu̍ i̍-ɛ, nɛ̀ ɔ̍ nɛ dě ɛ̍ kèìe̍e̍.

1 Chɔɔn 4:1

Ǎn tìh kma nyɔ̍, mɔ̀ bɔ̌ nyɔ̍ kli̍hgbɛ̍ ùh la̍ ùh blě-a Nyɔsoa-a Sùù-ɛ wlùh gbaɛ. Mɔ̀ tɛ̀n u̍h-u pò u̍h sɔ dě Nyɔsoa we̍-ɛ. Dɛ̍nu̍ɛ, Nyɔsoa-a tu̍owli po̍ nyɔ̍-a si̍h naɛ dɔu-a sì la̍ blǔh we̍.

Judi 1:4

Nyɔ̍ duuh ùh kɔn kɛ̀n sà tìh chlǐh-a dě Nyɔsoa-a wlu̍ di̍i̍ tɛin-ɛ, u̍h gbǎ mɔ̀ nynɛ̌ soɛɛ. U̍h se̍ Nyɔsoa dɛ-ɛ nɛ, ɛ̍ kɔn u̍h-a bǐi blɛ Nyɔsoa nyǐ-a àɔ̀-ɛ kwa̍ i̍, wɛ̀ u̍h iě ɛ̍ se̍i̍kɔɛn nui. Wɛ̀ Jusu Klai ɔ̀ nɛ due nu̍-a à Joi ke à Dlǔtu-ɛ, iě u̍h tba̍ ɔ̍ chla.