Kelesea 2:21 - Ku̍o̍ Delee 1999

²¹ Ǐn se̍ Nyɔsoa-a blɛ chla tba̍. Dɛ̍nu̍ɛ, pò telě ja nyɔ̍ i̍ slɛ̌-ɛ de dě Nyɔsoa jlǐh-ɛ, nɛ̀ Klai-a mɛ̌ɛ se̍ dɛ̍ i̍ blaɛ de.

Kelesea 2:21 Iomraidhean Croise

Pɔ̀n Chɛ̀ Maɛ To-a La 7:9

Ɔ̍ la̍a̍ dě u̍h we̍, “Mɔ̀-a po̍ gblàa̍ Nyɔsoa-a telě iě dǒ bloɔ̍ i̍ gbǎ wɛ̀ mɔ̀ naɛ nǎ iě-o sie.

Wloma 10:3

Ka Nyɔsoa-a nu̍-a nyɔ̍ i̍ slɛ̌-ɛ, u̍h se̍ ɛ̍ dɛ-ɛ i̍ wɔ̌n. U̍h-a fɔ̀n dɛ̍ we̍ u̍h iě u̍h-a chɛ̀ naɛ gbɔ̀ tè. U̍h se̍ u̍h-a chɛ̀ wlù ja dǒ ka Nyɔsoa-a nu̍-a nyɔ̍ i̍ slɛ̌-ɛ we̍.

Wloma 11:6

Ɔ̍ u̍h-a chèɛ̀ tba̍-a kɔ̍ dǒ blɛ kɛ̍n i̍, ɛ̍ se̍ u̍h-a nu̍-dɛ̍-a tìh. Jɛ pò ɛ̍ tù u̍h-a nu̍-dɛ̍-a tìh de-ɛ, nɛ̀ ɛ̍ se̍ dǒ blɛ nɛ-ɛ kɛ̍n i̍ kɔ̍.

Wloma 4:25

Jusu sà-ɛɛ kwlǎ ɔ̍ iě mɛ̌ dǒ à gblɛ̍n sɔ̀ɛ̀n-a tìh we̍, iě ɔ̍ sà-ɛe wɛ̀ ɔ̍ iě à i̍ slɛ̌-nyɔ̍ we̍i̍ nu̍ dě Nyɔsoa jlǐh.

Wloma 8:31

Ka à mu̍ ka dǎ dǒ ɛ̀ la we̍ ɛ? Pò Nyɔsoa tǐn à we̍-ɛ, nɛ̀ nyɔ̍ bo ɔ̀ bɛ̌ɛ à klà sà-a ɛ?

1 Kɔwlɛntiɔn 15:14

Jɛ pò Klai se̍-e wlǔh de-ɛ, nɛ̀ à bla̍-a tìh nu̍ bu̍ɛ̍i̍, nɛ̀ mɔ̀-a wlùh gbaɛ wɔ̍ nu̍ bu̍ɛ̍i̍ ke.

1 Kɔwlɛntiɔn 15:17

Pò Klai se̍-e wlǔh de-ɛ, nɛ̀ mɔ̀-a wlùh gbaɛ se̍ dɛ̍ i̍ blaɛ, iě gblɛ̍n sɔ̀ɛ̀n kɔn mɔ̀ wlu̍ i̍ ke̍ de.

1 Kɔwlɛntiɔn 15:2

Ɛ̍ nu̍ pɔ̀n chɛ̀ la ǎn bla̍-a dě mɔ̀ we̍-ɛ, pò mɔ̀ gbɛ̍n-ɛ ɛ̍ sɔ̍nᵻ sɔɔ̌n i̍-ɛ, nɛ̀ ɛ̍ mu̍ mɔ̀ pǔh-i. Pò mɔ̀ se̍ wlùh gbaɛ blě nɔ̀ɔ̍-ɛ, nɛ̀ ɛ̍ kɔn tɛ̀ ǐn sà-o.

Kelesea 2:16

À juo i̍h, telě dɛ̍ɛ̍ jě-ɛ, ɛ̍-ɛ slɛ̌-ɛ nyɔ̍ i̍ dě Nyɔsoa jlǐh. Jɛ Jusu Klai wlùh gbaɛ bo ɛ̀ slɛ̌-ɛ nyɔ̍ i̍ dě Nyɔsoa jlǐh. À chɛ̀ à gbaɛ Jusu Klai wlùh wɛ̀ ɛ̍ iě à i̍ slɛ̌-ɛ dě Nyɔsoa jlǐh. À Klai wlùh gbaɛ bo ɛ̀ nu̍ ɛ̍, ɛ̍ se̍ telě dɛ̍ɛ̍ jě tìh. Dɛ̍nu̍ɛ, nyɔ̍-ɔ slɛ̌ i̍ dě Nyɔsoa jlǐh dǒ telě dɛ̍ɛ̍ jě-ɛ we̍.

Kelesea 2:18

Pò ǐn sà telě dǒ wìè-i wɛ̀ iě ɛ̍ dǒ de̍ po̍-ɛ, nɛ̀ ɛ̍ flɔn-ɛ ɛ̍ we̍i̍ ka ǐn nu̍-a telě wa̍ nyɔ̍-ɛ.

Kelesea 3:21

Pò ɛ̍ nɛ ka-ɛ, nɛ̀ telě ke Nyɔsoa-a tɔ̀ma̍a̍ wlu̍ se̍ i̍ wɛɛn ae? Sakǒ, ɛ̍ se̍ la̍a̍n nɛ. Pò telě ja wlɔ̀ nyi̍ɔ̍ feɛ nyǐ de-ɛ, nɛ̀ telě dɛ̍ɛ̍ jě-ɛ bo ɛ̀ mu̍ nyɔ̍ i̍ slɛ̌-ɛ dě Nyɔsoa jlǐh de.

Iblu 7:11

Dǒ slaǎ sà nyɔ̍ ùh nu̍-a Liifaɛ-a nynuu̍-ɛ dɛ kɛ̍n bo Nyɔsoa poe telě dě Eslɔɛ nyɔ̍ we̍. Nɛ̀ pò slaǎ sà nyɔ̍ ùh nu̍-a Liifaɛ-a nynuu̍-ɛ, pò u̍h-a nu̍-dɛ̍ bɛ̌ɛ nyɔ̍ i̍ slɛ̌-ɛ de-ɛ, nɛ̀ slaǎ sà nyɔ̍ kaɛn dɔɔ ɔ̀ wɔ̀-a Mɛokeslɛ iě ɔ̀ se̍-a Ewlɔn wɔ̀-ɛ, ɔ̍ se̍ kɔn ɔ̍ iě ji̍ dɛ de.