Kelesea 2:2 - Ku̍o̍ Delee 1999

² Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Kelesea 2:2 Iomraidhean Croise

Matio 10:16

Ɔ̍ la̍a̍, “Ǎn dbo̍ mɔ̀ ka nyɔ̍-a dbo̍ blawɛ̌ᵻ dě gbɛ̍n-nmi̍i̍ nynɛ̌ we̍-ɛ. Ɛ̍ tìh-ɛ, mɔ̀ klǐhbih jlǐh i̍ ka nǐ plǐn la̍ smìɛ̍-ɛ, wɛ̀ mɔ̀ iě gba̍n gbɛ̍n ke.

Nu̍-dɛ̍ᵻ 15:12

Nyɔ̍ wɔ̍n flɔn-ɛ dɛ̍ᵻ ke jbaɛdih Nyɔsoa po̍-a dě Pɔɔ ke Banaba ja̍a̍ dě ùh se̍-a Juu nyɔ̍-ɛ nynɛ̌ we̍-ɛ, u̍h-a po̍-a i̍h-a kunǎ-a, nɛ̀ nyɔ̍ kli̍hgbɛ̍ wɛ̀-a de̍-ɛ, u̍h nɛ tìi̍n u̍h-a po̍ dě u̍h we̍ dounᵻ.

Nu̍-dɛ̍ᵻ 15:2

Ɛ̍ bo ɛ̀ tòlo u̍h ke Pɔɔ ke Banaba, iě u̍h-a sà wɔ̍ɔ̍n i̍. Ɛ̍ bo ɛ̀ sà Pɔɔ ke Banaba, ɛ̍ ke wlùh gbaɛ-ɛ blě nyɔ̍ duuh ke u̍h iě Jusu-a gba̍tòà ke nyɔ̍ klaaᵻ jě la̍-a mu̍ dě Juluslɛn wlɔ̀ di̍i̍, dǒ dɛ̍ la u̍h-a tòlo-a we̍.

Nu̍-dɛ̍ᵻ 15:4

U̍h nyni̍-a Juluslɛn-ɛ, chɔchi̍h ke, gba̍tòà ke, nyɔ̍ klaaᵻ gbɛ̍n u̍h-a tìh i̍. Dɛ̍ᵻ kli̍hgbɛ̍ ìh Nyɔsoa nu̍-a dě u̍h ja̍a̍-ɛ, iě u̍h po̍ i̍h-a kunǎ kli̍hgbɛ̍ dě u̍h we̍.

Nu̍-dɛ̍ᵻ 18:9

Wɛ̀ Pɔɔ ja se̍ mɔ̌ ja̍ dǒ maɔ̍ weɛ̍ due di̍i̍. Joi la̍a̍ dě ɔ̍ we̍, “Bɔ̌ faɔn ple̍-ɛ, gba̍ wlu-ɛ dluwe̍ i̍, bɔ̌ se̍a̍-a.

Nu̍-dɛ̍ᵻ 23:11

Ɛ̍ wlù weɛ̍ laa̍ dǒ Joi wlǔh-i Pɔɔ i̍ iě ɔ̍ la̍a̍, “Pɔɔ, bɛ̌ wlì i̍, ka ìn nu̍-a ǎn tìh i̍ sà-a da̍a Juluslɛn wlɔ̀ di̍i̍-ɛ, kǎ ìè ǎn sàànsi̍i̍h nu̍-ɛ nu̍ ke dǒ Wlom.”

Nu̍-dɛ̍ᵻ 5:34

Jɛ Fɛlesii jǔ due ɔ̍ nynɛ̌ bo Kamediɔ, ɔ̍ nu̍ taɔ-a nyɔ̍ due. Nyɔ̍ kli̍hgbɛ̍-a tè ɔ̍ ja̍. Ɔ̍ nu̍ telě nǎ poe nyɔ̍, iě ɔ̍ nyna i̍, ɔ̍ sèàɛ̍ nyɔ̍ wlùh u̍h iě nynuu̍ la dǒ sɔ̀n gba̍ wɛɛ.

Wloma 9:16

Sɔ nɛ̀ Nyɔsoa-a nyɔ̍ chèɛ̀ tba̍-a se̍ dǒ nyi̍ɔ̍-a wlùh dɛ̍ ke nu̍-dɛ̍ kɛ̍n i̍ tba̍, jɛ ɛ̍ tba̍ dǒ ɔ̍ wɔɛ kɛ̍n i̍.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

1 Kɔwlɛntiɔn 2:2

Ti̍ iě-a dě mɔ̀ we̍ nɛ-ɛ, ǐn pu̍e̍e ɛ̍ wlùh i̍ iě dɛ̍ᵻ kli̍hgbɛ̍ dǒ de̍ i̍ poe, Jusu Klai-a dǒ tu̍ wlì kɔ̍-ɛ tìh bla̍-a due kɔn tìh-a tɛ̀ ǐn sà-o.

1 Kɔwlɛntiɔn 9:24

Mɔ̀ se̍ i̍h juo ka nyɔ̍ ùh-a bla̍-ɛa dlǔᵻ wɔ̍i̍n dǒ ple̍ la̍-ɛ, u̍h-a nyɔ̍ due gbài̍ bo ɔ̀ gba̍-a nyǐ-dɛ̍-ɛ ae? Ɛ̍ tìh-ɛ, ple̍, wɛ̀ ìè ɛ̍ gba̍.

1 Kɔwlɛntiɔn 9:26

Ɛ̍ kɔn tìh ǎn tù ple̍-ɛ jlǐhɛ̍, wɛ̀ iě wlɔ̀ nyni̍ nɛ̌ se̍-e dɛ̍ gba̍. Ɛ̍ kɔn ǐn wɔ̀ fɔ̀n-nyɔ̍ ɔ̀-ɔ gblà-a nyɔ̍ gbuna-ɛ.

2 Kɔwlɛntiɔn 12:1

Ǐn kɔn iě wɔ̍i̍n po̍. Ɛ̍ se̍-o dɛ̍ po̍ mu̍ gbɛɛ, jɛ ǎn mu̍ se̍ mɔ̌ ja̍ᵻ ke nyɔ̍ i̍ toe dɛ̍ᵻ Joi toe-a m-ɛ sà.

Kelesea 1:12

Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Kelesea 1:6

Mɔ̀-a nu̍-dɛ̍ᵻ wlǔh i̍ ǐn de̍e̍. Ɛ̍ se̍-o wlè fu̍u̍ wɛ̀ mɔ̀-a poe nyɔ̍ ɔ̀ dǎ-a mɔ̀ dě Klai-a blɛ nɛ-ɛ di̍i̍-ɛ kɛ̍n i̍, iě mɔ̀-a bǐi dě pɔ̀n chɛ̀ dɛɛ we̍ i̍.

Kelesea 2:6

Jɛ nyɔ̍ u̍h-a dǎɛ-a nyɔ̍ klaaᵻɛ́, u̍h se̍ flɔ̍nwlùh delee dǒ naɛ̍ kɛ̍n po̍. Ka jɛ u̍h nɛ-a chɛ̀-ɛ, dɛ̍ ɛ̀ iě-a dǒ dɔɔ̌ nɛ dǒ ǐn we̍-ɛ, ɛ̍ se̍ nɛ dɛ̍nu̍ɛ, Nyɔsoa-a chlɛ̌-e nyɔ̍ i̍.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Kelesea 5:7

Mɔ̀-a mu̍-a nya̍ de gbɛɛ-ɛ, nyɔ̍ bo ɔ̀ sà mɔ̀ wìè-i dǒ tìh-a taǐn dɛ̍ɛ̍ jě-ɛ we̍ ɛ?

Felepai 2:16

ka mɔ̀ gbɛ̍n-a tu̍owli la ɛ̀ nyǐ-a nyɔ̍ feɛ-ɛ, ɛ̍ nya̍ gba̍-a i̍-ɛ. Pò mɔ̀ ja laan nu̍-ɛ, nɛ̀ ɛ̍ mu̍ ǎn bu̍hᵻ dlǔ bɛ̌-ɛ dǒ weɛ̍ Klai-a mu̍-a ji̍-ɛ di̍i̍. Nɛ̀ ǎn gbǐh se̍-e gbɔ̀lɔ mu̍ dǒ dbo̍ dɔu ǐn nu̍-aɛ we̍.

Felepai 2:29

Ɛ̍ tìh-ɛ, mɔ̀ gbɛ̍n ɔ̍ tìh i̍ dě Joi ja̍a̍ mɔ̀ iě nmɔ kaa̍. Nyɔ̍ ùh nɛ-a ka-ɛ, u̍h bo mɔ̀ iě ja̍ tè.

1 Tɛsoloniɔn 3:5

Ɛ̍ kɔn ti̍ ǐn se̍-a ɛ̍ i̍ nyna-a bɛ̌ɛ dɛ-ɛ, wɛ̀ ǐn dbo̍ Timote ɔ̍ iě mɔ̀-a wlùh gbaɛ jě. Ǎn ple̍ faɔn nyɔ̍-se̍-juo Kǔ po̍ mɔ̀ blu̍ja̍a̍ wɛ̀, iě à dbo̍ la ɛ̍-ɛ je̍e bu̍ɛ̍i̍ nu̍.

2 Timote 4:7

Ǐn fɔ̀n fɔ̀n-ɛa chɛ̀ naɛ wɛ̀. Ǐn wɔ̀ dlǔᵻ wɔ̍i̍n blaɛ-ɛ wɛ̀, iě ǐn se̍ wlùh gbaɛ i̍ sɔ.

Iblu 12:1

Nɛ̀ɛ̍, ka à blě-a wlùh gbaɛ blě nyɔ̍ tlùgbei̍ la à de̍e̍ i̍-ɛ, dɛ̍ᵻ kli̍hgbɛ̍ ìh-a chlì-a à ja̍-ɛ ke gblɛ̍n sɔ̀ɛ̀n jih gbɛ̍n-ɛ à i̍ gba̍i̍ngba̍i̍n-ɛ, mɔ̀ à poe i̍h fɔ̌ i̍ à iě-e gbǐh po̍ à iě dɛ̍ ɛ̀ pɛ̌n-a dǒ à jǔ i̍-ɛ we̍ ple̍.