Kelesea 2:19 - Ku̍o̍ Delee 1999

¹⁹ Ǐn mɛ̌ wɛ̀ dǒ telě nɔ̀ɔ̍ we̍, wɛ̀ iě kmɔ̌ nɛ dǒ Nyɔsoa we̍. Ǐn mɛ̌ wɛ̀ dǒ Klai we̍ gbàɛ̍ kɛ̍n i̍ tu̍ wlì.

Kelesea 2:19 Iomraidhean Croise

Wloma 4:15

Dɛ̍nu̍ɛ, telě wa̍-a ja Nyɔsoa-a jlu̍h dǒ tà. Jɛ pò telě se̍ dǒ tà nɛ-ɛ, nɛ̀ dɛ̍ nyɔ̍ iě-a wa̍-a se̍ nɛ.

Wloma 5:20

Nyɔsoa po̍ telě wɛ̀ nyɔ̍-a gblɛ̍n sɔ̀ɛ̀n nu̍-ɛ iě kɛ̍n gbǎ. Jɛ tà gblɛ̍n sɔ̀ɛ̀n-a gbǎ-ɛa kɛ̍n-ɛ, dǒ Nyɔsoa-a blɛ-a gbǎ-ɛ kɛ̍n ke dɛ̍blɔ.

Wloma 6:11

Ɛ̍ tìh-ɛ, ka mɔ̀ ke Jusu Klai nɛ-a due-ɛ, nɛ̀ mɔ̀ kɔn mɔ̀ iě mɔ̀-a chɛ̀ mɛ̌-nyɔ̍ slè-e ke dǒ gblɛ̍n sɔ̀ɛ̀n we̍, wɛ̀ mɔ̀ iě kmɔ̌ nɛ dǒ Nyɔsoa we̍.

Wloma 6:14

Nɛ̀ gblɛ̍n sɔ̀ɛ̀n se̍ mɔ̀ wlu̍ i̍ kɔn mu̍ dɛ, dɛ̍nu̍ɛ, mɔ̀ se̍ dǒ telě sɔ̀n nɛ dɛ, jɛ mɔ̀ nɛ dě Nyɔsoa-a blɛ di̍i̍ wɛ̀.

Wloma 6:2

Iěe tììh, à mɛ̌-a wɛ̀ dǒ gblɛ̍n sɔ̀ɛ̀n nɔ̀ɔ̍ we̍-ɛ, nɛ̀ ka à mu̍ i̍h nɔ̀ɔ̍ dluwe̍ gba̍-a nu̍ dɛ ɛ?

Wloma 7:14

À juo ɛ̍-ɛ ka telě sɔ-a dě Nyɔsoa we̍-ɛ. Jɛ mɔ̍ bo ɔ̀ nu̍ kmɔ̌ we̍ nyɔ̍, iě ǐn ple̍-eɛ ka kèi̍-ɛ dě gblɛ̍n sɔ̀ɛ̀n we̍.

Wloma 7:4

Ǐn de̍di̍i̍ᵻ, kǎ ɛ̍ nɛ ke dǒ mɔ̀ we̍. Mɔ̀ mɛ̌ wɛ̀ dǒ telě we̍, dɛ̍nu̍ɛ, mɔ̀ kɔn dǒ Klai we̍, ɔ̀ mɛ̌-a wɛ̀ ɔ̀ wlǔh-aeɛ, wɛ̀ à iě dɛ̍ᵻ chɛ̀ nu̍ wɛ̀ à iě Nyɔsoa jǔ dbee.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

1 Kɔwlɛntiɔn 10:31

Ɛ̍ tìh-ɛ, pò mɔ̀ ja dɛ̍ di̍ o, mɔ̀ ja nǐ nǎ o, dɛ̍-o-dɛ̍ mɔ̀-a mu̍-a nu̍-ɛ, mɔ̀ nu̍ ɛ̍ dǒ Nyɔsoa-a tìh-a i̍ bɛ̌-ɛ we̍.

1 Kɔwlɛntiɔn 9:20

Pò ǐn jɛɛ Juu nyɔ̍-ɛ, nɛ̀ ǐn nu̍ ǎn chɛ̀ Juu jǔ we̍i̍, wɛ̀ ɛ̍ iě kmɔ̌ nɛ iě u̍h-a wlùh fèàɛ̀ dě Klai we̍. Pò ǐn jɛɛ nyɔ̍ ùh nɛ-a dǒ telě sɔ̀n-ɛ, nɛ̀ ǐn nu̍ ǎn chɛ̀ dǒ telě sɔ̀n nɛ nyɔ̍ we̍i̍. Telě se̍ ǐn wlu̍ i̍ kɔn gbɛɛ, jɛ ǎn nu̍ ɛ̍-ɛ, wɛ̀ ɛ̍ iě kmɔ̌ nɛ iě u̍h-a wlùh fèàɛ̀ dě Klai we̍.

2 Kɔwlɛntiɔn 5:15

Ɔ̍ mɛ̌-ɛ dǒ nyɔ̍ kli̍hgbɛ̍ we̍, wɛ̀ ùh nɛ-a kmɔ̌-ɛ, u̍h-u je̍e kmɔ̌ nɛ dɛ dǒ u̍h-a chɛ̀ we̍, jɛ u̍h iě kmɔ̌ nɛ dǒ ɔ̀ mɛ̌-a iě ɔ̀ wlǔh-ae u̍h-a tìh-ɛ we̍.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kelesea 3:10

Nyɔ̍ ùh tè-a telě dɛ̍ɛ̍ jě-ɛ wlì-ɛ, nɛ̀ kàɔ̀-a mu̍ u̍h gbɛ̍n. Dɛ̍nu̍ɛ, ɛ̍ chlǐh-wlu̍ la̍a̍, “Nyɔ̍-o-nyɔ̍ ɔ̀ se̍-a dɛ̍ᵻ kli̍hgbɛ̍ ìh chlǐh-a dě telě chlǐh-dɛ̍ di̍i̍-ɛ dɛ̍ɛ̍ jě-ɛ dluwe̍ gba̍ mu̍-ɛ, nɛ̀ Nyɔsoa-a kàɔ̀ gbɛ̍n ɔ̍-ɛ.”

Kelesea 3:24

Iě telě naɛ à sɔ̍nᵻ we̍ i̍ te̍e̍ wɛ̀ Klai ji̍, wɛ̀ wlùh gbaɛ iě à i̍ slɛ̌-ɛ dě Nyɔsoa jlǐh.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Kalase 2:20

Ka mɔ̀ mɛ̌-ɛa Klai we̍ wɛ̀-ɛ, nɛ̀ mɔ̀ se̍ dǒ gbǐh jih kɔn-a kmɔ̌ la wlu̍ i̍-ɛ we̍ kɔn dɛ. Dɛ̍nu̍ mɔ̀-a nu̍ dě kmɔ̌ we̍ nɛ nyɔ̍-a dɛ̍ᵻ ke̍ gbɔ̀ɔ-ɛ, iě mɔ̀-a tè-o i̍h-a gbànᵻ i̍ ke̍ ɛ?

Kalase 3:3

Kaka la̍ mɔ̀ mɛ̌ wɛ̀, iě mɔ̀-a kmɔ̌ sìle ka dě Klai we̍ dě Nyɔsoa ja̍a̍.

1 Tɛsoloniɔn 5:10

Ɔ̍ mɛ̌-ɛ dǒ à tàà, pò à nɛ kmɔ̌ àe̍e̍ à mɛ̌-ɛ, wɛ̀ ɔ̍ ke à iě tàdùè tǐn.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 4:6

Ɛ̍ kɔn pɔ̀n chɛ̀ bla̍-ɛ ke dě mɛ̌-nyɔ̍ we̍, ùh kɔn taɔ pa̍-ɛa ka nyɔ̍ kli̍hgbɛ̍-a taɔ nu̍-a pa̍-ɛɛ. Ɛ̍ bla̍-ɛ dě u̍h we̍ wɛ̀ u̍h-a sùù iě kmɔ̌ nɛ dě Nyɔsoa ja̍a̍.