Kelesea 2:17 - Ku̍o̍ Delee 1999

¹⁷ Ka à fɔ̀n-a dɛ̍ we̍ à iě-a i̍ slɛ̌ dě Nyɔsoa jlǐh dě Klai ja̍a̍-ɛ, wɛ̀ à iě gblɛ̍n sɔ̀ɛ̀n nyɔ̍ sàɛ̀-ɛ, nɛ̀ Klai bo ɔ̀ nu̍ gblɛ̍n sɔ̀ɛ̀n-a nya̍ sɔ̍nᵻ ae? Sakǒ, ɛ̍ se̍ la̍a̍n nɛ.

Kelesea 2:17 Iomraidhean Croise

Matio 1:21

Ɔ̍ mu̍ jɔ̍gbau jǔ wlǔh-i, nɛ̀ ìn dǎɛ ɔ̍ Jusu, ɛ̍ gbɔ̀ nu̍ Nyɔsoa sèìe àɔ̀. Dɛ̍nu̍ɛ, ɔ̍ mu̍ ɔ̍ nyɔ̍ sèìe dě u̍h-a gblɛ̍n sɔ̀ɛ̀n di̍i̍.”

Pɔ̀n Chɛ̀ Luu To-a La 20:16

Nɛ̀ ɔ̍ mu̍ ji̍ wɛ̀ ɔ̍ iě klè i̍ gbɛ̍n nyɔ̍ laa̍ dbǎ, wɛ̀ ɔ̍ iě klè-a chɛ̀ nyɔ̍ duuh nyǐ.” Nyɔ̍gbei wɔ̌n-a ɔ̍ wlu̍ la-ɛ, iě u̍h la̍a̍, “Sakǒ, ɛ̍ bɔ̌-a nɛ-ɛ.”

Wloma 11:7

Nɛ̀ kaka la̍, dɛ̍ Eslɔɛ nyɔ̍-a pɔ̀n-a i̍-ɛ, u̍h se̍ ɛ̍ jě. Jɛ ùh Nyɔsoa tba̍-a chèɛ̀-ɛ bo ùh jě ɛ̍. Juh sie-aoɛ, u̍h ku̍ dlǔ.

Wloma 15:8

Ǎn sèàɛ̍ mɔ̀ wlùh, Klai nu̍ Juu nyɔ̍-a pòi̍ju wɛ̀ ɛ̍ iě ɛ̍ to ka Nyɔsoa-a gblìh-a wlu̍ kɛ̍n-ɛ. Iě wlu̍ ɔ̍ po̍-a tɔ̀ma̍a̍ tɛin dě Juu nyɔ̍ baaᵻ we̍-ɛ, i̍h iě chɛ̀-ɛ gbǎ.

Wloma 3:4

Iěe tììh, pò nyɔ̍ kli̍hgbɛ̍-a jɛ ja si̍h tmɔ̌-ɛ, Nyɔsoa nɔ̀ɔ̍ ɔ̍ kɔn ɔ̍ iě tìh-a taǐn nyɔ̍ nu̍ kleǐn. Ɛ̍ kɔn ɛ̍ chlǐh-ɛ dě ɔ̍ wlu̍ di̍i̍, ɛ̍ la̍a̍, “Àn wlu̍ kɔn ɛ̍ iě ɛ̍ to ka ìn slɛ̌-a i̍-ɛ, wɛ̀ ìè kɛ̀n gba̍ dǒ sàwi̍h sì la̍.”

Wloma 3:6

Iěe tììh, pò Nyɔsoa se̍ i̍ slɛ̌ de-ɛ, nɛ̀ ka ɔ̍ mu̍ kmɔ̌ la ɛ̍ sàwi̍h sì-ɛ nu̍ ɛ?

Kelesea 2:11

Jɛ ti̍ Pitɛ ji̍-a dǒ Antiɔ wlɔ̀ di̍i̍-ɛ, klǐ-dɛ̍ ɔ̍ nu̍-aɛ, iě ǐn po̍ ɛ̍ dě ɔ̍ jlǐh.

Kelesea 2:15

Àɔ̀ la àɔ̀ Juu nynuu̍, à se̍ ùh se̍-a Juu nyɔ̍ u̍h-a dǎɛ-a gblɛ̍n sɔ̀ɛ̀n nyɔ̍-ɛ.

Kelesea 3:21

Pò ɛ̍ nɛ ka-ɛ, nɛ̀ telě ke Nyɔsoa-a tɔ̀ma̍a̍ wlu̍ se̍ i̍ wɛɛn ae? Sakǒ, ɛ̍ se̍ la̍a̍n nɛ. Pò telě ja wlɔ̀ nyi̍ɔ̍ feɛ nyǐ de-ɛ, nɛ̀ telě dɛ̍ɛ̍ jě-ɛ bo ɛ̀ mu̍ nyɔ̍ i̍ slɛ̌-ɛ dě Nyɔsoa jlǐh de.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Iblu 8:2

Ɔ̍-ɔ bo ɔ̀ dbee Nyɔsoa jǔ dě Nyɔsoa-a Wɛɛ Sà Gbò ɛ̀ nu̍-a wɛ̀ɛ̀ sɔ̍n wlù-a gblangbai̍ naɛ-ɛ sɔ̀n. Joi bo ɔ̀ po̍ ɛ̍, wlɔ̀ nyi̍ɔ̍ se̍ ɛ̍ po̍.

1 Chɔɔn 3:5

Mɔ̀-a chɛ̀ juo ɛ̍-ɛ Klai ji̍-i ɔ̍ iě à gblɛ̍n sɔ̀ɛ̀n i̍ sà. Dě ɔ̍ ja̍a̍ bo gblɛ̍n sɔ̀ɛ̀n se̍ nɛ.