Kelesea 2:16 - Ku̍o̍ Delee 1999

¹⁶ À juo i̍h, telě dɛ̍ɛ̍ jě-ɛ, ɛ̍-ɛ slɛ̌-ɛ nyɔ̍ i̍ dě Nyɔsoa jlǐh. Jɛ Jusu Klai wlùh gbaɛ bo ɛ̀ slɛ̌-ɛ nyɔ̍ i̍ dě Nyɔsoa jlǐh. À chɛ̀ à gbaɛ Jusu Klai wlùh wɛ̀ ɛ̍ iě à i̍ slɛ̌-ɛ dě Nyɔsoa jlǐh. À Klai wlùh gbaɛ bo ɛ̀ nu̍ ɛ̍, ɛ̍ se̍ telě dɛ̍ɛ̍ jě tìh. Dɛ̍nu̍ɛ, nyɔ̍-ɔ slɛ̌ i̍ dě Nyɔsoa jlǐh dǒ telě dɛ̍ɛ̍ jě-ɛ we̍.

Kelesea 2:16 Iomraidhean Croise

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Nu̍-dɛ̍ᵻ 4:12

Pǔh-ɛ se̍ dě nyɔ̍ dɔɔ ja̍a̍ nɛ. Nynɛ̌ dɛɛ se̍ nɔ̌ ja̍u̍n la sɔ̀n nɛ nyɔ̍ iě tù wɛ̀ à iě i̍ pǔh-i.”

Wloma 1:17

Dɛ̍nu̍ɛ, dě pɔ̀n chɛ̀ di̍i̍ bo Nyɔsoa slè-e àɔ̀ i̍ slɛ̌-nyɔ̍ wɛ̀ dě wlùh gbaɛ di̍i̍. Nyɔ̍ kli̍hgbɛ̍ ùh blě-a wlùh gbaɛ-ɛ bo ùh slɛ̌ i̍. Kǎ ɛ̍ dǎ dě Nyɔsoa-a wlu̍ di̍i̍, ɛ̍ la̍a̍, “Wlùh gbaɛ bo ɛ̀ mu̍ i̍ slɛ̌-nyɔ̍ kmɔ̌ nɛ-ɛ.”

Wloma 3:30

Nyɔsoa nɛ due gbài̍, ɔ̍-ɔ due laa̍ bo ɔ̀ mu̍ Juu nyɔ̍ i̍ slɛ̌-ɛ dě u̍h-a wlùh gbaɛ blě-ɛ di̍i̍. Ɔ̍ mu̍ ùh se̍-a Juu nyɔ̍-ɛ i̍ slɛ̌-ɛ ke dě u̍h-a wlùh gbaɛ blě-ɛ di̍i̍.

Wloma 4:2

Pò ɛ̍ tù Eblaɛɛn-a nu̍-dɛ̍ᵻá tìh wɛ̀ Nyɔsoa iě ɔ̍ i̍ slɛ̌-nyɔ̍ slè-e de-ɛ, nɛ̀ ɔ̍ blě dɛ̍ ɔ̍ iě i̍ blɔ̌-ɛ, jɛ nɛ̀ ɛ̍ se̍ dǒ Nyɔsoa jǔ.

Wloma 4:24

Jɛ ɛ̍ kɔn dǒ àɔ̀ we̍ ke. Nyɔ̍ ɔ̀ sà-e à Joi Jusu-ɛ, àɔ̀ ùh gbaɛ ɔ̍ wlùh-ɛ, ɔ̍ mu̍ à i̍ slɛ̌-nyɔ̍ slè-e ke.

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Wloma 9:30

Nɛ̀ ka à iě ka dǎ ɛ? Nyɔ̍ ùh se̍-a Juu nyɔ̍ ùh se̍-a i̍ slɛ̌-ɛ i̍ pɔ̀n de dě Nyɔsoa jlǐh-ɛ, u̍h slɛ̌ i̍ dě wlùh gbaɛ di̍i̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Kelesea 4:5

wɛ̀ ɔ̍ iě nyɔ̍ ùh nɛ-a dǒ telě sɔ̀n-ɛ kɛ̍ɛ̍n pùhbɔ, wɛ̀ à iě Nyɔsoa-a chɛǐ nynuu̍ nu̍.

Kelesea 5:4

Mɔ̀ɔ̍ ùh-a fɔ̀n-a dɛ̍ we̍ ùh iě-a i̍ slɛ̌ dǒ telě dɛ̍ɛ̍ jě-ɛ we̍-ɛ, dǒ mɔ̀ ke Klai nynɛ̌ chɛn i̍ wɛ̀. Mɔ̀ se̍ dě Nyɔsoa-a blɛ di̍i̍ nɛ dɛ.

Felepai 3:9

Wɛ̀ ɔ̍ ke ǐn ke à iě due nɛ. Nɛ̀ ǐn se̍ naɛ̍ i̍ slɛ̌-ɛ jɛ tba̍-a telě dɛɛ jě-ɛ gbɔ̀ i̍-ɛ blě dɛ, jɛ nɛ̀ jɛ tba̍-a Klai wlùh gbaɛ gbɔ̀ i̍-ɛ bo ǐn blě wɛ̀. I̍ slɛ̌-ɛ sɔ-a dě Nyɔsoa we̍ ɛ̀ tba̍-a wlùh gbaɛ blě-ɛ gbɔ̀ i̍-ɛ bo ǎn dǎ.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 2:24

Klai tù à gblɛ̍n sɔ̀ɛ̀n dǒ ɔ̍ chɛ̀ pùn wɛ̀ ɔ̍ gba̍ i̍h dǒ gbàɛ̍ kɛ̍n i̍ tu̍ wlì. Ɔ̍ nu̍ ɛ̍-ɛ à ke gblɛ̍n sɔ̀ɛ̀n-a wloa̍ iě chɛn, wɛ̀ à iě dě i̍ slɛ̌-ɛ kmɔ̌ di̍i̍ nɛ. Ɔ̍ dɛ̍ᵻá i̍ tbaɛ bo ɛ̀ pǔh-i mɔ̀.

1 Pitɛ 3:18

Klai nu̍ mɛ̌-ɛ due gbài̍ dǒ gblɛ̍n sɔ̀ɛ̀n kli̍hgbɛ̍-a tìh we̍. Nyɔ̍ chɛ̀ gbǎ-ɛ dǒ nyɔ̍ sɔ̀n wɔ̀ɔ̀. Ɔ̍ nu̍ ɛ̍-ɛ, wɛ̀ ɔ̍ iě ìn Nyɔsoa wlì gba̍. U̍h dbǎ ɔ̍ nyi̍ɔ̍tu, jɛ Nyɔsoa nu̍ ɛ̍ ɔ̍ nɛ kmɔ̌ dě Sùù di̍i̍.

2 Pitɛ 1:1

Mɔ̍ Samo Pitɛ, ǐn nu̍ pòi̍ju ke gba̍tòà dǒ Jusu Klai we̍. Nyɔ̍ ùh jii-a dě à Nyɔsoa ke à Sèìe Nyɔ̍ Jusu Klai-a i̍ slɛ̌-ɛ di̍i̍ iě u̍h-a Klai wlì tè-ɛ ke à naɛ nɛ-a due-ɛ, u̍h bo ǎn chlǐh we̍.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.