Kelesea 2:15 - Ku̍o̍ Delee 1999

¹⁵ Àɔ̀ la àɔ̀ Juu nynuu̍, à se̍ ùh se̍-a Juu nyɔ̍ u̍h-a dǎɛ-a gblɛ̍n sɔ̀ɛ̀n nyɔ̍-ɛ.

Kelesea 2:15 Iomraidhean Croise

Matio 9:11

Ti̍ Fɛlesii nyɔ̍ jě-a u̍h-ɛ, iě u̍h tèle ɔ̍ kòà i̍, u̍h la̍a̍, “Dɛ̍nu̍ mɔ̀-a dlǔtu ke ùh kaɛn la u̍h-a di̍-i dɛ̍ tàdùè ɛ?”

Pɔ̀n Chɛ̀ Luu To-a La 24:7

Ɔ̍ la̍a̍, ‘Nyi̍ɔ̍-a Jǔ kɔn ɔ̍ iě kwlǎ sà-ɛ dě gblɛ̍n sɔ̀ɛ̀n nyɔ̍ kwa̍a̍, wɛ̀ u̍h iě ɔ̍ kɔ̍ dǒ gbàɛ̍ kɛ̍n i̍ tu̍ wlì. Jɛ pò wǐh ta̍a̍n sì-ɛ, nɛ̀ ɔ̍ mu̍-e wlǔh.’ ”

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Wloma 3:9

Nɛ̀ kaka la̍, àɔ̀ Juu nyɔ̍ à gbǎ dɛ̍kɛ̍n à sìì ùh se̍-a Juu nyɔ̍-ɛ ae? Iěe tììh, ɛ̍ nɔ̀ɔ̍ à chɛ̍n ɛ̍ i̍ wɛ̀ se̍e̍. À la̍ Juu nyɔ̍ ke nyɔ̍ ùh se̍-a Juu nyɔ̍-ɛ gblɛ̍n sɔ̀ɛ̀n kɔn u̍h wlu̍ i̍.

Wloma 4:16

Nɛ̀ɛ̍, tɔ̀ma̍a̍ wlu̍ la ɛ̍ tba̍ dǒ wlùh gbaɛ kɛ̍n i̍, wɛ̀ ɛ̍ iě dě Nyɔsoa-a blɛ nɛ-ɛ di̍i̍ jii. Tɔ̀ma̍a̍ wlu̍ la ɛ̍ kɔn dǒ Eblaɛɛn-a tloemlai kli̍hgbɛ̍ we̍. Ɛ̍ se̍ dǒ telě dɛ̍ɛ̍ jě nyɔ̍ nɛ due we̍ ɛ̍ se̍ kɔn, jɛ nyɔ̍ ùh gbaɛ-ɛa Klai wlùh ka Eblaɛɛn-ɛ, ɛ̍ kɔn dǒ u̍h we̍ ke. Dɛ̍nu̍ɛ, ɔ̍ bo ɔ̀ nu̍ àɔ̀ kli̍hgbɛ̍ à baa.

Kelesea 2:17

Ka à fɔ̀n-a dɛ̍ we̍ à iě-a i̍ slɛ̌ dě Nyɔsoa jlǐh dě Klai ja̍a̍-ɛ, wɛ̀ à iě gblɛ̍n sɔ̀ɛ̀n nyɔ̍ sàɛ̀-ɛ, nɛ̀ Klai bo ɔ̀ nu̍ gblɛ̍n sɔ̀ɛ̀n-a nya̍ sɔ̍nᵻ ae? Sakǒ, ɛ̍ se̍ la̍a̍n nɛ.

Ɛfɛsɔ 2:3

Ka u̍h nɛ-aɛ, kǎ à nɛ ke de. Dɛ̍ᵻ à gblɛ̍n sɔ̀ɛ̀n ku̍ ke, à wlùh ke à nyi̍ɔ̍ku-a pɔ̀n-aɛ, i̍h bo à nu̍. Ka nyɔ̍ kli̍hgbɛ̍ nɛ-aɛ, kǎ à nɛ de, iě Nyɔsoa-a mu̍ à kli̍hgbɛ̍ jlu̍h po̍-e ke de à gblɛ̍n sɔ̀ɛ̀n-a tìh.

Felepai 3:4

Kǎ ɛ̍ nɛ nɔ̀ɔ̍, ǐn blě bu̍h-a tba̍ la iě dɛ̍ᵻ ǐn nu̍-a ǎn chɛ̀ pùn-ɛ wlì tè. Jɛ pò nyɔ̍-o-nyɔ̍ nu̍ wlùh wɛ̀ ɔ̍ iě bu̍h-a tba̍ la blě ke dǒ ɛ̍ we̍-ɛ, nɛ̀ ǐn sìì ɔ̍-ɛ.

Taitɔ 3:3

Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.