Kelesea 2:14 - Ku̍o̍ Delee 1999

¹⁴ Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:14 Iomraidhean Croise

Nu̍-dɛ̍ᵻ 10:28

Wɛ̀ Pitɛ la̍a̍ dě u̍h we̍, “Mɔ̀-a chɛ̀ juo ɛ̍-ɛ gbàkla̍a̍, ɛ̍ nu̍ telě àɔ̀ nu̍-a Juu-ɛ, à ke ùh se̍-a Juu nyɔ̍-ɛ ke à-a nɛ̍aɛ we̍ wɛ̀ à iě dě u̍h we̍-a chɛ̀ i̍ nala mu̍. Jɛ Nyɔsoa to ɛ̍-ɛ ka ǐn se̍-a kɔn iě-a nyɔ̍-o-nyɔ̍ dě Nyɔsoa jlǐh i̍ nyni nyɔ̍ ke nɛi̍ nɛ nyɔ̍ dǎɛ-ɛ.

Nu̍-dɛ̍ᵻ 15:1

Dǒ nyɔ̍ duuh sɔ-ɛ Judia fɔɔ iě u̍h ji̍ dǒ Antiɔ. Wɛ̀ u̍h-a po̍ de̍di̍i̍ᵻ nɛ-a doǒ-ɛ nǎ. U̍h la̍a̍, “Pò mɔ̀ gbǎ plɔ̀n ka Mose-a telě dǎ-aɛ, nɛ̀ à sà-o ɛ̍ tɛ̀. Jɛ pò mɔ̀ se̍ la̍a̍n nu̍-ɛ, nɛ̀ mɔ̀ se̍ pǔh ke̍ o.”

Nu̍-dɛ̍ᵻ 15:24

À wɔ̌n i̍h nyɔ̍ sɔ nɔ̌ àɔ̀ nynɛ̌ iě u̍h-a bɛ̌ɛ mɔ̀ wɔ̍ɔ̍n i̍, iě ɛ̍ po̍ mɔ̀-a wlùh dě de̍ i̍ dǒ dɛ̍ u̍h-a sà-a we̍. Jɛ u̍h se̍ ɛ̍ dě à wɔ̍ɔ̍n dǔ i̍ o.

Nu̍-dɛ̍ᵻ 15:5

Wɛ̀ wlùh gbaɛ-ɛ blě nyɔ̍ juh nɛ-a dě Fɛlesii nyɔ̍ naɛ gbɔ̀ù di̍i̍-ɛ, iě u̍h nyna i̍, u̍h la̍a̍, “Ùh se̍-a Juu nyɔ̍-ɛ u̍h kɔn u̍h iě plɔ̀n gbǎ, nɛ̀ mɔ̀ à sèàɛ̍ u̍h wlùh u̍h iě Mose-a telě dɛ̍ɛ̍ jě.”

Wloma 14:14

Ǎn dě Joi Jusu ja̍a̍ nɛ-ɛ nu̍ ɛ̍ iě ǐn juo ɛ̍ ka di̍-dɛ̍-ɛ nyni-a dě Nyɔsoa jlǐh i̍-ɛ. Jɛ pò nyɔ̍ la̍ ɛ̍ nyni dě Nyɔsoa jlǐh i̍ dǒ ɔ̍ we̍-ɛ, nɛ̀ kǎ ɛ̍ nɛ dǒ nyɔ̍ laa̍ we̍.

Kelesea 1:18

Sɔ̀nᵻ ta̍a̍n sì-aɛ, wɛ̀ ǐn mu̍ dǒ Juluslɛn ǐn ke Pitɛ ke à iě i̍ ju̍o̍e. Iě ǐn nu̍-e dɔɔ̌dlǔᵻ sɔɔ̌n.

Kelesea 1:6

Mɔ̀-a nu̍-dɛ̍ᵻ wlǔh i̍ ǐn de̍e̍. Ɛ̍ se̍-o wlè fu̍u̍ wɛ̀ mɔ̀-a poe nyɔ̍ ɔ̀ dǎ-a mɔ̀ dě Klai-a blɛ nɛ-ɛ di̍i̍-ɛ kɛ̍n i̍, iě mɔ̀-a bǐi dě pɔ̀n chɛ̀ dɛɛ we̍ i̍.

Kelesea 2:3

Taitɔ ɔ̀ ke ǐn ke à na-aɛ, ɔ̍-ɔ Klii jǔ gbɛɛ, jɛ u̍h se̍ ɔ̍ kloǒ nu̍ u̍h iě ɔ̍ plɔ̀n po̍.

Kelesea 2:5

Jɛ pɔ̀n chɛ̀ nu̍-a tìh-a taǐn-ɛ, ɛ̍ iě mɔ̀ we̍ sie tìh bo, ɛ̍ kɔn u̍h-a dɛ se̍ à beɛ mlǎ-a chɛ̀ i̍ tǐhlɔ fu̍u̍.

Kelesea 2:7

Jɛ ɛ̍ se̍-o siee, sɔ u̍h juo-o dɛ̍ i̍ ka Nyɔsoa nu̍-a Pitɛ i̍ nynaɛ-ɛ ɔ̍ iě-a pɔ̀n chɛ̀-a tìh bla̍ dě Juu nyɔ̍ we̍-ɛ, kǎ ɔ̍ nu̍ ǐn i̍ nynaɛ-ɛ ke iě pɔ̀n chɛ̀-a tìh bla̍ dě ùh se̍-a Juu nyɔ̍-ɛ we̍.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Kelesea 6:12

Nyɔ̍ ùh-a pɔ̀n-a u̍h-a chɛ̀ nyɔ̍ chɛ̀ we̍i̍ nu̍-ɛ i̍-ɛ, u̍h bo ùh-a nɛ̌ mɔ̀ kɛ̍ɛ̍n mɔ̀ iě plɔ̀n gbǎ. U̍h-a nu̍ laan wɛ̀ u̍h-u je̍e klě jě Klai ɔ̀ mɛ̌-a dǒ gbàɛ̍ kɛ̍n i̍ tu̍ wlì-ɛ ɔ̍ tìh.

Kalase 1:5

Mɔ̀-a nu̍ ìh la, dɛ̍nu̍ɛ, ɛ̀ mɔ̀ kɔ̍-a wlùh i̍-ɛ ɛ̍ tè-eɛ i̍ dě ja̍i̍wlɔ̀ dǒ mɔ̀ we̍. Ti̍ tìh-a taǐn pɔ̀n chɛ̀ sàɛ̀-a ji̍-ɛ i̍ dě mɔ̀ we̍-ɛ, dǒ mɔ̀ wɔ̌n-ɛ wlùh kɛ̍n i̍ kɔ̍ dɛ la ɛ̍ nynɛ̌.

1 Timote 5:20

Nyɔ̍ ùh nu̍-a gblɛ̍n sɔ̀ɛ̀n-ɛ, nɛ̀ ìn wǐi u̍h dlǔ i̍ dǒ nyɔ̍ nynɛ̌. Wɛ̀ juh sie-a dǒ de̍-ɛ, u̍h iě faɔn gbǎ.

Iblu 12:13

Nɛ̀ mɔ̀ sà wìè ɛ̀ slɛ̌-a i̍-ɛ ɛ̍ iě puepuě nɛ, wɛ̀ pò i̍ kɔ̌-bu̍h ja ɛ̍ we̍ na-ɛ, ɛ̍-ɛ je̍e kɛ̍n gblìh, jɛ wɛ̀ ɛ̍ iě bɔ̌.

Iblu 9:10

Dɛ̍nu̍ɛ, i̍h nɔ̀ɔ̍, i̍h tba̍ dǒ di̍-dɛ̍ ke, nǎ-dɛ̍ ke, i̍ dle-ɛ bei pùn i̍. Ìh la nu̍-dɛ̍ᵻ naɛ telě bo. I̍h nɛ-ɛ te̍e̍ wɛ̀ Nyɔsoa po̍ dɛ̍ᵻ kli̍hgbɛ̍ delee i̍.