Kelesea 2:13 - Ku̍o̍ Delee 1999

¹³ Sɔ à de̍di̍i̍ᵻ Juu nyɔ̍ duuh gbǎ ɔ̍ bu̍hᵻ sɔɔ̌n i̍ sǐ-iɛ laa̍ de̍e̍. Sɔ ɛ̍-ɛ laa̍ bo Banaba gbǎ dǒ de̍e̍ wɛ̀ ke sǔh.

Kelesea 2:13 Iomraidhean Croise

Matio 23:28

Kǎ mɔ̀ nɛ ke, pò mɔ̀ wlǔh-i nyɔ̍ kɛ̍n-ɛ, nɛ̀ mɔ̀ nmɔ kɛ̍n i̍ dě u̍h jlǐh ka i̍ slɛ̌-nyɔ̍-ɛ. Jɛ nɛ̀ dě mɔ̀ di̍i̍ jǐ-i dǒ kà kɔn-ɛ ke mɛɔ sɔɔ̌n wɔ̍ɔ̍n nɛ-ɛ we̍.

Nu̍-dɛ̍ᵻ 4:36

Josɛ ɔ̀ sɔ-a Saiplɔ bloa̍ kɛ̍n-ɛ, kǎ ɔ̍ nu̍ ke. Gba̍tòà-a dǎɛ ɔ̍ Banaba. Ɛ̍ gbɔ̀ nu̍ wlùh fùka nyɔ̍. Liifaɛ jǔ bo.

1 Kɔwlɛntiɔn 12:2

Mɔ̀ juo ɛ̍-ɛ, ti̍ mɔ̀ se̍-a Nyɔsoa juo-ɛ, nɛ̀ kwɛ̍i̍n gbo̍ᵻ ìh se̍-a feɛ blě-ɛ i̍h mɔ̀-a sà wɛɛ. Nɛ̀ ka mɔ̀ jě-ɛ mɔ̀-a nu̍.

1 Kɔwlɛntiɔn 15:33

Bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ, “Ba̍ᵻ sɔ̀nᵻá nyni i̍ nyɔ̍ jii̍.”

1 Kɔwlɛntiɔn 5:6

Mɔ̀-a blɔ̌-ɛ se̍ jii̍ nmɔ. Mɔ̀ se̍ i̍h juo ka blèe̍ fù-i dɛ̍ᵻá dɛ̍ juwɛ-a fù-ia blèe̍ gbo̍ gbàǐ-ɛ ae?

1 Kɔwlɛntiɔn 8:9

Ɛ̍ tìh-ɛ, mɔ̀ nu̍ nɛnɛ̌ mɔ̀-a de̍e̍ i̍ flɔn-ɛ je̍e nyɔ̍ ùh kɔn wlùh gbaɛ se̍-a i̍ ku̍-ɛ blu̍ja̍a̍ po̍.

Kelesea 2:1

Sɔ̀nᵻá pùè jɔ̌ nyìɛ̍ sì-aɛ, wɛ̀ ǐn ke Banaba ke à mu̍ dǒ de̍ Juluslɛn wlɔ̀ di̍i̍. Iě ǐn gba̍ Taitɔ ke.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

Iblu 13:9

Mɔ̀ bɔ̌ wɔ̌n-ɛ nǎ po̍ wlu̍ kaɛn kaɛn bɔ̌ mɔ̀ dǒ wìè slɛ̌ i̍ kɛ̍n sà-a. Ɛ̍ nmɔ jii̍ Nyɔsoa-a blɛ iě à pɔluh i̍ kui ɛ̍ sìì di̍-dɛ̍ᵻá gbànᵻ tù-ɛ. Dɛ̍nu̍ɛ, nyɔ̍ ùh tù-a di̍-dɛ̍ᵻá gbànᵻɛ́, ɛ̍-ɛ po̍-o dɛ̍ dǒ u̍h we̍.