Kelesea 2:12 - Ku̍o̍ Delee 1999

¹² Ti̍ Chiin iě-a nyɔ̍ dbo̍-ɛ, nɛ̀ Pitɛ ke ùh se̍-a Juu nyɔ̍ ùh nu̍-a Nyɔsoa nyɔ̍-ɛ, u̍h-a gbà-ɛ de dǒ dɛ̍ di̍ la̍. Jɛ ti̍ ɔ̍ jě-a nyɔ̍ Chiin dbo̍-aɛ, iě ɔ̍ sà u̍h sɔ̍nᵻ i̍. Sɔ ɔ̍ ke u̍h-u gbà dɛ, dɛ̍nu̍ɛ, ɔ̍ ple̍ nyɔ̍ ùh nɛ-a dě nyɔ̍ plɔ̀n po̍ dɛ di̍i̍-ɛ jǔ.

Kelesea 2:12 Iomraidhean Croise

Pɔ̀n Chɛ̀ Luu To-a La 15:2

Wɛ̀ Fɛlesii nyɔ̍ ke telě nǎ poe nyɔ̍-a wlu̍ i̍ wɔ̍ɔ̍n i̍. U̍h la̍a̍, “Jɔ̍gbau la ɔ̍ ke gblɛ̍n sɔ̀ɛ̀n nyɔ̍-a nɛ̍aɛ we̍, wɛ̀ ɔ̍ ke u̍h-a di̍-i dɛ̍ tàdùè wa.”

Pɔ̀n Chɛ̀ Luu To-a La 5:38

Jɛ nmɔ̍ delee bo ɛ̀ iě dě dɛ̍ku sòlɛ̀ delee di̍i̍ gbǎ.

Nu̍-dɛ̍ᵻ 10:28

Wɛ̀ Pitɛ la̍a̍ dě u̍h we̍, “Mɔ̀-a chɛ̀ juo ɛ̍-ɛ gbàkla̍a̍, ɛ̍ nu̍ telě àɔ̀ nu̍-a Juu-ɛ, à ke ùh se̍-a Juu nyɔ̍-ɛ ke à-a nɛ̍aɛ we̍ wɛ̀ à iě dě u̍h we̍-a chɛ̀ i̍ nala mu̍. Jɛ Nyɔsoa to ɛ̍-ɛ ka ǐn se̍-a kɔn iě-a nyɔ̍-o-nyɔ̍ dě Nyɔsoa jlǐh i̍ nyni nyɔ̍ ke nɛi̍ nɛ nyɔ̍ dǎɛ-ɛ.

Nu̍-dɛ̍ᵻ 12:17

Wɛ̀ Pitɛ po̍ sɔ̍n u̍h iě slɛ̀ ja̍ sà. Iě ɔ̍ sèàɛ̍ ɛ̍ we̍ i̍ ka Joi nu̍-a ɔ̍ dě kasoo sà sɔɛn-ɛ. Ɔ̍ la̍a̍, “Mɔ̀ poe ɛ̍ Chiin ke de̍di̍i̍ᵻ duuh sie-a dǒ de̍-ɛ kunǎ ke.” Wɛ̀ ɔ̍ sɔ dǒ u̍h we̍-e iě ɔ̍ mu̍ tàdɔ̀ɔ̀.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

Ɛfɛsɔ 2:15

Ɔ̍ sà telě Nyɔsoa nyǐ-a Mose-ɛ ke telě diih Juu nyɔ̍ blě-a dǒ wìè-i. Ɔ̍ nu̍ ɛ̍-ɛ wɛ̀ u̍h-a gbɔ̍ᵻ nɛ-a sɔɔ̌n-ɛ, ɔ̍ iě u̍h nyɔ̍ delee we̍i̍ nu̍ u̍h iě due nɛ dě ɔ̍ chɛ̀ ja̍a̍. Wɛ̀ ɔ̍ nu̍ ɛ̍ iě u̍h-a wɔ̌ɛn ka wlu̍ i̍.

Ɛfɛsɔ 3:6

Ɛ̀ nu̍-a sìle dɛ̍-a chɛ̀-ɛ, ɛ̍ nu̍ Jusu Klai ke ùh se̍-a Juu nyɔ̍-ɛ nɛ due dě pɔ̀n chɛ̀ di̍i̍. Ɛ̍ bo ɛ̀ nu̍ ɛ̍ iě u̍h blě ka fɔ̌ wɛ̀ dǒ dɛ̍ᵻ Nyɔsoa tè-a i̍ dǒ Juu nyɔ̍ we̍-ɛ we̍. Ɛ̍-ɛ due laa̍ bo ɛ̀ nu̍ ɛ̍ iě u̍h ke Juu nyɔ̍ nu̍ nyɔ̍ due wɛ̀, iě u̍h kɔn dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a ke.

1 Tɛsoloniɔn 5:22

Mɔ̀ ti̍ɛ̍ɛn dɛ̍ᵻ sɔ̀nᵻ kaɛn kaɛn kli̍hgbɛ̍ we̍ i̍.