Kelesea 2:11 - Ku̍o̍ Delee 1999

¹¹ Jɛ ti̍ Pitɛ ji̍-a dǒ Antiɔ wlɔ̀ di̍i̍-ɛ, klǐ-dɛ̍ ɔ̍ nu̍-aɛ, iě ǐn po̍ ɛ̍ dě ɔ̍ jlǐh.

Kelesea 2:11 Iomraidhean Croise

Matio 16:23

Wɛ̀ Jusu fèàɛ̀, iě ɔ̍ la̍a̍, “Pitɛ, mɔ̀ Setɔn, sɔ da̍a ǐn jua̍a̍ i̍. Àn ka̍n ǎn wìè. Ìn se̍ Nyɔsoa wlùh blě, kmɔ̌ nyɔ̍-a wlùh bo ìn blě.”

Chɔɔn 1:42

Wɛ̀ ɔ̍ gba̍ Samo dě Jusu we̍. Jusu gbɛ̀n-a ɔ̍ ja̍-ɛ, iě ɔ̍ la̍a̍, “Mɔ̀ Chɔɔn-a jǔ Samo. Àn nynɛ̌-a mu̍ Sifa nu̍ ti̍laa.” (Nynɛ̌ la ɛ̍ gbɔ̀ nu̍ Pitɛ dě Klii wlu̍ di̍i̍.)

Nu̍-dɛ̍ᵻ 11:19

Klě jě-ɛ ɛ̀ dbǎ-a Slifɛn-ɛ, Nyɔsoa nyɔ̍ ùh gbà-a ja̍i̍ dǒ ɛ̍ ti̍ laa̍ we̍-ɛ, u̍h-a duuh mu̍ dě Fɔnisia blǔh ke, Saiplɔ blǔh ke dǒ Antiɔ wlɔ̀ di̍i̍. Jɛ nɛ̀ dě Juu nyɔ̍ nɛ due we̍ bo u̍h-a po̍-e Nyɔsoa-a tu̍owli.

Nu̍-dɛ̍ᵻ 11:20

Jɛ gbɔ̀gbɔ̀-ɛ, jɔ̍gbauᵻ ùh nu̍-a Nyɔsoa nyɔ̍ ùh sɔ-a Saiplɔ ke dǒ Saiwlein-ɛ, u̍h nɔ̀ɔ̍, u̍h mu̍ dǒ Antiɔ wlɔ̀ di̍i̍ iě u̍h bla̍ tìh ke dě ùh se̍-a Juu nyɔ̍-ɛ we̍. Pɔ̀n chɛ̀ ɛ̀ tba̍-a dǒ Joi Jusu pùn i̍-ɛ, ɛ̍ bo u̍h-a sèàɛ̍ u̍h wlùh.

Nu̍-dɛ̍ᵻ 11:22

Ɛ̍ pɔ̀n laa̍ bo ɛ̀ nyni̍ chɔchi̍h nɛ-a dě Juluslɛn wlɔ̀-ɛ we̍. Wɛ̀ u̍h dbo̍ Banaba dě Antiɔ-a chɛ̀.

Nu̍-dɛ̍ᵻ 11:27

Dǒ ti̍ laa̍ di̍i̍ bo Nyɔsoa-a tu̍owli po̍ nyɔ̍ duuh sɔ-ɛ dǒ Juluslɛn u̍h ji̍ dǒ Antiɔ.

Nu̍-dɛ̍ᵻ 15:1

Dǒ nyɔ̍ duuh sɔ-ɛ Judia fɔɔ iě u̍h ji̍ dǒ Antiɔ. Wɛ̀ u̍h-a po̍ de̍di̍i̍ᵻ nɛ-a doǒ-ɛ nǎ. U̍h la̍a̍, “Pò mɔ̀ gbǎ plɔ̀n ka Mose-a telě dǎ-aɛ, nɛ̀ à sà-o ɛ̍ tɛ̀. Jɛ pò mɔ̀ se̍ la̍a̍n nu̍-ɛ, nɛ̀ mɔ̀ se̍ pǔh ke̍ o.”

Nu̍-dɛ̍ᵻ 15:5

Wɛ̀ wlùh gbaɛ-ɛ blě nyɔ̍ juh nɛ-a dě Fɛlesii nyɔ̍ naɛ gbɔ̀ù di̍i̍-ɛ, iě u̍h nyna i̍, u̍h la̍a̍, “Ùh se̍-a Juu nyɔ̍-ɛ u̍h kɔn u̍h iě plɔ̀n gbǎ, nɛ̀ mɔ̀ à sèàɛ̍ u̍h wlùh u̍h iě Mose-a telě dɛ̍ɛ̍ jě.”

2 Kɔwlɛntiɔn 11:5

Ǐn juo ɛ̍ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ gba̍tòà-a klaaᵻɛ́ kɛ̍n.

2 Kɔwlɛntiɔn 12:11

Ǐn nu̍ dɛ̍ᵻ ka bo-nyɔ̍-ɛ, jɛ mɔ̀ɔ̍ bo ùh nu̍ ɛ̍. Mɔ̀ɔ̍ bo ùh kɔn ùh iě ǎn tìh-a bu̍hᵻ wlù i̍ po̍ de. Ǐn se̍ dɛ̍-a chɛ̀ gbɛɛ, jɛ ǐn se̍ gba̍tòà-a konynǐ naɛ dǒ nyɔ̍ la mɔ̀-a dǎɛ-a Klai-a gba̍tòà klaaᵻɛ́ kɛ̍n.

2 Kɔwlɛntiɔn 5:16

Ɛ̍ tìh-ɛ, sɔ dě ti̍ à gbaɛ-a Klai wlùh-ɛ we̍-ɛ, à-a se̍a nyɔ̍ ja̍ gbɛ̀n ka kmɔ̌ we̍ nyɔ̍-a nu̍-aɛ. Ka kmɔ̌ we̍ nyɔ̍-a nu̍-a ɔ̍ ja̍ gbɛ̀n-ɛ, kǎ à nu̍ ke de.

Kelesea 1:18

Sɔ̀nᵻ ta̍a̍n sì-aɛ, wɛ̀ ǐn mu̍ dǒ Juluslɛn ǐn ke Pitɛ ke à iě i̍ ju̍o̍e. Iě ǐn nu̍-e dɔɔ̌dlǔᵻ sɔɔ̌n.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:5

Jɛ pɔ̀n chɛ̀ nu̍-a tìh-a taǐn-ɛ, ɛ̍ iě mɔ̀ we̍ sie tìh bo, ɛ̍ kɔn u̍h-a dɛ se̍ à beɛ mlǎ-a chɛ̀ i̍ tǐhlɔ fu̍u̍.

Kelesea 2:7

Jɛ ɛ̍ se̍-o siee, sɔ u̍h juo-o dɛ̍ i̍ ka Nyɔsoa nu̍-a Pitɛ i̍ nynaɛ-ɛ ɔ̍ iě-a pɔ̀n chɛ̀-a tìh bla̍ dě Juu nyɔ̍ we̍-ɛ, kǎ ɔ̍ nu̍ ǐn i̍ nynaɛ-ɛ ke iě pɔ̀n chɛ̀-a tìh bla̍ dě ùh se̍-a Juu nyɔ̍-ɛ we̍.

Kelesea 2:9

Chiin ke, Pitɛ ke Chɔɔn u̍h-a dǎɛ-a gbo̍tu-ɛ, u̍h juo-o dɛ̍ i̍ ka Nyɔsoa nyǐ-a ǐn dbo̍ la-ɛ. Ɛ̍ kɔn tìh u̍h tǔh ǐn ke Banaba kwa̍, ɛ̍ iě ɛ̍ to-ɛ ka u̍h ke à nu̍-a dbo̍ due-ɛ. Iě u̍h wɔ̌n ǐn ke Banaba ke à iě dě ùh se̍-a Juu nyɔ̍-ɛ we̍ dbo̍ nui, wɛ̀ u̍h iě dě Juu nyɔ̍ we̍ dbo̍ nui ke.

1 Timote 5:20

Nyɔ̍ ùh nu̍-a gblɛ̍n sɔ̀ɛ̀n-ɛ, nɛ̀ ìn wǐi u̍h dlǔ i̍ dǒ nyɔ̍ nynɛ̌. Wɛ̀ juh sie-a dǒ de̍-ɛ, u̍h iě faɔn gbǎ.

Chiin 3:2

À kli̍hgbɛ̍ la à sì dɛ̍ i̍ ti̍ kli̍hgbɛ̍ we̍. Pò nyɔ̍-ɔ se̍a wlu̍ i̍ sì-ɛ, nɛ̀ ɔ̍ wɛ̀ nɛi̍ wɛ̀. Nɛ̀ ɔ̍ bɛ̌ɛ ɔ̍ chɛ̀ i̍ gbɛ̍n-ɛ dǒ dɛ̍ᵻ kli̍hgbɛ̍ we̍.

Judi 1:3

Ǎn tìh kma nyɔ̍, sèìe la mɔ̀ ke à gblè-a kwa̍a̍ i̍-ɛ, ɛ̍ kɔn tìh bo ǎn wlùh-a nu̍ jàjà de iě mɔ̀ we̍ chlǐh. Jɛ kaka la̍, wlùh gbaɛ ɛ̀ Nyɔsoa nyǐ-a ɔ̍ nyɔ̍ wɛ̀ kleǐnklein-ɛ, ɛ̍ kɔn tìh bo ǐn kɔn iě mɔ̀ we̍ chlǐh, iě mɔ̀-a wlùh fùka, wɛ̀ mɔ̀ iě ɛ̍ tìh we̍ fɔ̀n.