Kelesea 1:6 - Ku̍o̍ Delee 1999

⁶ Mɔ̀-a nu̍-dɛ̍ᵻ wlǔh i̍ ǐn de̍e̍. Ɛ̍ se̍-o wlè fu̍u̍ wɛ̀ mɔ̀-a poe nyɔ̍ ɔ̀ dǎ-a mɔ̀ dě Klai-a blɛ nɛ-ɛ di̍i̍-ɛ kɛ̍n i̍, iě mɔ̀-a bǐi dě pɔ̀n chɛ̀ dɛɛ we̍ i̍.

Kelesea 1:6 Iomraidhean Croise

Pɔ̀n Chɛ̀ Maɛ To-a La 6:6

U̍h-a nu̍-dɛ̍ wlǔh i̍ ɔ̍ de̍e̍, dɛ̍nu̍ɛ, u̍h se̍ wlùh gbaɛ blě. Wɛ̀ Jusu mu̍ wlɔ̀ᵻ diih di̍i̍ i̍, dě ɔ̍ poe nyɔ̍ nǎ.

Chɔɔn 9:30

Jɔ̍gbau la̍a̍, “Mɔ̍ɔ, nɛ̀ ǐn se̍ ɛ̍-ɛ sà ka̍ juo dɛ. Mɔ̀ la̍ mɔ̀ se̍ ɔ̍ sɔ la̍ juo, jɛ mɔ̍ɔ, ɔ̍ pɔ̀ni ǎn jlǐh.

Nu̍-dɛ̍ᵻ 15:11

Dɛ̍nu̍ɛ, ka à gbaɛ-a ɛ̍ wlùh à pǔh-a wɛ̀ dě Joi Jusu-a blɛ nɛ-ɛ di̍i̍-ɛ, kǎ u̍h nɛ ke.”

Wloma 10:3

Ka Nyɔsoa-a nu̍-a nyɔ̍ i̍ slɛ̌-ɛ, u̍h se̍ ɛ̍ dɛ-ɛ i̍ wɔ̌n. U̍h-a fɔ̀n dɛ̍ we̍ u̍h iě u̍h-a chɛ̀ naɛ gbɔ̀ tè. U̍h se̍ u̍h-a chɛ̀ wlù ja dǒ ka Nyɔsoa-a nu̍-a nyɔ̍ i̍ slɛ̌-ɛ we̍.

Wloma 5:2

Dě ɔ̍ ja̍a̍ bo à jii iě à jě Nyɔsoa-a blɛ à nɛ-a ka dě di̍i̍-ɛ ɛ̍ gbɛ̍n la̍. Nyɔsoa-a tìh-a i̍ bɛ̌-ɛ à mu̍-a kwa̍a̍ i̍ klɛ̀ɛ̀n-ɛ, ɛ̍ bo à kɔ̍ wlùh i̍ wɛ̀ à nmɔ.

Wloma 8:28

Nɛ̀ à juo i̍h nyɔ̍ ùh jbɛɛ-a Nyɔsoa-ɛ, dɛ̍-o-dɛ̍ ɛ̀ nɛ-a u̍h pùn-ɛ, ɔ̍ sàɛ̀ ɛ̍ dɛ̍ chɛ̀ dǒ u̍h we̍. U̍h bo ɔ̍ dǎ ùh iě dɛ̍ ɛ̀ kɔn di̍i̍chì ɔ̍ chɛ̍n-a nu̍.

Wloma 8:30

Ùh ɔ̍ tè-ea pɔ̌-ɛ, u̍h bo ɔ̍ dǎ. Ùh ɔ̍ dǎ-aɛ, u̍h bo ɔ̍ slɛ̌-ɛ i̍ dě ɔ̍ chɛ̀ jlǐh. Ùh ɔ̍ slɛ̌-a i̍-ɛ, u̍h-a nynɛ̌ bo ɔ̍ bɛ̌-ɛ i̍.

1 Kɔwlɛntiɔn 4:15

Pò mɔ̀-a jɛ blě nyɔ̍-a wlǔ pùè-a chɛ̀ u̍h ja mɔ̀ nǎ po̍ dǒ Klai dɛ we̍-ɛ, mɔ̀ se̍ baaᵻ dɔu blě. Dɛ̍nu̍ɛ, mɔ̍ bo ɔ̀ nu̍ mɔ̀ baa dě mɔ̀ ke Jusu Klai-a due nɛ-ɛ di̍i̍ dǒ pɔ̀n chɛ̀ ǐn ja-a dě mɔ̀ we̍-ɛ we̍.

2 Kɔwlɛntiɔn 11:4

Ɛ̀ kɔn ǎn bla̍-a ɛ̀ la-ɛ, ɛ̍ nu̍ nyɔ̍ ji̍ dě mɔ̀ we̍ wɛ̀ ɔ̀ bla̍ Jusu dɔɔ kɔn tìh à se̍-a bla̍-ɛ, iě ɛ̍ po̍ mɔ̀ gbǐh. Wɛ̀ Nyɔsoa-a Sùù ke pɔ̀n chɛ̀ ìh nɛ-ao dɔɔ̌ ìh kɔn tìh mɔ̀ se̍a wɔ̌n dě à we̍-ɛ, iě mɔ̀ gbɛ̍n i̍h i̍.

2 Kɔwlɛntiɔn 2:17

À ke nyɔ̍ dɔu ùh-a ple̍-a Nyɔsoa-a wlu̍-ɛ se̍ wɔ̀ɛ. Dɛ̍nu̍ɛ, Nyɔsoa bo ɔ̀ dbo̍ àɔ̀. Tìh gbɛ̍n àɔ̀ i̍ dǒ wlu la̍ dǒ Nyɔsoa jǔ ka Klai-a pòi̍nynuu̍-ɛ.

Kelesea 1:11

Ǐn de̍di̍i̍ᵻ, bɔ̌ ǐn sèàɛ̍ mɔ̀ wlùh, pɔ̀n chɛ̀ la ǎn bla̍-a ka-ɛ, ɛ̍ se̍ dě wlɔ̀ nyi̍ɔ̍ we̍ sɔ-ɛ.

Kelesea 1:15

Jɛ iě-a wlǔh-ɛ, nɛ̀ Nyɔsoa tè-e ǐn pɔ̌ wɛ̀, nɛ̀ ɔ̍ dǎ la̍ m dě ɔ̍ blɛ nɛ-ɛ di̍i̍. Ɔ̍ pɔluh pɛ̌n i̍

Kelesea 1:7

Jɛ pɔ̀n chɛ̀ dɛɛ se̍ nɛ fu̍u̍. Dě mɔ̀ we̍ bo nyɔ̍ duuh nɛ u̍h-a bɛ̌ɛ mɔ̀ wɔ̍ɔ̍n i̍, u̍h iě Klai-a pɔ̀n chɛ̀-a klě-e fiǎn.

Kelesea 2:14

Ti̍ ǐn juo-ao dɛ̍ i̍ ka u̍h-u naɛ-a dě pɔ̀n chɛ̀-a tìh-a taǐn di̍i̍-ɛ, wɛ̀ na̍a̍ dě Pitɛ we̍ dǒ u̍h kli̍hgbɛ̍ jlǐhwai, “Mɔ̀ Juu jǔ, jɛ àn nu̍ la̍ ùh se̍-a Juu nyɔ̍-ɛ u̍h-a gblɛ̍n, nɛ̀ nu̍ Juu gblɛ̍n dɛ. Ka ɛ̍ iě nu̍ wɛ̀ àn nɛ̌ ùh se̍-a Juu nyɔ̍-ɛ kɛ̍ɛ̍n u̍h iě Juu gblɛ̍n nu̍ ɛ?”

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Kelesea 2:5

Jɛ pɔ̀n chɛ̀ nu̍-a tìh-a taǐn-ɛ, ɛ̍ iě mɔ̀ we̍ sie tìh bo, ɛ̍ kɔn u̍h-a dɛ se̍ à beɛ mlǎ-a chɛ̀ i̍ tǐhlɔ fu̍u̍.

Kelesea 2:7

Jɛ ɛ̍ se̍-o siee, sɔ u̍h juo-o dɛ̍ i̍ ka Nyɔsoa nu̍-a Pitɛ i̍ nynaɛ-ɛ ɔ̍ iě-a pɔ̀n chɛ̀-a tìh bla̍ dě Juu nyɔ̍ we̍-ɛ, kǎ ɔ̍ nu̍ ǐn i̍ nynaɛ-ɛ ke iě pɔ̀n chɛ̀-a tìh bla̍ dě ùh se̍-a Juu nyɔ̍-ɛ we̍.

Kelesea 5:14

Dɛ̍nu̍ɛ, telě kli̍hgbɛ̍ gbǎ dě telě due la di̍i̍, ɛ̍ la̍a̍, “Jbɛɛ ìn pònyɔ̍ ka àn chɛ̀-ɛ.”

Kelesea 5:4

Mɔ̀ɔ̍ ùh-a fɔ̀n-a dɛ̍ we̍ ùh iě-a i̍ slɛ̌ dǒ telě dɛ̍ɛ̍ jě-ɛ we̍-ɛ, dǒ mɔ̀ ke Klai nynɛ̌ chɛn i̍ wɛ̀. Mɔ̀ se̍ dě Nyɔsoa-a blɛ di̍i̍ nɛ dɛ.

2 Tɛsoloniɔn 2:14

Ɛ̍ kɔn tìh bo ɔ̍ jii pɔ̀n chɛ̀ à ja-a dě mɔ̀ we̍-ɛ, iě ɔ̍ dǎ mɔ̀. Wɛ̀ mɔ̀ iě fɔ̌ kɔn dě à Joi Jusu Klai-a tìh-a i̍ bɛ̌-ɛ di̍i̍.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

1 Timote 1:3

Ti̍ iě-a dě Mɛsedonia fɔɔ mu̍-ɛ, dɛ̍ kɔn tìh ǐn nɛ̌ɛ-a ìn wlu̍ dounᵻɛ́, ɛ̍ bo ìè nu̍. Na̍ nɛ dǒ Ɛfɛsɔ, wɛ̀ nyɔ̍ ùh-a po̍-a nǎ ìh se̍-a Nyɔsoa-a wìè gba̍-ɛ, ìè u̍h bɔ̌ i̍ po̍.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

2 Timote 2:1

Ɛ̍ tìh-ɛ, ǎn jǔ, Nyɔsoa-a blɛ ɛ̀ nɛ-a dě Jusu Klai ja̍a̍-ɛ, bɔ̌ ɛ̍ iě ìn kmu i̍.

1 Pitɛ 1:15

Jɛ ka Nyɔsoa ɔ̀ dǎ-a mɔ̀-ɛ ɔ̍ nu̍-a nɛi̍ wɛ̀-ɛɛ, kǎ mɔ̀ iě nɛi̍ wɛ̀-ɛ nu̍ dǒ mɔ̀-a nu̍-dɛ̍ᵻ kli̍hgbɛ̍ we̍.

2 Pitɛ 1:3

Dɛ̍ᵻ kli̍hgbɛ̍ à pɔ̀n-a wɛ̀ à iě-a dě Nyɔsoa we̍ fòè kmɔ̌ di̍i̍ nɛ-ɛ, Nyɔsoa-a gbǐh nyǐ i̍h àɔ̀ wɛ̀. Dɛ̍nu̍ɛ, nyɔ̍ ɔ̀ dǎ àɔ̀ wɛ̀ à iě-a ɔ̍ chɛ̀-a tìh-a i̍ bɛ̌-ɛ ke gblɛ̍n-ɛ nmɔ-ɛ kwa̍a̍ i̍ gblè-eɛ, à juo ɔ̍-ɛ.

Wlɛfeleseɔn 22:21

Ǎn sà nǐ wɔ̍n Joi Jusu-a blɛ iě dǒ mɔ̀ kli̍hgbɛ̍ we̍ nɛ. Kǎ ɛ̍-ɛ nɛ.