24 Wɛ̀ u̍h bɛ̌-ɛ Nyɔsoa-a nynɛ̌ i̍ ǎn tìh.
Ti̍ nyɔ̍ tlùgbei̍ jě-a dɛ̍ la-aɛ, sɔ ɛ̍ flɔn-ɛ u̍h wɔ̍n, iě u̍h-a tùi Nyɔsoa nynɛ̌ i̍, ɔ̀ nu̍-a ka wlɔ̀ nyi̍ɔ̍ bu̍hᵻ de̍e̍ i̍ tba̍ sɔɛn-ɛ.
Wɛ̀ ɔ̍ sɔ bloɔ̍, iě ɔ̍ dǔ ɔ̍ sabli̍-i dǒ nyɔ̍ kli̍hgbɛ̍ jlǐhwai, wɛ̀ ɔ̍ mu̍. Sɔ ɛ̍ wlǔh i̍ nyɔ̍ kli̍hgbɛ̍ de̍e̍, iě u̍h-a po̍ Nyɔsoa tìhwe̍. Wɛ̀ u̍h la̍a̍, “À-a se̍a dɛ̍ nɛka la jě sàì.”
Ǎn sèàɛ̍ mɔ̀ wlùh, kǎ ɛ̍ nɛ ke. Nyɔsoa-a ǐnchɔ̀-a nu̍ mɔna̍ dɛ̍blɔ dǒ gblɛ̍n sɔ̀ɛ̀n nyɔ̍ due ɔ̀ bǐi-a i̍-ɛ we̍.”
À kɔn à iě mɔna̍ nu̍ à iě de̍le. Dɛ̍nu̍ɛ, ìn deǐ la ɔ̍ mɛ̌-ɛ de, wɛ̀ ɔ̍ wlǔh-e. Ɔ̍ mǎ-ɛ de, wɛ̀ ɔ̍ jě-ɛ wɛ̀.’ ”
“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”
Sɔ ɛ̍ po̍ nyɔ̍ kli̍hgbɛ̍ faɔn, iě u̍h-a po̍ Nyɔsoa tìhwe̍. U̍h la̍a̍, “Nyɔsoa-a tu̍owli po̍ nyɔ̍-a wɔ̍n ku̍ naɛ wlǔh tà wɛ̀ nɔ̌ àɔ̀ nynɛ̌. Nyɔsoa ji̍ wɛ̀ ɔ̍ iě ɔ̍ nyɔ̍ pǔh-i.”
U̍h wɔ̌n-a wlu̍ la-a, sɔ ɛ̍ po̍ u̍h su̍e̍ wɔ̍i̍n. Iě u̍h-a po̍ Nyɔsoa tìhwe̍, u̍h la̍a̍, “Iě nɛ̀ Nyɔsoa nyǐ ùh se̍-a Juu nyɔ̍-ɛ flɔna̍ wɛ̀ ke, pò u̍h bǐi i̍-ɛ u̍h iě kmɔ̌ nɛ.”
Dbo̍ la ɛ̍ mu̍ ɛ̍ to ka mɔ̀ blě-a Nyɔsoa gblɛ̍n-ɛ. Mɔ̀-a pɔ̀n chɛ̀ ɛ̀ kɔ̍-a dǒ Klai pùn i̍-ɛ dɛ̍ɛ̍ jě-ɛ ke mɔ̀-a gblɛ̍n-ɛ nmɔ-ɛ dǒ u̍h ke nyɔ̍ kli̍hgbɛ̍ duuh we̍-ɛ, ɛ̍ mu̍ ɛ̍ nu̍ nyɔ̍ dɔu iě Nyɔsoa-a nynɛ̌ i̍ bɛ̌-ɛ.
Pò ɔ̍ ji̍ dǒ weɛ̍ laa̍ di̍i̍-ɛ, wɛ̀ ɔ̍ wlùh gbaɛ nyɔ̍ iě ɔ̍ nynɛ̌ i̍ bɛ̌-ɛ, u̍h iě ɔ̍ ja̍ tè. Mɔ̀-a mu̍ dě u̍h nynɛ̌ nɛ ke, dɛ̍nu̍ɛ, mɔ̀ gbaɛ tu̍owli à po̍-a dě mɔ̀ we̍-ɛ wlùh.
Wɛ̀ à Joi Jusu-a nynɛ̌ iě i̍ bɛ̌ dě mɔ̀ ja̍a̍, iě mɔ̀ naɛ iě i̍ bɛ̌ ke dě à Nyɔsoa ke Joi Jusu Klai-a blɛ nɛ-ɛ di̍i̍.
