Kelesea 1:16 - Ku̍o̍ Delee 1999

¹⁶ ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Kelesea 1:16 Iomraidhean Croise

Matio 16:17

Wɛ̀ Jusu la̍a̍, “Jona-a jǔ Samo, ìn nmɔ i̍, dɛ̍nu̍ɛ, ɛ̍ se̍ wlɔ̀ nyi̍ɔ̍ ùh se̍ ìn nǎ po̍ dǒ tìh-a taǐn la we̍. Jɛ ǐn Baa nɛ-a dě ja̍i̍wlɔ̀-ɛ bo ɔ̀ toe ìn ìh la.

Matio 26:41

Mɔ̀ tù ba̍le-ɛ jlǐhɛ̍, wɛ̀ mɔ̀-ɔ je̍e blu̍ja̍a̍ gbǎ. Mɔ̀-a pɔ̀n i̍ slɛ̌ dɛ̍ nu̍-ɛ i̍ de, jɛ mɔ̀ se̍ ɛ̍ we̍ gbǐh blě.”

Nu̍-dɛ̍ᵻ 22:21

Wɛ̀ Joi la̍a̍, ‘Mu̍, dɛ̍nu̍ɛ, ǎn mu̍ ìn tà tɔ̀ɔ̀n dbo̍ dě ùh se̍-a Juu nyɔ̍-ɛ we̍.’ ”

Nu̍-dɛ̍ᵻ 5:42

Ka Jusu nu̍-a Nyɔsoa-a Chèɛ̀ Tba̍ju-ɛ, ka sɔ̀n-a sɛ̀n-a, kǎ u̍h-a mu̍ dě Nyɔsoa-a slaǎ sà gbò sɔ̀n ke gbòᵻ di̍i̍ i̍ iě u̍h-a poe ɛ̍ nyɔ̍ nǎ u̍h-a bla̍ ɛ̍ we̍i̍. U̍h-a wɔ̍n se̍ kǎ sèàn tàǎntàn.

Nu̍-dɛ̍ᵻ 9:15

Jɛ Joi la̍a̍ dě ɔ̍ we̍, “Mu̍, dɛ̍nu̍ɛ, ǐn tba̍ ɔ̍ chèɛ̀ wɛ̀ ɔ̍ iě ǐn jǔ dbee, wɛ̀ ɔ̍ iě ǎn nynɛ̌ dě ùh se̍-a Juu nyɔ̍-ɛ ke blǔh baaᵻ we̍ gba̍, ɛ̍ ke dě Eslɔɛ nyɔ̍ we̍ ke.

Nu̍-dɛ̍ᵻ 9:20

Dǒ ɔ̍ nyna iě ɔ̍ mu̍ dě wɛɛ sà gbòᵻ sɔ̀n i̍ wɛ̀ ɔ̍ bla̍ tìh, ɔ̍ la̍a̍, “Jusu nu̍ Nyɔsoa-a Jǔ.”

Wloma 1:5

Dě ɔ̍ ja̍a̍ bo à jii wɛ̀ Nyɔsoa-a blɛ nɛ-ɛ nui àɔ̀ ɔ̍ gba̍tòà we̍i̍. Ɔ̍ nynɛ̌-a i̍ bɛ̌-ɛ tìh bo ɔ̍ dbo̍ àɔ̀ dě kmɔ̌ nyɔ̍ kli̍hgbɛ̍ we̍, wɛ̀ u̍h iě ɔ̍ wlùh gbaɛ u̍h iě ɔ̍ wlu̍ nu̍.

Wloma 11:13

Kaka la̍, mɔ̀ɔ̍ ùh se̍-a Juu nyɔ̍-ɛ, dě mɔ̀ we̍ bo ǎn wlu. Ka jɛ ǐn nu̍-a Klai-a gba̍tòà dǒ mɔ̀ we̍-ɛ, sɔ nɛ̀ dbo̍-a chɛ̀ kɔn tìh bo ǎn po̍ tlɔ̌.

1 Kɔwlɛntiɔn 15:50

Ǐn de̍di̍i̍ᵻ, ǎn sèàɛ̍ mɔ̀ wlùh, nyi̍ɔ̍ku ke nymɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ nyni̍-ɛ bɛ̌ɛ. Dɛ̍ ɛ̀ mu̍-a mɛ̌-ɛ, ɛ̍ se̍ dɛ̍ kɔn-ɛ bɛ̌ɛ dě dɛ̍ ɛ̀ se̍-a mɛ̌ la̍ kɔn-ɛ di̍i̍.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

2 Kɔwlɛntiɔn 5:16

Ɛ̍ tìh-ɛ, sɔ dě ti̍ à gbaɛ-a Klai wlùh-ɛ we̍-ɛ, à-a se̍a nyɔ̍ ja̍ gbɛ̀n ka kmɔ̌ we̍ nyɔ̍-a nu̍-aɛ. Ka kmɔ̌ we̍ nyɔ̍-a nu̍-a ɔ̍ ja̍ gbɛ̀n-ɛ, kǎ à nu̍ ke de.

Kelesea 2:1

Sɔ̀nᵻá pùè jɔ̌ nyìɛ̍ sì-aɛ, wɛ̀ ǐn ke Banaba ke à mu̍ dǒ de̍ Juluslɛn wlɔ̀ di̍i̍. Iě ǐn gba̍ Taitɔ ke.

Ɛfɛsɔ 3:1

Dɛ̍ laa̍ ɛ̀ Nyɔsoa nu̍-a, ɛ̍ kɔn tìh ǎn ba̍le ɔ̍. Mɔ̀ɔ̍ ùh se̍-a Juu nyɔ̍-ɛ mɔ̀-a tìh bo wɛ̀ ǐn nu̍ Jusu Klai-a pòi̍ju, iě ǐn nu̍ ka gbɛ̍n-nyɔ̍.

Ɛfɛsɔ 6:12

Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.

1 Tɛsoloniɔn 2:16

Tu̍owli à po̍-a dě ùh se̍-a Juu nyɔ̍-ɛ we̍ u̍h iě-a pǔh-ɛ, u̍h se̍ pɔ̀n à iě i̍h po̍. Ɛ̀ u̍h-a nu̍-aɛ, nɛ̀ u̍h-a chɛ̀-a gblɛ̍n sɔ̀ɛ̀n bo u̍h-a jǐi dlǔ ti̍ kli̍hgbɛ̍ we̍. Jɛ Nyɔsoa bɔ̌ɛ u̍h jlu̍h po̍-eɛ.

1 Timote 2:7

Ɛ̍ tìh bo Nyɔsoa tba̍ ǐn chèɛ̀ iě tìh bla̍ nyɔ̍ ke gba̍tòà nu̍. Wɛ̀ ǐn nu̍ ùh se̍-a Juu nyɔ̍-ɛ nǎ po̍ nyɔ̍ dǒ wlùh gbaɛ ke tìh-a taǐn we̍. (Tìh-a taǐn bo ǎn sà-a, ǐn se̍ si̍h tmɔ̌.)

2 Timote 1:11

Pɔ̀n chɛ̀ la ɛ̍ tìh bo Nyɔsoa tba̍ ǐn chèɛ̀ iě ɛ̍ tìh bla̍ nyɔ̍ ke, gba̍tòà ke nǎ po̍ nyɔ̍ nu̍.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.