Kelesea 1:13 - Ku̍o̍ Delee 1999

¹³ Ti̍ iě-a dě Juu nyɔ̍ naɛ Nyɔsoa wɛɛ sà kmɔ̌ di̍i̍ nɛ tɛin-ɛ, mɔ̀ wɔ̌n ɛ̍ pɔ̀n. Nɛ̀ ǎn jě-e Nyɔsoa-a chɔchi̍h klě kàka̍, iě ǎn fɔ̀n dɛ̍ we̍ iě i̍h-i gbɔ̀lɔ.

Kelesea 1:13 Iomraidhean Croise

Nu̍-dɛ̍ᵻ 8:1

Sɔɔ bo ɔ̀ wɔ̌ɛn Slifɛn-a mɛ̌ɛ dɛ kɛ̍n i̍. Sɔ dǒ weɛ̍ laa̍ di̍i̍-ɛ, nɛ̀ chɔchi̍h nɛ-a dǒ Juluslɛn-ɛ, ɛ̍ klě jě-ɛ sìì-o dɛ̍ i̍ wɛ̀. Jusu-a gba̍tòà kɔn tɛ̀ ǐn sà-o. Jɛ wlùh gbaɛ blě nyɔ̍ kli̍hgbɛ̍ juh sie-a dode̍-ɛ, u̍h gbà ja̍i̍. Duuh mu̍ Judia fɔɔ, iě duuh mu̍ Sɛmewlea.

Nu̍-dɛ̍ᵻ 8:3

Sɔ Sɔɔ tè chɔchi̍h jii̍ nyni-ɛ gbɔ̀ wɛ̀ kleǐn. Nɛ̀ ɔ̍ sà nynɔ̌gbaɔᵻ ke jɔ̍gbauᵻ gbòᵻ i̍, wɛ̀ ɔ̍ blě u̍h i̍ klǎ-a ɔ̍ po̍ u̍h kasoo.

Nu̍-dɛ̍ᵻ 9:21

Nyɔ̍ kli̍hgbɛ̍ ùh wɔ̌n-a ɔ̍ wlu̍-ɛ, sɔ ɛ̍ wlǔh i̍ u̍h de̍e̍, wɛ̀ u̍h-a tèle-e we̍ i̍. U̍h la̍a̍, “Pò nyɔ̍ dǎ nynɛ̌ la-ɛ, jɔ̍gbau ɔ̀ gbɔ̀lɔ-a nyɔ̍-ɔ dě Juluslɛn-ɛ, ɛ̍ se̍ ɔ̍ mɔ ae? Ɛ̍ se̍ ɔ̍ iě u̍h gbɛ̍n wɛ̀ ɔ̍ iě u̍h slaǎ sà nyɔ̍ klaaᵻ we̍ gba̍ tìh ɔ̍ se̍ nɔ̍ɔ̀ ji̍ ae?”

Nu̍-dɛ̍ᵻ 9:26

Ti̍ Sɔɔ mu̍-a dǒ de̍ Juluslɛn-ɛ, sɔ ɔ̍ pɔ̀n Jusu-a kòà nɛ-a deě-ɛ nynɛ̌ gbǎ-a i̍, jɛ nɛ̀ u̍h-a ple̍ ɔ̍ jǔ. Dɛ̍nu̍ɛ, ka ɔ̍ iě-a Jusu-a kòà nu̍ wɛ̀-ɛ, u̍h se̍ ɛ̍ tìh chɛ̀ po̍.

1 Kɔwlɛntiɔn 10:32

Juu nyɔ̍ o, se̍ Juu o, Nyɔsoa-a chɔchi̍h-a nyɔ̍ o, bɔ̌ u̍h-a nyɔ̍ gblɛ̍n sɔ̀ɛ̀n nui-ɛ.

1 Kɔwlɛntiɔn 15:9

Sɔ mɔ̍ bo ɔ̀ nu̍ Klai-a gba̍tòà kli̍hgbɛ̍-a konynǐ naɛ. Ǐn se̍ i̍ blaɛ-a chɛ̀ u̍h iě ǐn gba̍tòà dǎɛ. Dɛ̍nu̍ɛ, ǐn jě-e Nyɔsoa-a chɔchi̍h klě.

Felepai 3:6

Wɛ̀ ǎn wlùh-a nu̍ jàjà iě chɔchi̍h klě jě-e. Pò ɛ̍ tù telě dɛɛ jě-ɛ ɛ̀ slɛ̌-ɛ nyɔ̍ i̍-ɛ, nɛ̀ mɔ̍ bo ɔ̀ wɛ̀ nɛi̍.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.