Kelesea 1:12 - Ku̍o̍ Delee 1999

¹² Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Kelesea 1:12 Iomraidhean Croise

1 Kɔwlɛntiɔn 11:23

Dɛ̍ ǐn jě-a Joi kwa̍a̍-ɛ, ɛ̍-ɛ bo ǐn toe-a mɔ̀. Wlù weɛ̍ Joi Jusu sà-ɛa kwlǎ-ɛ, dǒ ɔ̍ dǔ-i blèe̍ gba̍n-a,

1 Kɔwlɛntiɔn 2:10

Nyɔsoa nu̍ ɛ̍ iě ɔ̍ Sùù toe i̍h àɔ̀ wɛ̀, dɛ̍nu̍ɛ, Sùù bo ɛ̀ juo dɛ̍ᵻ kli̍hgbɛ̍. Ɛ̍ juo Nyɔsoa-a wlùh dɛ̍ᵻ.

2 Kɔwlɛntiɔn 10:7

Mɔ̀-a gbɛ̀n dǒ dɛ̍ᵻá kɛ̍n ka. Nyɔ̍ nɛ dě mɔ̀ nynɛ̌ ɔ̍ juo-o dɛ̍ i̍ chɛ̀ɛ̌chɛ̀ ka ɔ̍ nu̍-a Klai-a pòi̍ju-ɛ ae? Nɛ̀ɛ̍, ɔ̍ naɛ wlùh i̍ dɛ dǒ ɔ̍ chɛ̀ we̍. Dɛ̍nu̍ɛ, àɔ̀ Klai-a pòi̍nynuu̍ ka ɔ̍ nu̍-a Klai-a pòi̍ju nu̍-ɛ ke-ɛ.

2 Kɔwlɛntiɔn 12:1

Ǐn kɔn iě wɔ̍i̍n po̍. Ɛ̍ se̍-o dɛ̍ po̍ mu̍ gbɛɛ, jɛ ǎn mu̍ se̍ mɔ̌ ja̍ᵻ ke nyɔ̍ i̍ toe dɛ̍ᵻ Joi toe-a m-ɛ sà.

Kelesea 1:1

Mɔ̍ Pɔɔ, mɔ̍ Klai-a gba̍tòà. Jɛ nyi̍ɔ̍ se̍ ɛ̍ ǐn we̍i̍ nu̍, iě ɛ̍ wɔ̍ se̍ dě nyi̍ɔ̍ we̍ sɔ-ɛ ke. Jɛ ɛ̍ sɔ-ɛ dě Jusu Klai we̍, ɛ̍ ke Baa Nyɔsoa jɔ sà ɔ̍-eɛ ke.

Kelesea 1:16

ɔ̍ iě ɔ̍ jǔ tà sà dě ǐn we̍, wɛ̀ iě ɔ̍ tìh we̍i̍ bla̍ dě ùh se̍-a Juu nyɔ̍-ɛ nynɛ̌. Ǐn se̍ nyɔ̍-o-nyɔ̍ dlǔ i̍ te.

Kelesea 2:2

Nyɔsoa jii ǐn dluwe̍ iě-e mu̍, ɛ̍ kɔn ǐn mu̍-e. Wɛ̀ pɔ̀n chɛ̀ kɔn tìh ǐn bla̍-a dě ùh se̍-a Juu nyɔ̍-ɛ we̍-ɛ, iě ǐn po̍ ɛ̍ dǒ chɔchi̍h-a nyɔ̍ klaaᵻ jǔ i̍ dě slǎn. Ǐn po̍ u̍h kunǎ, wɛ̀ ǎn dbo̍ jɛ ǐn nu̍-a wɛ̀-ɛ ke, iě jɛ ǎn nu̍-a ka-ɛ, i̍h-i je̍e bu̍ɛ̍i̍ nu̍.

Ɛfɛsɔ 3:3

Dɛ̍ ɛ̀ Nyɔsoa sìle-aɛ, ɛ̍ bo ɔ̍ toe m iě ɛ̍ juo. Kǎ ǐn nu̍ ɛ̍ dɛ̍ tile wɛ chlǐh-ɛ ke.

1 Tɛsoloniɔn 4:15

Dɛ̍ à sà-a dě mɔ̀ we̍-ɛ, Joi-a wlu̍ bo. Àɔ̀ mu̍-a kmɔ̌ nɛ wɛ̀ Joi iě-a ji̍-ɛ, à se̍ nyɔ̍ ùh mɛ̌-aɛ jǔ mu̍ mu̍.