Kelesea 1:10 - Ku̍o̍ Delee 1999

¹⁰ Kaka la̍ ǎn pɔ̀n iě-e nyɔ̍ jlǐh i̍ nmɔ ɛɛ, àe̍e̍ iě dě Nyɔsoa jlǐh i̍ nmɔ ae? Àe̍e̍ ǎn fɔ̀n dɛ̍ we̍ iě nyɔ̍-a wlùh i̍ pɛ̌n-ɛ ae? Pò ǐn ja nyɔ̍-a wlùh i̍ pɛ̌n-ɛ i̍ pɔ̀n-ɛ, nɛ̀ ǐn se̍ Klai-a pòi̍ju nu̍ mu̍ de.

Kelesea 1:10 Iomraidhean Croise

Matio 22:16

Iě u̍h dbo̍ u̍h-a kòà ke nyɔ̍ sɔ-a dě blǔh baa Ɛlo naɛ gbɔ̀ù di̍i̍-ɛ dě Jusu we̍. U̍h la̍a̍, “Dlǔtu, à juo ɛ̍-ɛ mɔ̀ bo ɔ̀ sà tìh-a taǐn, dɛ̍nu̍ɛ, nɛ̀ gbǎ nyɔ̍-a wlu̍ we̍, iě nɛ̀ ple̍ nyɔ̍-a jua̍a̍ jǔ ke. Jɛ tìh-a taǐn bo àn poe nyɔ̍ nǎ dǒ Nyɔsoa dɛ we̍.

Matio 28:14

Pò Pale wɔ̌n i̍h-ɛ, nɛ̀ à mu̍ ɔ̍ pɔluh i̍ pɛ̌n-ɛ ɔ̍-ɔ je̍e mɔ̀ dɛ̍ nui.”

Matio 6:24

Ɔ̍ la̍a̍, “Mɔ̀-a chɛ̀ juo ɛ̍-ɛ, nyɔ̍ due se̍ dlǔtuᵻ sɔɔ̌n jǔ dbee-ɛ bɛ̌ɛ. Nɛ̀ ɔ̍ mu̍ due faɛn, wɛ̀ ɔ̍ iě due-e jbɛɛ. Nɛ̀ ɔ̍ mu̍ due we̍ fòè ɔ̍ iě-o due i̍ si̍e̍. Kǎ ɛ̍ nɛ, mɔ̀ se̍ wlǐ-i jbɛɛ-ɛ ke Nyɔsoa wɛɛ sà-a tàdùè nui-ɛ bɛ̌ɛ.

Nu̍-dɛ̍ᵻ 12:20

Ɛ̍ ti̍ laa̍ nɛ̀ Blǔh Baa Ɛlo gbǎ-ɛ Taiɛ ke Saidɔn wlɔ̀ᵻá nyɔ̍ jlu̍h. Wɛ̀ u̍h bla̍ɛ we̍ iě u̍h mu̍ ɔ̍ ba̍le la̍. Jɛ Blaaslɔ ɔ̀ nu̍-a Ɛlo-a jlǐhɛ̍-ɛ, dě ɔ̍ ja̍a̍ bo u̍h jii wɛ̀ u̍h dǔ dě Ɛlo we̍ mu̍-ɛɛ. Iě u̍h-a ba̍le sàǎsà iě dǒ ɔ̍ ke u̍h nynɛ̌ we̍ sɔ, dɛ̍nu̍ɛ, dě ɔ̍ bloa̍ kɛ̍n bo u̍h-a di̍-dɛ̍ᵻá sɔ-ɔ.

Nu̍-dɛ̍ᵻ 5:29

Wɛ̀ Pitɛ bei sà u̍h-a wlu̍ pɔ̀n we̍, u̍h la̍a̍, “À kɔn à iě Nyɔsoa-a wlu̍ nu̍ ɛ̍ iě nyi̍ɔ̍ naɛ sìì.

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

Wloma 2:29

Jɛ nyɔ̍-a Juu jǔ nu̍-ɛ nu̍ dɛ̍ ɛ̀ nyi̍ɔ̍ se̍-a jě-ɛ bɛ̌ɛ. Plɔ̀n gbǎ-a gblangbai̍ naɛ bo Nyɔsoa-a Sùù-a nu̍ dǒ nyɔ̍-a wlùh kɛ̍n. Plɔ̀n gbǎ-a la ɛ̍ se̍ nɛ dǒ telě ɛ̀ chlǐh-iaɛ we̍. Juu jǔ kaɛn laa̍, ɔ̍ tìhwe̍ po̍-ɛa mu̍ dě Nyɔsoa we̍ sɔ, ɛ̍ se̍ dě wlɔ̀ nyi̍ɔ̍ we̍ sɔ mu̍.

Wloma 2:8

Jɛ nyɔ̍ duuh-a sì u̍h-a chɛ̀ tìh, wɛ̀ u̍h-a blaɛ-a tìh-a taǐn wɔ̍n, iě u̍h wɔ̀ dǒ kà kɔn-ɛ de̍e̍. U̍h nɔ̀ɔ̍, Nyɔsoa-a mu̍ u̍h jlu̍h-u gbǎ-ɛ ɔ̍ iě u̍h kàn gbɛ̍n.

1 Kɔwlɛntiɔn 10:33

Ka ǎn fɔ̀n-a dɛ̍ we̍ iě-a nyɔ̍ kli̍hgbɛ̍-a wlùh i̍ tè-e dǒ nu̍-dɛ̍ᵻ kli̍hgbɛ̍ we̍ wɛ̀ ǎn sì-a nyɔ̍ dɔu-a tìh u̍h iě-a pǔh-ɛ, kǎ mɔ̀ iě nu̍ ke.

2 Kɔwlɛntiɔn 12:19

Nyɔ̍-se̍-juo mɔ̀-a naɛ wlùh i̍ ti̍ kli̍hgbɛ̍ we̍, mɔ̀ la̍ à sà à chɛ̀ tìh dlǔ i̍ dǒ mɔ̀ jǔ. À wlu-i dǒ Nyɔsoa jǔ ka Klai-a pòi̍nynuu̍-ɛ. À tìh kma nyɔ̍, dɛ̍ᵻ kli̍hgbɛ̍ à nu̍-aɛ, à nu̍ i̍h i̍h iě-o mɔ̀ dɛ̍ po̍.

Ɛfɛsɔ 6:6

Mɔ̀ bɔ̌ u̍h-a jlǐh jě-ɛ wɛ̀ mɔ̀ bɔ̌ dɛ̍ nu̍-ɛ dǒ u̍h we̍. Jɛ mɔ̀ nu̍ Nyɔsoa-a wlùh dǒ mɔ̀-a wlùh kli̍hgbɛ̍ we̍ ka Klai-a pòi̍nynuu̍-ɛ.

Felepai 1:1

Chlǐh-dɛ̍ la ɛ̍ sɔ nɔ̌ mɔ̍ Pɔɔ ke Timote we̍, àɔ̀ nu̍-a Jusu Klai-a pòi̍nynuu̍-ɛ. Ɛ̍ mu̍ dě Nyɔsoa nyɔ̍ kli̍hgbɛ̍ ùh kɔn-a dǒ Jusu Klai we̍ dǒ Felepai wlɔ̀ di̍i̍-ɛ we̍, ɛ̍ ke chɔchi̍h-a fààmlà ke ɛ̍ jǔ dbee nyɔ̍ ke.

Kalase 3:22

Kèi̍ᵻ, mɔ̀ nu̍ nyɔ̍ ùh kɔn-a mɔ̀-ɛ u̍h-a wlu̍ dǒ dɛ̍-o-dɛ̍ we̍. Mɔ̀ bɔ̌ u̍h-a jlǐh jě-ɛ wɛ̀ mɔ̀ bɔ̌ dɛ̍ nu̍-ɛ dǒ u̍h we̍. Jɛ mɔ̀ ple̍ Joi Jusu-a faɔn mɔ̀ iě dɛ̍ nu̍ dǒ wlùh-a i̍ pɛ̌n-ɛ we̍.

1 Tɛsoloniɔn 2:4

Jɛ Nyɔsoa-a chɛ̀ bo ɔ̀ wɔ̌ɛn à tìh i̍, iě ɔ̍ tè pɔ̀n chɛ̀ la ɛ̍ tìh dǒ à dlǔ i̍ à iě ɛ̍ bla̍. Ɛ̍ kɔn à wlu, iě Nyɔsoa ɔ̀ chlɛ̌-a dě à wlùh we̍ i̍-ɛ, wɛ̀ à iě ɔ̍ pɔluh i̍ tè-e. Jɛ à se̍ nyi̍ɔ̍-a pɔluh i̍ tè-e dɛ̍ we̍ fɔ̀n.

Chiin 4:4

Mɔ̀ɔ̍ la ùh sɔ-a dǒ Nyɔsoa de̍e̍-ɛ, ka pò nyɔ̍ jbɛɛ kmɔ̌-ɛ, nɛ̀ ɔ̍ nu̍-a Nyɔsoa-a nyɛ̌-nyɔ̍-ɛ, mɔ̀ se̍ i̍h juo ae? Nyɔ̍ jɔ pɔ̀n-a kmɔ̌-a jbɛɛ nyɔ̍ nu̍-ɛ i̍-ɛ, nɛ̀ ɔ̍ nu̍ ɔ̍ chɛ̀ Nyɔsoa-a nyɛ̌-nyɔ̍ we̍i̍.

1 Chɔɔn 3:9

Nyɔ̍-ɔ nu̍ Nyɔsoa-a jǔ wɛ̀ ɔ̍-ɔ gba̍ gblɛ̍n sɔ̀ɛ̀n dluwe̍ i̍, dɛ̍nu̍ɛ, Nyɔsoa-a gblɛ̍n nɛ dě ɔ̍ ja̍a̍. Nɛ̀ ɔ̍ se̍ gblɛ̍n sɔ̀ɛ̀n nu̍-ɛ bɛ̌ɛ, dɛ̍nu̍ɛ, ɔ̍-ɔ Nyɔsoa-a jǔ.