Kelesea 1:1 - Ku̍o̍ Delee 1999

¹ Mɔ̍ Pɔɔ, mɔ̍ Klai-a gba̍tòà. Jɛ nyi̍ɔ̍ se̍ ɛ̍ ǐn we̍i̍ nu̍, iě ɛ̍ wɔ̍ se̍ dě nyi̍ɔ̍ we̍ sɔ-ɛ ke. Jɛ ɛ̍ sɔ-ɛ dě Jusu Klai we̍, ɛ̍ ke Baa Nyɔsoa jɔ sà ɔ̍-eɛ ke.

Kelesea 1:1 Iomraidhean Croise

Chɔɔn 10:30

Ǐn ke ǐn Baa ke à nɛ due.”

Chɔɔn 20:21

Wɛ̀ Jusu la̍a̍ dě u̍h we̍ dɛ, “Wlùh-a i̍ tè-ɛ dǒ mɔ̀ we̍. Ka Baa dbo̍-a m-ɛ, ǎn dbo̍ la̍ mɔ̀ ke.”

Chɔɔn 5:19

Wɛ̀ Jusu la̍a̍ dě u̍h we̍, “Mɔ̀ bɔ̌ ǐn sèàɛ̍ mɔ̀ tìh-a taǐn wlùh. Nyɔsoa-a Jǔ se̍ dɛ̍ nu̍-ɛ bɛ̌ɛ dǒ ɔ̍ chɛ̀-a gbǐh we̍. Jɛ dɛ̍ ɔ̍ jě-a ɔ̍ Baa kwa̍a̍-ɛ, ɛ̍-ɛ bo ɔ̍ nu̍. Dɛ̍nu̍ɛ, dɛ̍ Baa nu̍-aɛ, nɛ̀ ɛ̍ bo ɔ̍ Jǔ-a nu̍ ke.

Nu̍-dɛ̍ᵻ 22:10

Wɛ̀ na̍a̍, ‘Joi, ka iě nu̍ ɛ?’ Iě ɔ̍ la̍a̍, ‘Sɔ-ɔ ìè Damaɛkɔ mu̍, dɛ̍ kli̍hgbɛ̍ ìn kɔn ìè-a nu̍-ɛ, dě nyɔ̍ nɛ ɔ̍ iě ɛ̍ ìn wlùh sèàɛ̍.’

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

Nu̍-dɛ̍ᵻ 9:6

Jɛ sɔ bloɔ̍ ìè dǒ tùgbàwlɔ̀ di̍i̍ mu̍. Dɛ̍ ìn kɔn ìè-a nu̍-ɛ, dě-e bo nyɔ̍ nɛ ɔ̍ iě ɛ̍ ìn wlùh sèàɛ̍.”

Wloma 1:1

Mɔ̍ Pɔɔ ɔ̀ nu̍-a Jusu Klai-a pòi̍ju-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa dǎ m iě gba̍tòà nu̍, wɛ̀ ɔ̍ tè-e ǐn pɔ̌ iě pɔ̀n chɛ̀ sɔ-a dě ɔ̍ we̍-ɛ bla̍.

Wloma 10:9

Pò ìn wɔ̌ɛn-ɛ wɛ̀ ìè ka nu̍, “Jusu bo ɔ̀ nu̍ Joi,” wɛ̀ ìè ɛ̍ tìh chɛ̀ po̍ ka Nyɔsoa sà-a ɔ̍-eɛ dǒ ìn wlùh kɛ̍n-ɛ, nɛ̀ àn mu̍ pǔh.

Wloma 14:9

Ɛ̍ kɔn tìh bo Klai mɛ̌ iě ɔ̍ wlǔh-e, wɛ̀ ɔ̍ iě kmɔ̌ nɛ nyɔ̍ ke mɛ̌-nyɔ̍-a Joi nu̍.

1 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě ɔ̍ dǎ m iě Jusu Klai-a gba̍tòà nu̍. Nɔ̌ ǐn ke à de̍di̍i̍ Sɔtɛni we̍ bo chlǐh-dɛ̍ la ɛ̍ sɔ-ɔ.

2 Kɔwlɛntiɔn 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn ke à de̍di̍i̍ Timote we̍ bo chlǐh-dɛ̍ la ɛ̍ sɔ-ɔ. À chlǐh-ɛ dě Nyɔsoa-a chɔchi̍h ɛ̀ nɛ-a dě Kɔwlɛn wlɔ̀ di̍i̍-ɛ we̍, ɛ̍ ke Nyɔsoa nyɔ̍ kli̍hgbɛ̍ ùh nɛ-a dě Akaia bloa̍ kɛ̍n-ɛ ke.

Kelesea 1:15

Jɛ iě-a wlǔh-ɛ, nɛ̀ Nyɔsoa tè-e ǐn pɔ̌ wɛ̀, nɛ̀ ɔ̍ dǎ la̍ m dě ɔ̍ blɛ nɛ-ɛ di̍i̍. Ɔ̍ pɔluh pɛ̌n i̍

Kelesea 1:17

Nyɔ̍ ùh nu̍-a Klai-a gba̍tòà dǒ ǐn jǔ-ɛ, ǐn se̍ u̍h jě la̍a̍ mu̍ dǒ Juluslɛn wlɔ̀ di̍i̍. Jɛ ǐn mu̍ dě Awlebia bloa̍ kɛ̍n suei̍, wɛ̀ ǐn ji̍ de̍ dǒ Damaɛkɔ wlɔ̀ di̍i̍.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

2 Timote 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍ dǒ kmɔ̌ kɔn wlu̍ ɔ̍ po̍-a tɔ̀ma̍a̍-a kɛ̍n dě Jusu Klai ja̍a̍.

Taitɔ 1:3

Dǒ ti̍ Nyɔsoa tba̍-ɛ di̍i̍ bo ɔ̍ sà-ɛ tɔ̀ma̍a̍ wlu̍-a chɛ̀ tà dě tu̍owli po̍-ɛ ɔ̍ nyǐ-a m-ɛ di̍i̍. Nyɔsoa ɔ̀ nu̍-a à Sèìe Nyɔ̍-ɛ, ɔ̍ bo ɔ̀ po̍ ǐn slǔh iě tu̍owli laa̍ po̍.

Iblu 13:20

Ǎn sà nǐ wɔ̍n kmɔ̌ i̍ gbe̍ɛ̍ɛn Nyɔsoa iě mɔ̀ dɛ̍ᵻ chɛ̀ kli̍hgbɛ̍ nyǐ, wɛ̀ mɔ̀ iě ɔ̍ wlùh nu̍. Ɔ̍ sà-e à Joi Jusu ɔ̀ nu̍-a Blawɛ̌ᵻ We̍ I̍ Gbɛ̀n Nyɔ̍-a wɔ̍n ku̍ naɛ ɔ̀ kɔn nymɔ̍ to-a ɛ̍ ka Nyɔsoa po̍-a ku̍o̍ kleǐnklein-ɛ. Ǎn sà nǐ wɔ̍n ke Nyɔsoa iě ɛ̍ nu̍ à iě ɔ̍ wlùh i̍ tè-e dě Jusu Klai ja̍a̍. Nɛ̀ dǒ Klai we̍ bo tìh-a i̍ bɛ̌-ɛ kɔn nɔ̌ kmɔ̌-a kmɔ̌. Kǎ ɛ̍-ɛ nɛ.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 2:8

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Smana wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ nu̍-a sàǐtòò nyɔ̍ ke bɔ̌ɛ-o nyɔ̍-ɛ we̍, ɔ̀ mɛ̌-a wɛ̀ ɔ̀ wlǔh-aeɛ.