Chɔɔn 9:7 - Ku̍o̍ Delee 1999

⁷ Iě ɔ̍ sèàɛ̍ ɔ̍ wlùh ɔ̍ iě jua̍a̍ i̍ dle la̍ mu̍ dǒ dle-wloo kɔn nynɛ̌ nu̍-a Sailowɔun-ɛ kɛ̍n. (Nynɛ̌ la ɛ̍ gbɔ̀ nu̍ Dbo̍.) Iě jɔ̍gbau mu̍ ɔ̍ dle jua̍a̍ i̍. Ɔ̍ ji̍-a de̍-ɛ, nɛ̀ ɔ̍ jě la̍ i̍.

Chɔɔn 9:7 Iomraidhean Croise

Matio 11:5

Dɔ̌-nyɔ̍-a jě la̍ i̍, klɔ-nyɔ̍-a na la̍-ɛ, wìèìdih-a nu̍ nyɔ̍ fɛ̍nɛ wɛ̀, sǔn-nyɔ̍-a wɔ̌n la̍ i̍, mɛ̌-nyɔ̍-a wlǔh la̍-e, iě pɔ̀n chɛ̀-a bla̍-ɛ la̍ dě nyɔ̍gbà nyɔ̍ we̍.

Pɔ̀n Chɛ̀ Luu To-a La 13:4

Nɛ̀ nyɔ̍-a pùè jɔ̌ mɛ̀ta̍a̍n ùh gbàsla gbǎ-a kɛ̍n dǒ Sailowɔun wlɔ̀ di̍i̍ wɛ̀ u̍h mɛ̌-aɛ, mɔ̀ jajeɛ̍ u̍h bo ùh nu̍ gblɛ̍n sɔ̀ɛ̀n nyɔ̍-a ìèke̍e̍ dǒ nyɔ̍ ùh tǐn-a dǒ Juluslɛn-ɛ kɛ̍n de ae?

Pɔ̀n Chɛ̀ Luu To-a La 2:32

Ɔ̍ bo ɔ̀ nu̍ sɔ̀npli ɔ̀ mu̍ àn tìh-a taǐn to dě ùh se̍-a Juu nyɔ̍-ɛ we̍. Wɛ̀ ɔ̍ iě àn tìh-a i̍ bɛ̌-ɛ dě àn Eslɔɛ nyɔ̍ we̍ gba̍.”

Chɔɔn 10:36

Jɛ nɛ̀ mɔ̍ jɔ Baa Nyɔsoa tè-a tɛ̌n wɛ̀ ɔ̍ dbo̍-a nɔ̌ kmɔ̌ we̍-ɛ, nɛ̀ pò na̍ mɔ̍ ɔ̍ Jǔ-ɛ, nɛ̀ dɛ̍ bo ɛ̀ nu̍ ɔ̍ wɔ̍n blaɛ dɛ ǐn nu̍ ɛ?

Chɔɔn 11:37

Jɛ u̍h-a duuh la̍a̍, “Ɛ̍ se̍ jɔ̍gbau ɔ̀ pɔ̀ni-a dɔ̌-nyɔ̍-a jlǐh-ɛ ae? Nɛ̀ ɔ̍ se̍ ɛ̍ nu̍-ɛ bɛ̌ɛ ke de wɛ̀ Laaslɔɛ-ɛ je̍e mɛ̌ ae?”

Chɔɔn 9:11

Ɔ̍ la̍a̍, “Jɔ̍gbau due u̍h-a dǎɛ-a Jusu-ɛ, ɔ̍ bo ɔ̀ pla̍ pɔlɔ̌ iě ɔ̍ tli̍ i̍h dǒ ǐn jlǐh kɛ̍ɛ̍n i̍. Wɛ̀ ɔ̍ sèàɛ̍ ǐn wlùh iě jua̍a̍ i̍ dle la̍ mu̍ dě Sailowɔun kɛ̍n. Iě ǐn mu̍ wɛ̀ ǐn dle jua̍a̍ i̍, sɔ ǎn jě la̍ i̍ sǔh.”

Chɔɔn 9:39

Jusu la̍a̍, “Ǐn ji̍-i gblɛ̍n sɔ̀ɛ̀n iě kɛ̍n nyɛ nɔ̌ kmɔ̌ we̍. Wɛ̀ dɔ̌-nyɔ̍ iě i̍ jě, iě juh-a jě-a i̍-ɛ, u̍h iě dɔ̌.”

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Wloma 8:3

Dɛ̍ ɛ̀ telě se̍-a nu̍-ɛ bɛ̌ɛ à gblɛ̍n sɔ̀ɛ̀n ku̍-a gbǐh-a mɛ̌-ɛ tìh-ɛ, ɛ̍ bo Nyɔsoa nu̍. Ɔ̍ dbo̍ ɔ̍ chɛ̀-a Jǔ dě gblɛ̍n sɔ̀ɛ̀n nu̍ nyɔ̍-a tu̍ di̍i̍ ɔ̍ iě gblɛ̍n sɔ̀ɛ̀n-a slaǎ sà-ɛ dɛ̍ nu̍. Nyɔsoa sà gblɛ̍n sɔ̀ɛ̀n kɛ̀n dě ɔ̍ Jǔ-a ku̍ laa̍ di̍i̍.

Kelesea 4:4

Jɛ ti̍-a taǐn nyni̍-a wɛ̀-ɛ, iě Nyɔsoa dbo̍ ɔ̍ Jǔ jɔ̍gbau. Nynɔ̌gbaɔ bo ɔ̀ wlǔh-i ɔ̍, iě ɔ̍ nɛ dǒ telě sɔ̀n,