Chɔɔn 9:16 - Ku̍o̍ Delee 1999

¹⁶ Fɛlesii nyɔ̍-a duuh la̍a̍, “Jɔ̍gbau la ɔ̍ se̍ dě Nyɔsoa we̍ sɔ ka̍ nɛ, dɛ̍nu̍ɛ, ɔ̍ se̍ wlè-weɛ̍ dɛ̍ɛ̍ jě.” Wɛ̀ duuh la̍a̍, “Nɛ̀ gblɛ̍n sɔ̀ɛ̀n nyɔ̍we̍ bo ɔ̀ bɛ̌ɛ ɔ̀ iě jbaɛdih kaɛn la po̍ ɛ?” Sɔ u̍h-a wlu̍ se̍ due nɛ dɛ.

Chɔɔn 9:16 Iomraidhean Croise

Matio 12:10

Ɔ̍ iě-a mu̍-ɛ, nɛ̀ jɔ̍gbau due nɛ dě gbò-a chɛ̀ sɔ̀n ɔ̍ sɔ̍n kɔ̌ i̍. Nɛ̀ nyɔ̍ duuh nɛ deě u̍h-a pɔ̀n jii la̍ i̍ u̍h iě Jusu tìh gbɛ̍n-ɛ. Wɛ̀ u̍h tèle ɔ̍ i̍ u̍h la̍a̍, “Pò ɛ̍ nu̍ wlè-weɛ̍ wɛ̀ nyɔ̍ iě nyɔ̍ pǔh-i dǒ ɛ̍ di̍i̍-ɛ, nɛ̀ ɔ̍ wa̍ telě ae?”

Matio 12:2

Jɛ Fɛlesii nyɔ̍ jě-a u̍h-ɛ, iě u̍h la̍a̍ dě Jusu we̍, “Gbɛ̀n-e, dɛ̍ àn kòà-a nu̍-aɛ, nɛ̀ u̍h-a wa̍ wlè-weɛ̍-a telě.”

Pɔ̀n Chɛ̀ Luu To-a La 13:14

Jɛ wɛɛ sà gbò-a dlǔtu gbǎ jlu̍h-u, dɛ̍nu̍ɛ, Jusu pǔh-i nyɔ̍ dǒ wlè-weɛ̍ di̍i̍. Wɛ̀ ɔ̍ la̍a̍ dě nyɔ̍ nɛ-a doǒ-ɛ we̍, “Wǐh mɛ̀o̍ bo à blě nyɔ̍ iě dbo̍ nui. Mɔ̀ ji̍ dǒ wǐh laa̍ i̍h-a due di̍i̍ mɔ̀ iě pǔh, jɛ ɛ̍ se̍ dǒ wlè-weɛ̍ di̍i̍.”

Chɔɔn 10:19

Ìh ɔ̍ bla̍-aɛ, sɔ ɛ̍ nu̍ ɛ̍ iě nyɔ̍ɔ-a wlu̍ se̍ due nɛ dɛ.

Chɔɔn 14:11

Mɔ̀ po̍ ɛ̍ tìh chɛ̀ ka ǐn nɛ-a ǐn Baa wɛ̀ ǐn Baa nɛ-a m-ɛ. Pò mɔ̀ se̍ la̍a̍n nu̍-ɛ, nɛ̀ dbo̍ la ǎn nu̍-aɛ ɛ̍ tìh bo mɔ̀ iě ǐn tìh chɛ̀ po̍.

Chɔɔn 15:24

Dbo̍ nyɔ̍ dɔɔ se̍a nu̍ pò ǐn se̍ i̍h nu̍ de nɔ̌ u̍h nynɛ̌-ɛ, nɛ̀ nyɔ̍ se̍ u̍h gblɛ̍n sɔ̀ɛ̀n nyɔ̍ slè-e mu̍ de. Jɛ kaka la̍ i̍h-i bo u̍h jě-a iě u̍h faɛn-a ǐn ke ǐn Baa.

Chɔɔn 2:11

Ɛ̀ la bo ɛ̀ nu̍ Jusu-a jbaɛdih-a sàǐtòò naɛ ɔ̍ po̍ dǒ Keina dě Kaladii bloa̍ kɛ̍n, iě ɛ̍ to ɔ̍ tìh-a i̍ bɛ̌-ɛ. Wɛ̀ ɔ̍ kòà gbaɛ ɔ̍ wlùh.

Chɔɔn 3:2

Ɔ̍-ɔ bo ɔ̀ mu̍ dě Jusu we̍ maɔ̍, iě ɔ̍ la̍a̍ dě ɔ̍ we̍, “Dlǔtu, à juo ɛ̍-ɛ mɔ̀ bo ɔ̀ nu̍ nǎ po̍ nyɔ̍ ɔ̀ sɔ dě Nyɔsoa we̍. Dɛ̍nu̍ɛ, nyɔ̍ ɔ̀ Nyɔsoa se̍-a we̍ nɛ-ɛ, nɛ̀ ɔ̍ se̍ jbaɛdih la po̍-ɛ bɛ̌ɛ.”

Chɔɔn 5:10

Wɛ̀ Juu nyɔ̍-a nyɔ̍ klaaᵻ la̍a̍ dě jɔ̍gbau ɔ̀ pǔh-aɛ we̍, “Sèàn nu̍ wlè-weɛ̍. À telě la̍ ɛ̍ se̍ i̍ slɛ̀ ìè àn slɛ kwa̍ blě.”

Chɔɔn 5:36

Jɛ ǎn sàànsi̍i̍h ǐn blě-aɛ, ɛ̍ ku̍ wɔ̍n ɛ̍ sìì Chɔɔn naɛ. Dɛ̍nu̍ɛ, dbo̍ ǐn Baa nyǐ-a m iě-a i̍ wɔ̀ ɛ̀ ǎn nu̍-a ka-ɛ, ɛ̍ bo ɛ̀ nu̍ ǎn sàànsi̍i̍h ka Baa dbo̍-a m-ɛ.

Chɔɔn 6:52

Sɔ ɛ̍ po̍ nyɔ̍gbei jlu̍h-u iě ɛ̍ feǎn dǒ u̍h wlì. U̍h la̍a̍, “Jɔ̍gbau la ka ɔ̍ mu̍ ɔ̍ ku̍ àɔ̀ nyǐ-ɛ nu̍ à iě di̍ ɛ?”

Chɔɔn 7:12

Nɛ̀ nyɔ̍ duuh-a nu̍, “Jɔ̍gbau la nyɔ̍ chɛ̀ bo.” Nɛ̀ duuh la̍a̍, “Iěe, ɔ̍ se̍ nyɔ̍ chɛ̀, ɔ̍ boe nyɔ̍ɔ i̍.” Nɛ̀ ɛ̍ wìi̍nwìi̍n bo ɛ̀ jǐ dǒ peě-a chɛ̀ kɛ̍n.

Chɔɔn 7:23

Nɛ̀ pò mɔ̀ ja la̍ jɔ̍gbauᵻ plɔ̀n po̍ dǒ wlè-weɛ̍ di̍i̍ Mose-a telě je̍e wa̍-ɛ, nɛ̀ dɛ̍nu̍ pò ǐn pǔh-i nyi̍ɔ̍ buǒ dǒ wlè-weɛ̍ di̍i̍-ɛ, wɛ̀ mɔ̀-a gbǎ-ɛ ǐn jlu̍h ɛ?

Chɔɔn 7:43

Sɔ wlu̍-a se̍ due nɛ ji̍ wlɔ̀ dě nyɔ̍ tlùgbei̍ laa̍ nynɛ̌ Jusu tìh.

Chɔɔn 9:24

Wɛ̀ u̍h dǎ-ɛ jɔ̍gbau ɔ̀ dɔ̌-a de-ɛ de̍ dɛ. U̍h la̍a̍, “Ji̍ ìè slɛ̀ɛ̀n, ka àn mu̍-a tìh-a taǐn sà da̍a Nyɔsoa jǔ-ɛ. Dɛ̍nu̍ɛ, jɔ̍gbau la ɔ̀ pɔ̀ni-a àn jlǐh-ɛ, à juo ɛ̍-ɛ gblɛ̍n sɔ̀ɛ̀n nyɔ̍ bo.”

Nu̍-dɛ̍ᵻ 14:4

Nyɔ̍ nɛ-a dǒ tùgbàwlɔ̀ laa̍ di̍i̍-ɛ, u̍h gblè-e u̍h-a chɛ̀ i̍. Fɔ̌ tǐn Juu nyɔ̍ we̍, wɛ̀ duuh tǐn Jusu-a gba̍tòà we̍.