Chɔɔn 8:2 - Ku̍o̍ Delee 1999

² Sɔ̀n sɛ̀n-aɛ, iě ɔ̍ tlùìn ɔ̍ mu̍ dě de̍ Nyɔsoa-a slaǎ sà gbò sɔ̀n, iě nyɔ̍ɔ kli̍hgbɛ̍ gbòe i̍ dǒ ɔ̍ we̍. Wɛ̀ ɔ̍ tè i̍, iě ɔ̍ po̍ u̍h nǎ.

Chɔɔn 8:2 Iomraidhean Croise

Matio 26:55

Dǒ-o bo Jusu wlu-i dě nyɔ̍ tlùgbei̍ laa̍ we̍. Ɔ̍ la̍a̍, “Ɛ̀ mɔ̀ nu̍-a plàn chlɛ̀nᵻ ke gbòmina̍ᵻ kwa̍ i̍ blě-ɛ wɛ̀ mɔ̀ ji̍-a ǐn gbɛ̍n la̍-ɛ, nɛ̀ ka nyɔ̍ la̍ mɔ̍ jlǐ-nyɔ̍-ɛ. Ka sɔ̀n-a sɛ̀n-aa, kǎ ǎn nɛ dě mɔ̀ we̍ Nyɔsoa-a slaǎ sà gbò sɔ̀n ǎn po̍ nyɔ̍ nǎ, doǒ nɔ̀ɔ̍, mɔ̀ se̍-o ǐn gbɛ̍n-ɛ.

Pɔ̀n Chɛ̀ Luu To-a La 21:37

Ka sɔ̀n-a sɛ̀n-aɛ, kǎ Jusu-a po̍ nyɔ̍ nǎ dě Nyɔsoa-a slaǎ sà gbò sɔ̀n. Jɛ pò wlù wɔ̀-ɛ, nɛ̀ ɔ̍ mu̍ pɛ̌na̍ we̍ dě Ɔle-Tu̍ᵻá Tlu̍h kɛ̍n.

Pɔ̀n Chɛ̀ Luu To-a La 21:38

Klàɛ̍we̍ gbàìn-ɛ, nɛ̀ nyɔ̍ kli̍hgbɛ̍-a mu̍ dě ɔ̍ we̍ dě slaǎ sà gbò sɔ̀n u̍h iě ɔ̍ wlu̍ wɔ̌n.

Pɔ̀n Chɛ̀ Luu To-a La 4:20

Wɛ̀ Jusu ka̍n chlǐh-dɛ̍-a chɛ̀ wɔ̍i̍n. Iě ɔ̍ nyǐ ɛ̍ nyɔ̍ ɔ̀ kɔn-a dǒ ɛ̍ dɛ we̍-ɛ, wɛ̀ ɔ̍ tè i̍. Nɛ̀ nyɔ̍ kli̍hgbɛ̍ nɛ-a dě wɛɛ sà gbò sɔ̀n-ɛ u̍h-a jlǐh nɛ klɛ̀ìn dě ɔ̍ ja̍.

Pɔ̀n Chɛ̀ Luu To-a La 5:3

Wɛ̀ Jusu gbǎ dě blǎgbè due di̍i̍, ɛ̀ Samo kɔn-aɛ. Iě ɔ̍ sèàɛ̍ Samo wlùh ɔ̍ iě ɛ̍ tǔn ɛ̍ iě gbuǔh we̍ i̍ ti̍ɛ̍ɛn wɛɛ. Wɛ̀ ɔ̍ tè i̍ dě blǎgbè di̍i̍ iě ɔ̍ po̍ nyɔ̍ nǎ.

Chɔɔn 4:34

Wɛ̀ Jusu la̍a̍, “Nyɔ̍ ɔ̀ dbo̍-a m-ɛ, ɔ̍ wlùh nu̍-ɛ ke ɔ̍ dbo̍ i̍ wɔ̀-ɛ bo ɛ̀ nu̍ ǎn di̍-dɛ̍.

Chɔɔn 8:20

Jusu iě-a ìh kli̍hgbɛ̍ la wlu-ɛ, nɛ̀ ɔ̍ po̍ nǎ dě Nyɔsoa-a slaǎ sà gbò sɔ̀n dě fɔ̌ kɔn we̍ Nyɔsoa dɛ̍ nyǐ gblòùn tè-a i̍-ɛ. Jɛ nyɔ̍ se̍ ɔ̍ gbɛ̍n, dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Chɔɔn 8:3

Dǒ u̍h nɛ wɛ̀ telě nǎ poe nyɔ̍ ke Fɛlesii nyɔ̍ ja nynɔ̌ u̍h gbɛ̍n-a dǒ nynɛ̌à nu̍ la̍-ɛ dǒ ɔ̍ we̍. Iě u̍h nyna-ɛ ɔ̍ i̍ dǒ u̍h jǔ.

Nu̍-dɛ̍ᵻ 5:21

Dɛ̍ ɛ̍ sà-aɛ bo u̍h nu̍. Sɔ̀n sɛ̀n-a, wɛ̀ u̍h pa̍ dě slaǎ sà gbò sɔ̀n u̍h-a po̍ nyɔ̍ nǎ. Wɛ̀ slaǎ sà nyɔ̍ klaa ke ɔ̍-ɔ naɛ nyɔ̍ ji̍. Iě u̍h dǎ taɔ pa̍ nyɔ̍ ke Eslɔɛ-a nyɔ̍ klaaᵻ kli̍hgbɛ̍ iě u̍h gbèɛ̀ɛn. Wɛ̀ u̍h dbo̍ wlu̍ dě kasoo u̍h iě gba̍tòà laa̍ ja.