Chɔɔn 8:12 - Ku̍o̍ Delee 1999

¹² Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Chɔɔn 8:12 Iomraidhean Croise

Matio 5:14

“Mɔ̀ɔ̍ bo ùh nu̍ sɔ̀npli dǒ kmɔ̌ kli̍hgbɛ̍ we̍. Tùgbàwlɔ̀ u̍h poe-a dǒ tlu̍h kɛ̍n-ɛ, ɛ̍-ɛ sìle.

Pɔ̀n Chɛ̀ Luu To-a La 2:32

Ɔ̍ bo ɔ̀ nu̍ sɔ̀npli ɔ̀ mu̍ àn tìh-a taǐn to dě ùh se̍-a Juu nyɔ̍-ɛ we̍. Wɛ̀ ɔ̍ iě àn tìh-a i̍ bɛ̌-ɛ dě àn Eslɔɛ nyɔ̍ we̍ gba̍.”

Chɔɔn 12:35

Iě Jusu la̍a̍ dě u̍h we̍, “Sɔ̀npli-a mu̍ da̍a mɔ̀ we̍ nɛ ke̍ dǒ ti̍ gbɔ̍ di̍i̍. Mɔ̀ na duedɛ ka mɔ̀ blě-a sɔ̀npli ke̍-ɛ, wɛ̀ wlù-u je̍e mɔ̀ wɔ̀-ɛ. Nyɔ̍ ɔ̀ na-ɛa dě kwile-ɛ, tà ɔ̍ mu̍-aɛ, nɛ̀ ɔ̍-ɔ jě-o i̍.

Chɔɔn 12:36

Ka mɔ̀ blě-a sɔ̀npli ke̍-ɛ, mɔ̀ gbaɛ ɛ̍ wlùh duedɛ, wɛ̀ mɔ̀ iě ɛ̍ nynuu̍ nu̍.” Jusu wɔ̀-a wlu-ɛɛ, iě ɔ̍ sɔ dě u̍h nynɛ̌, wɛ̀ ɔ̍ sìle ɔ̍ chɛ̀.

Chɔɔn 12:46

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Chɔɔn 14:6

Jusu la̍a̍ dě ɔ̍ we̍, “Mɔ̍ bo ɔ̀ nu̍ wìè, ɔ̀ nu̍ tìh-a taǐn, ɛ̍ ke feɛ ke. Nyɔ̍ se̍ dě ǐn ja̍a̍ jii-ɛ, nɛ̀ ɔ̍-ɔ mu̍ dě ǐn Baa we̍.

Chɔɔn 3:19

Ɛ̀ mu̍-a tìh-a gbɛ̍n-ɛ blě-ɛ, ɛ̍-ɛ la. Sɔ̀npli ji̍ nɔ̌ kmɔ̌ we̍, jɛ nyɔ̍ɔ jbɛɛ kwile-e iě u̍h se̍ sɔ̀npli-i jbɛɛ. Dɛ̍nu̍ɛ, u̍h-a nu̍ dɛ̍ᵻ sɔ̀nᵻ.

Chɔɔn 7:17

Nyɔ̍-o-nyɔ̍ ɔ̀ pɔ̀n-a Nyɔsoa-a wlùh nu̍-ɛ i̍-ɛ, nɛ̀ pò ǎn nǎ po̍-ɛ sɔ dě Nyɔsoa we̍ o, iě pò ǐn ja nyɔ̍ nǎ po̍ dǒ ǎn chɛ̀-a sɔ̍n kɛ̍n-ɛ, nɛ̀ ɔ̍ mu̍ ɛ̍ juo.

Chɔɔn 9:5

Ka ǐn nɛ-a nɔ̌ kmɔ̌ we̍-ɛ, nɛ̀ mɔ̍ bo ɔ̀ nyǐ kmɔ̌ la sɔ̀npli.”

Nu̍-dɛ̍ᵻ 13:47

Dɛ̍nu̍ɛ, ɛ̀ la bo Joi sèàɛ̍ àɔ̀ wlùh, ɔ̍ la̍a̍, ‘Mɔ̀ bo ǐn nu̍ sɔ̀npli we̍i̍ dǒ ùh se̍-a Juu nyɔ̍-ɛ we̍ wɛ̀ ìè kmɔ̌ kli̍hgbɛ̍ la pǔh-ɛ we̍ ja.’ ”

Nu̍-dɛ̍ᵻ 26:23

Ka Nyɔsoa-a Chèɛ̀ Tba̍ju-a mu̍-a jua̍i̍ sàɛ̀, wɛ̀ ɔ̍ iě-a sàǐtòò nyɔ̍ nu̍ ɔ̍ iě-ae wlǔh, wɛ̀ ɔ̍ iě-a sɔ̀npli-a tìh we̍i̍ bla̍ dě ɔ̍ chɛ̀-a nyɔ̍ ke ùh se̍-a Juu nyɔ̍-ɛ we̍-ɛ, i̍h bo ǎn bla̍ ke.”

2 Pitɛ 2:17

Nyɔ̍ la u̍h wɔ̀ kao̍dluᵻ ìh se̍-a nǐ blě-ɛ, ɛ̍ ke nǐgbanᵻ ìh tìlèè poɔ-a gba̍-aɛ ke. Nyɔsoa po̍ kwile puo gba̍a̍ wɛ̀ dǒ u̍h we̍.

2 Pitɛ 2:4

Nyɔsoa bo ɔ̀ gbɛ̍n ɔ̍ chɛ̀-a ǐnchɔ̀ nu̍-a gblɛ̍n sɔ̀ɛ̀n-ɛ kàn. Wɛ̀ ɔ̍ po̍ i̍h dě kàn nɛ̍ di̍i̍ dě biě jlu̍jlu̍ di̍i̍ i̍h iě-e nɛ te̍e̍ wɛ̀ sàwi̍h sì ti̍ iě nyni̍.

1 Chɔɔn 1:6

Pò à la̍ ɔ̍ ke à nɛ̍aɛ la̍ we̍ wɛ̀ à iě dě kwile-e na-ɛ ke̍ ma̍u̍-ɛ, nɛ̀ à tmɔ̌ si̍h, iě à-a jě tìh-a taǐn dɛ̍ɛ̍.

Judi 1:13

U̍h wɔ̀ jbǒ-a je̍ɔ̍ dǒ ìh-a tè-a feɔn mlǎ i̍-ɛ, kǎ u̍h nu̍ mlɔ̌ dǒ jua̍a̍ i̍ tè-ɛ. Chǔhtlɛ̀n poɔ blě-a wlɛ̌ jǔ ìh kɔn tè la̍ Nyɔsoa po̍-a gba̍a̍ dě kwile gbeu di̍i̍ nɔ̌ kmɔ̌-a kmɔ̌-ɛ, i̍h bo u̍h wɔ̀.

Judi 1:6

Kǎ ɛ̍ nɛ ke dǒ Nyɔsoa-a ǐnchɔ̀ we̍. Gbǐh jɛ kɔn-a dǒ i̍h we̍-ɛ, i̍h se̍ ɛ̍ kɛ̍n i̍ gbɛ̍n iě i̍h-a tàn kòi̍h. Ɛ̍ kɔn ɔ̍ po̍ i̍h jɔɔ ìh se̍-a chɛn la̍ kɔn-ɛ bu̍hᵻ i̍. Wɛ̀ ɔ̍ tèè i̍h dě kwile gbeu di̍i̍ i̍ te̍e̍, wɛ̀ sàwi̍h sì weɛ̍ ɛ̀ ku̍-a wɔ̍n-ɛ ɛ̍ iě ji̍.

Wlɛfeleseɔn 21:24

Wlɔ̀ la ɛ̍ sɔ̀npli bo bloa̍ kli̍hgbɛ̍-a mu̍ we̍ na, wɛ̀ kmɔ̌-a blǔh baaᵻ iě u̍h-a pàn-a dǒ ɛ̍ di̍i̍ gba̍.