Chɔɔn 7:6 - Ku̍o̍ Delee 1999

⁶ Jusu la̍a̍ dě u̍h we̍, “Ǎn ti̍ se̍-o nyni̍ ke̍. Mɔ̀ɔ̍ nɔ̀ɔ̍, mɔ̀-a blě ti̍ ma̍u̍.

Chɔɔn 7:6 Iomraidhean Croise

Matio 26:18

Wɛ̀ ɔ̍ la̍a̍, “Mɔ̀ mu̍ dě tùgbàwlɔ̀ di̍i̍. Jɔ̍gbau due nɛ-a deě-ɛ, mɔ̀ sèàɛ̍ ɔ̍ wlùh. Mɔ̀ la̍a̍, ‘À dlǔtu la̍ ɔ̍ ti̍ kɔǎn we̍ wɛ̀, ɔ̍ ke ɔ̍ kòà-a ji̍ Sììkɛ̍n-a Peě blě la̍-a nɔ̌ ìn blǐ gbò.’ ”

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 17:1

Ti̍ Jusu wɔ̀-a wlu̍ la bla̍-aɛ, wɛ̀ ɔ̍ gbɛ̀n dě ja̍i̍wlɔ̀ iě ɔ̍ la̍a̍, “Baa, ti̍ nyni̍ wɛ̀, bɛ̌-ɛ àn Jǔ-a nynɛ̌ i̍, wɛ̀ Jǔ iě àn nynɛ̌ i̍ bɛ̌-ɛ ke.

Chɔɔn 2:4

Jusu la̍a̍, “Nynɔ̌ chɛ̀, tǎli ǐn i̍ sǔh, ǎn dɛ̍ nu̍ ti̍ se̍-o nyni̍ ke̍.”

Chɔɔn 7:30

Sɔ u̍h-a fɔ̀n la̍ dɛ̍ we̍ sǔh u̍h iě ɔ̍ gbɛ̍n, jɛ nyɔ̍ se̍ ɔ̍ sɔ̍n ja̍ po̍. Dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Chɔɔn 7:8

Mɔ̀ɔ̍ bo ùh iě peě la kɛ̍n mu̍. Mɔ̍ɔ, ǐn se̍ ɛ̍ kɛ̍n mu̍ mu̍, dɛ̍nu̍ɛ, ǎn dɛ̍ nu̍ ti̍ se̍-o nyni̍ ke̍ chɛ̀ka.”

Chɔɔn 8:20

Jusu iě-a ìh kli̍hgbɛ̍ la wlu-ɛ, nɛ̀ ɔ̍ po̍ nǎ dě Nyɔsoa-a slaǎ sà gbò sɔ̀n dě fɔ̌ kɔn we̍ Nyɔsoa dɛ̍ nyǐ gblòùn tè-a i̍-ɛ. Jɛ nyɔ̍ se̍ ɔ̍ gbɛ̍n, dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Nu̍-dɛ̍ᵻ 1:7

Jusu la̍a̍ dě u̍h we̍, “Nɔɔ ke ti̍ la ǐn Baa chɛ̍n-a dǒ ɔ̍ chɛ̀-a tùn we̍-ɛ, mɔ̀ se̍ i̍h nɔ̀ɔ̍ juo mu̍.