Chɔɔn 7:16 - Ku̍o̍ Delee 1999

¹⁶ Wɛ̀ Jusu la̍a̍, “Nǎ ǎn po̍-aɛ, ǐn se̍ ɛ̍ kɔn. Ɛ̍ sɔ dě nyɔ̍ ɔ̀ dbo̍-a m-ɛ we̍.

Chɔɔn 7:16 Iomraidhean Croise

Chɔɔn 14:10

Ka ǐn nɛ-a ǐn Baa wɛ̀ ǐn Baa nɛ-a m-ɛ, ìn se̍ ɛ̍ tìh chɛ̀ po̍ ae? Wlu̍ ǎn wlu-ia dě mɔ̀ we̍-ɛ, ɛ̍ se̍ ǎn chɛ̀-a gbǐh ǐn se̍-e wlu-i. Jɛ Baa ɔ̀ nɛ-a dě ǐn ja̍a̍-ɛ, ɔ̍ bo ɔ̀ nu̍ ɔ̍ dbo̍.

Chɔɔn 14:24

Nyɔ̍ jɔ se̍-a ǐn jbɛɛ-ɛ, nɛ̀ ɔ̍-ɔ nu̍ ǎn wlu̍. Wlu̍ la mɔ̀-a wɔ̌n-aɛ, ɛ̍ se̍ ǎn chɛ̀-a wlu̍, jɛ ɛ̍ sɔ dě Baa ɔ̀ dbo̍-a m-ɛ we̍.

Chɔɔn 17:14

Ǐn po̍ àn tu̍owli wɛ̀ dě u̍h we̍, iě kmɔ̌ faɛn u̍h ka. Dɛ̍nu̍ɛ, ɛ̀ kɔn ba̍ ǐn se̍-a dǒ kmɔ̌ we̍ kɔn-ɛ, kǎ u̍h nɛ wɛ̀ ke.

Chɔɔn 17:8

Tu̍owli ìn nyǐ-a m-ɛ, ǐn po̍ i̍h dě u̍h we̍, wɛ̀ u̍h gbɛ̍n i̍h i̍. Dě ìn we̍ bo ǐn sɔ-ɔ, iě u̍h juo ɛ̍ ka ɛ̍ nu̍-a tìh-a taǐn-ɛ. Ka ìn dbo̍-a m-ɛ, iě u̍h po̍ ɛ̍ tìh chɛ̀.

Chɔɔn 3:11

Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍.

Chɔɔn 3:31

Nyɔ̍ ɔ̀ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì. Nɛ̀ nyɔ̍ ɔ̀ sɔ-a nɔ̌ bloɔ̍-ɛ, ɔ̍ kɔn nɔ̌ bloɔ̍ iě ɔ̍ wlu nɔ̌ bloɔ̍ nɛ dɛ̍. Jɔ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì.

Chɔɔn 5:30

“Ǐn se̍ dɛ̍ nu̍-ɛ bɛ̌ɛ dǒ ǎn chɛ̀-a gbǐh we̍. Dɛ̍ ǐn wɔ̌n-a dě Baa wɔ̍ɔ̍n-ɛ, ɛ̍ bo ǎn chɛ̍n-ɛ tìh i̍, nɛ̀ ǎn tìh i̍ chɛ̍n-ɛ bo ɛ̀ slɛ̌ i̍. Dɛ̍nu̍ɛ, ǎn chɛ̀-a wlùh i̍ pɛ̌n-ɛ tìh se̍ ǐn i̍ gbɛ̍n, jɛ nyɔ̍ dbo̍-a m-ɛ, ɔ̍ wlùh-a i̍ pɛ̌n-ɛ tìh bo ɛ̀ gbɛ̍n ǐn i̍.

Chɔɔn 6:44

Nyɔ̍ se̍ bɛ̌ɛ ɔ̍ iě ǐn we̍ ji̍. Ǐn Baa ɔ̀ dbo̍-a m-ɛ, nyɔ̍ ɔ̍ mu̍-a ǐn we̍ ja-a, ɔ̍ kɔn tɛ̀ ǐn sà-o. Nɛ̀ ǎn mu̍ ɔ̍ bloɔ̍ sà dǒ bɔ̌ɛ-o weɛ̍ di̍i̍.

Chɔɔn 8:28

Wɛ̀ Jusu la̍a̍, “Pò mɔ̀ pèle Nyi̍ɔ̍-a Jǔ ja̍i̍ dǒ tu̍ wlì-ɛ, nɛ̀ mɔ̀-a mu̍ ɛ̍ juo ka ‘Mɔ̍ bo ɔ̀ nu̍-a Ɔ̍-ɛ.’ Nɛ̌ nu̍ dɛ̍ dǒ ǎn chɛ̀-a gbǐh we̍, jɛ dɛ̍ ǐn Baa poe-a ǐn nǎ-ɛ, ɛ̍ bo ǎn bla̍.

2 Chɔɔn 1:9

Nyɔ̍ jɔ se̍-a dǒ Klai-a nǎ po̍ wlu̍ de̍e̍ wɔ̀ wɛ̀ ɔ̍ tàn-ɛa ɛ̍ kɛ̍n-ɛ, nɛ̀ ɔ̍ tba̍ Nyɔsoa chla. Jɛ nyɔ̍ ɔ̀ nɛ-a dǒ ɔ̍ nǎ po̍-ɛ de̍e̍-ɛ, nɛ̀ Baa Nyɔsoa ke ɔ̍ Jǔ-a tìh bo ɔ̍ wɔ̌ɛn-ɛ.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.