Chɔɔn 7:12 - Ku̍o̍ Delee 1999

¹² Nɛ̀ nyɔ̍ duuh-a nu̍, “Jɔ̍gbau la nyɔ̍ chɛ̀ bo.” Nɛ̀ duuh la̍a̍, “Iěe, ɔ̍ se̍ nyɔ̍ chɛ̀, ɔ̍ boe nyɔ̍ɔ i̍.” Nɛ̀ ɛ̍ wìi̍nwìi̍n bo ɛ̀ jǐ dǒ peě-a chɛ̀ kɛ̍n.

Chɔɔn 7:12 Iomraidhean Croise

Matio 10:25

Ɛ̍ mu̍ i̍ blaɛ sǔh sùku̍u̍ jǔ iě ɔ̍ nǎ po̍ nyɔ̍ wɔ̀, wɛ̀ pòi̍ju iě ɔ̍ dlǔtu wɔ̀. Nyɔ̍ ɔ̀ nu̍-a gbò-a dlǔtu-ɛ, pò u̍h ja ɔ̍ jeědih-a dlǔtu Biɛsibo dǎɛ-ɛ, nɛ̀ à ji̍ gbò kli̍hgbɛ̍-a chɛ̀ jě lě.”

Matio 21:46

Sɔ u̍h-a pɔ̀n jii la̍ i̍ u̍h iě ɔ̍ gbɛ̍n, jɛ u̍h-a ple̍ nyɔ̍ tlùgbei̍ laa̍ jǔ. Dɛ̍nu̍ɛ, nyɔ̍gbei slè-e ɔ̍ Nyɔsoa-a tu̍owli po̍ nyɔ̍.

Matio 27:63

U̍h la̍a̍, “Nyɔ̍ klaa, si̍h tmɔ̌-dɛ̍ laa̍ ti̍ ɔ̍ nɛ-a kmɔ̌-ɛ, ɔ̍ la̍ pò ɔ̍ mɛ̌-ɛ, wǐh ta̍a̍n sì-ɛ, nɛ̀ ɔ̍ mu̍-e wlǔh dode̍. I̍h bo ìh sǐ dǒ à wlì i̍, ɛ̍ kɔn à ji̍ nɔ̌ ìn we̍,

Pɔ̀n Chɛ̀ Luu To-a La 18:19

Iě Jusu la̍a̍ dě ɔ̍ we̍, “Dɛ̍nu̍ àn dǎɛ ǐn nyɔ̍ chɛ̀ ɛ? Nyɔ̍ chɛ̀ dɔɔ se̍ nɛ, Nyɔsoa due gbài̍ bo ɔ̀ nu̍ nyɔ̍ chɛ̀.

Pɔ̀n Chɛ̀ Luu To-a La 23:47

Wloma nyɔ̍-a fledlǔ-a chape jě-a dɛ̍ ɛ̀ nɛ-aɛ, iě ɔ̍ po̍ Nyɔsoa tìhwe̍. Ɔ̍ la̍a̍, “Jɔ̍gbau la, i̍-i slɛ̌-nyɔ̍ bo chɛ̀.”

Pɔ̀n Chɛ̀ Luu To-a La 23:50

Jɔ̍gbau due bo, ɔ̍ nynɛ̌ nu̍ Josɛ. Ɔ̍ sɔ dǒ Juu-a wlɔ̀ kɔn nynɛ̌ nu̍-a Awlematia-ɛ di̍i̍. Ɔ̍ nu̍ Juu nyɔ̍-a taɔ klaaᵻá due, iě ɔ̍ nu̍ nyɔ̍ chɛ̀, ɔ̍ gblɛ̍n slɛ̌ i̍.

Pɔ̀n Chɛ̀ Luu To-a La 6:45

Dě nyɔ̍ chɛ̀ ja̍a̍ bo dɛ̍ chɛ̀-a sɔ-ɛ, dɛ̍nu̍ɛ, dɛ̍ chɛ̀ bo ɔ̍ naɛ wlùh i̍. Nɛ̀ dě nyɔ̍ sɔ̀n ja̍a̍ bo dɛ̍ sɔ̀n-a sɔ-ɛ, dɛ̍nu̍ɛ, dɛ̍ sɔ̀n bo ɔ̍ naɛ wlùh i̍. Dɛ̍nu̍ɛ, dɛ̍ ɛ̀ nɛ-a dě nyɔ̍ wlùh di̍i̍-ɛ, ɛ̍ bo ɔ̍ wɔ̍n-a sà-a.

Pɔ̀n Chɛ̀ Luu To-a La 7:16

Sɔ ɛ̍ po̍ nyɔ̍ kli̍hgbɛ̍ faɔn, iě u̍h-a po̍ Nyɔsoa tìhwe̍. U̍h la̍a̍, “Nyɔsoa-a tu̍owli po̍ nyɔ̍-a wɔ̍n ku̍ naɛ wlǔh tà wɛ̀ nɔ̌ àɔ̀ nynɛ̌. Nyɔsoa ji̍ wɛ̀ ɔ̍ iě ɔ̍ nyɔ̍ pǔh-i.”

Chɔɔn 6:14

Nyɔ̍ laa̍ u̍h jě-a jbaɛdih la Jusu po̍-aɛ, wɛ̀ u̍h la̍a̍, “À po̍ ɛ̍ tìh chɛ̀, ɔ̀ la, Nyɔsoa-a tu̍owli po̍ nyɔ̍ ɔ̀ kɔn ɔ̀ iě-a nɔ̌ kmɔ̌ we̍ ji̍-ɛ, ɔ̍-ɔ bo.”

Chɔɔn 7:32

Wɛ̀ Fɛlesii nyɔ̍-a nyɔ̍ duuh wɔ̌n dɛ̍ nyɔ̍gbei-a bla̍-a dǒ Jusu pùn-ɛ. Ɛ̍ kɔn u̍h ke Nyɔsoa-a slaǎ sà nyɔ̍ klaaᵻ dbo̍ slaǎ sà gbò kɛ̍ɛ̍n fuo nyɔ̍ u̍h iě ɔ̍ gbɛ̍n.

Chɔɔn 7:47

Wɛ̀ Fɛlesii nyɔ̍ la̍a̍, “Iě nɛ̀ ɔ̍ boe mɔ̀ i̍ wɛ̀ ke lě.

Chɔɔn 7:52

Iě u̍h la̍a̍ dě ɔ̍ we̍, “Àn chɛ̀ la, Kaladii bo ìn sɔ ke ae? Gbɛ̀n dě Nyɔsoa-a wlu̍ di̍i̍ ìè jě ka Nyɔsoa-a tu̍owli po̍ nyɔ̍ se̍-a dě Kaladii sɔ mu̍-ɛ.”

Chɔɔn 9:16

Fɛlesii nyɔ̍-a duuh la̍a̍, “Jɔ̍gbau la ɔ̍ se̍ dě Nyɔsoa we̍ sɔ ka̍ nɛ, dɛ̍nu̍ɛ, ɔ̍ se̍ wlè-weɛ̍ dɛ̍ɛ̍ jě.” Wɛ̀ duuh la̍a̍, “Nɛ̀ gblɛ̍n sɔ̀ɛ̀n nyɔ̍we̍ bo ɔ̀ bɛ̌ɛ ɔ̀ iě jbaɛdih kaɛn la po̍ ɛ?” Sɔ u̍h-a wlu̍ se̍ due nɛ dɛ.

Nu̍-dɛ̍ᵻ 11:24

Banaba nu̍ nyɔ̍ chɛ̀, iě Nyɔsoa-a Sùù ke wlùh gbaɛ-ɛ jǐ dě ɔ̍ ku̍u̍. Ɛ̍ nu̍ ɛ̍ nyɔ̍ tlùgbei̍ ji̍ Joi we̍.

Wloma 5:7

Ɛ̍ kma i̍ nyɔ̍ iě mɛ̌ i̍ slɛ̌-nyɔ̍-a tìh, jɛ pò ɛ̍ tù nyɔ̍ chɛ̀-a tìh-ɛ, nyɔ̍-se̍-juo nɛ̀ nyɔ̍-a mu̍ wɔ̌n ɔ̍ iě mɛ̌ nyɔ̍ chɛ̀ nyɔ̍-a tìh.

Felepai 2:14

Dɛ̍ᵻ kli̍hgbɛ̍ mɔ̀-a mu̍-a nu̍-ɛ, mɔ̀ bɔ̌ ɛ̍ dɛ̍ᵻ jlǐh we̍ i̍ gba̍-a ke wɔ̍ɔ̍n i̍ sà-a nui-ɛ.