Chɔɔn 7:1 - Ku̍o̍ Delee 1999

¹ Ɛ̀ la ɛ̍ sì-a i̍-ɛ, nɛ̀ dǒ Kaladii bloa̍ kɛ̍n nɛ due bo Jusu-a ple̍ la̍ i̍ sǔh. Nɛ̀ ɔ̍ se̍ pɔ̀n ɔ̍ iě dě Judia bloa̍ kɛ̍n mu̍, dɛ̍nu̍ɛ, Juu nyɔ̍-a nyɔ̍ klaaᵻ nɛ-a deě-ɛ, u̍h-a pɔ̀n ɔ̍ dbǎ-a i̍.

Chɔɔn 7:1 Iomraidhean Croise

Matio 10:23

Pò u̍h ja mɔ̀ klě jěe dǒ tà jɛ-ɛ, nɛ̀ mɔ̀ ple̍ mɔ̀ iě tàdɔ̀ɔ̀ mu̍. Tìh-a taǐn ǎn sèàɛ̍ mɔ̀ wlùh, mɔ̀ se̍ dbo̍ la i̍ wɔ̀ mu̍ dě Eslɔɛ nyɔ̍-a wlɔ̀ᵻ gbàɛ̀ kli̍hgbɛ̍ di̍i̍ i̍ wɛ̀ Nyi̍ɔ̍-a Jǔ iě ji̍.

Matio 21:38

Jɛ klè i̍ gbɛ̍n nyɔ̍ jě-a jǔ laa̍-ɛ, iě u̍h la̍a̍, ‘Ɔ̍ tèwlìɛ̍ bo ɔ̀ ji̍-a dě de̍à. Mɔ̀ ji̍ à iě ɔ̍ dbǎ, nɛ̀ kɔn-dɛ̍ᵻ la i̍h-a mu̍ à i̍ wɛ̀ɛ̀.’

Pɔ̀n Chɛ̀ Maɛ To-a La 11:18

Wɛ̀ Nyɔsoa-a slaǎ sà nyɔ̍ klaaᵻ ke telě nǎ poe nyɔ̍-a wɔ̌n ɛ̍ pɔ̀n, iě faɔn-a nu̍ u̍h. Dɛ̍nu̍ɛ, ɔ̍ naɛ nǎ po̍-ɛa wlǔh i̍ nyɔ̍ tlùgbei̍ de̍e̍. Ɛ̍ kɔn u̍h-a pɔ̀n jiila̍ u̍h iě ɔ̍ dbǎ.

Chɔɔn 1:19

Dǒ ti̍ laa̍ di̍i̍-ɛ, iě Juu nyɔ̍-a nyɔ̍ klaaᵻ nɛ-a dǒ Juluslɛn wlɔ̀ di̍i̍-ɛ, u̍h dbo̍ Nyɔsoa-a slaǎ sà nyɔ̍ ke Liifaɛ nynuu̍ dě Chɔɔn we̍, u̍h iě ɔ̍ i̍ tèle-ɛ ka dǎ, “Mɔ̀ nyɔ̍we̍ ɛ?” Ɔ̍ se̍ ɛ̍-ɛ nynii ke, iě ɔ̍ sà u̍h-a wlu̍ pɔ̀n we̍. Ɔ̍ flɔn-ɛ ɛ̍ we̍i̍, ɔ̍ la̍a̍, “Ǐn se̍ Nyɔsoa-a Chèɛ̀ Tba̍ju.”

Chɔɔn 4:3

Ɔ̍ wɔ̌n-a ìh la-ɛ, iě ɔ̍ sɔ dě Judia fɔɔ, wɛ̀ ɔ̍ mu̍ de̍ Kaladii fɔɔ.

Chɔɔn 4:54

Jusu-a sɔ Judia mu̍ dě Kaladii fɔɔ ìè jbaɛdih po̍-a gbɔ̍ᵻ sɔɔ̌n naɛ la.

Chɔɔn 6:1

Ɛ̀ la ɛ̍ sì-a i̍-ɛ, iě pɛ̍nu̍ klaa ɛ̀ nɛ-a dě Kaladii fɔɔ-ɛ, wɛ̀ Jusu mu̍ dě ɛ̍ fɔ̌ dɛɛ we̍. (Ɛ̍ nynɛ̌ diih nu̍ Taɛbiwlia Pɛ̍nu̍.)

Chɔɔn 7:11

Nɛ̀ Juu nyɔ̍-a nyɔ̍ klaaᵻá pɔ̀n ɔ̍ i̍ dǒ peě laa̍ kɛ̍n. Nɛ̀ u̍h-a nu̍, “Tà ɔ̍ nɛ-ɛ o?”

Chɔɔn 7:13

Jɛ u̍h-a ple̍ Juu nyɔ̍-a nyɔ̍ klaaᵻ jǔ, sɔ u̍h se̍ ɔ̍ nynɛ̌ wlɔ̀-ɔ po̍.

Chɔɔn 7:19

Na̍ Mose nyǐ mɔ̀ telě lě. Jɛ mɔ̀-a due-a chɛ̀ bo ɔ̀ se̍ ɛ̍ dɛ̍ɛ̍ jě. Dɛ̍nu̍ mɔ̀-a pɔ̀n ǐn dbǎ-a i̍ ɛ?”

Chɔɔn 7:25

Wɛ̀ Juluslɛn nyɔ̍ duuh la̍a̍, “Jɔ̍gbau u̍h-a pɔ̀n-a dbǎ-a i̍-ɛ, ɛ̍ se̍ ɔ̀ la ae?

Chɔɔn 7:35

Iě Juu nyɔ̍-a nyɔ̍ klaaᵻá sǔh-a pu̍e̍e ɛ̍ wɔ̍ɔ̍n i̍, u̍h la̍a̍, “Nɛ̀ tà jɔ̍gbau la ɔ̍ pɔ̀n mu̍-ɛ i̍ iě à se̍ ɔ̍ jě-ɛ bɛ̌ɛ mu̍ ɛ? Dě Klii bloa̍ kɛ̍n tà Juu nyɔ̍ nɛ-aɛ, dě ɔ̍ pɔ̀n mu̍-ɛ i̍ wɛ̀ ɔ̍ iě Klii nyɔ̍ nǎ po̍ ae?

Chɔɔn 8:37

Ǐn juo ka mɔ̀ nu̍-a Eblaɛɛn-a nynuu̍-ɛ, jɛ mɔ̀-a pɔ̀n ǐn dbǎ-a i̍. Dɛ̍nu̍ɛ, mɔ̀ se̍ ǎn nǎ po̍ wlu̍ i̍ gbɛ̍n.

Chɔɔn 8:40

Tìh-a taǐn ǐn wɔ̌n-a dě Nyɔsoa we̍-ɛ, ɛ̍ bo ǐn sèàɛ̍ mɔ̀ wlùh. Jɛ mɔ̀-a pɔ̀n ǐn dbǎ-a i̍. Ìh la mɔ̀-a nu̍-aɛ, Eblaɛɛn se̍ i̍h nu̍.

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.