2 Iě nyɔ̍ tlùgbei̍ wɔ̀ dǒ ɔ̍ de̍e̍, dɛ̍nu̍ɛ, u̍h jě jbaɛdih ɔ̍ po̍-a dǒ wɛ̌ᵻ nyɔ̍ pùn-ɛ.
Jɛ Jusu juo-ao dɛ̍ i̍-ɛ, iě ɔ̍ wlǔh-i gbààn ɔ̍ sɔ dǒ tà-a chɛ̀. Wɛ̀ nyɔ̍ dɔu wɔ̀ dǒ ɔ̍ de̍e̍, iě ɔ̍ bɔ̌-ɛ u̍h-a wɛ̌ᵻ kli̍hgbɛ̍.
Sɔ nyɔ̍ tlùgbei̍ gbǎ tàdùè dǒ ɔ̍ we̍, iě u̍h dlɛ̌ ɔ̍. Ɛ̍ nu̍ ɛ̍ iě ɔ̍ gbǎ dě blǎgbè di̍i̍ ɔ̍ tè i̍. Wɛ̀ nyɔ̍gbei laa̍ u̍h nyna i̍ dǒ gbuǔh kɛ̍n.
Jusu sɔ-a dě blǎgbè di̍i̍ ka-ɛ, ɔ̍ jě nyɔ̍ tlùgbei̍ laa̍. Sɔ u̍h-a po̍ ɔ̍ wɔɛ kaa̍, wɛ̀ ɔ̍ bɔ̌-ɛ u̍h-a wɛ̌ᵻ.
Ti̍ Jusu-a sɔ-a la̍ dě tlu̍h kɛ̍n-ɛ, nɛ̀ nyɔ̍ tlùgbei̍ wɔ̀ dǒ ɔ̍ de̍e̍.
Jɛ ɔ̍ mu̍-aɛ, iě ɔ̍ sèàɛ̍ nyɔ̍ kli̍hgbɛ̍ wlùh, iě pɔ̀n laa̍ ɛ̍ sɛ̍ i̍. Sɔ ɛ̍ nu̍ ɛ̍ Jusu-u nyɛ-ɛ ɔ̍ chɛ̀ i̍ dɛ wlɔ̀ᵻ di̍i̍ i̍. Jɛ nɛ̀ tà nɛ̌-a i̍-ɛ bo ɔ̍ nɛ la̍ sǔh. Nɛ̀ kǎ nyɔ̍gbei-a sɔ di̍i̍h i̍ u̍h-a mu̍ dě ɔ̍ we̍.
Jɛ nyɔ̍ dɔu juo Jusu ke ɔ̍ kòà i̍ dǒ u̍h-a mu̍ la̍. Wɛ̀ nyɔ̍ɔ sɔ wlɔ̀ᵻ kli̍hgbɛ̍ di̍i̍ i̍, iě u̍h blě bloɔ̍ i̍ na-a u̍h gba̍ ple̍-ɛ, wɛ̀ u̍h chɛ̍n u̍h jǔ.
Ɛ̍ bo ɛ̀ nu̍ ɛ̍ wɛ̀ Fɛlesii nyɔ̍ ke slaǎ sà nyɔ̍ klaaᵻ deǎɛ Juu nyɔ̍-a taɔ klaaᵻ. U̍h la̍a̍, “Ɛ̀ jɔ̍gbau la ɔ̍ nu̍-a ka jbaɛdih dɔu po̍-ɛɛ, nɛ̀ dɛ̍we̍ à iě nu̍ ɛ?
Jbaɛdih la ɔ̍ po̍-aɛ, ɛ̍ pɔ̀n bo nyɔ̍ɔ wɔ̌n. Ɛ̍ kɔn nyɔ̍ tlùgbei̍ mu̍ ɔ̍ i̍ jǎɛ la̍.
Dǒ u̍h jlǐhwai bo ɔ̍ poe jbaɛdih dɔu la gbàkla̍a̍, jɛ u̍h se̍ ɔ̍ wlùh gbaɛ.
Ɛ̀ la bo ɛ̀ nu̍ Jusu-a jbaɛdih-a sàǐtòò naɛ ɔ̍ po̍ dǒ Keina dě Kaladii bloa̍ kɛ̍n, iě ɛ̍ to ɔ̍ tìh-a i̍ bɛ̌-ɛ. Wɛ̀ ɔ̍ kòà gbaɛ ɔ̍ wlùh.
Ti̍ Jusu nɛ-a Juluslɛn dǒ Sììkɛ̍n Weɛ̍-a Peě tù ti̍ we̍-ɛ, jbaɛdih ɔ̍ po̍-aɛ bo nyɔ̍ dɔu jě iě u̍h gbaɛ ɔ̍ wlùh.
Jusu po̍ jbaɛdih dɔu diih dǒ ɔ̍ kòà jlǐhwai. Jɛ i̍h nɔ̀ɔ̍, i̍h se̍ chlǐh-ɛ nɔ̌ chlǐh-dɛ̍ la di̍i̍.
Ɔ̍-ɔ bo ɔ̀ mu̍ dě Jusu we̍ maɔ̍, iě ɔ̍ la̍a̍ dě ɔ̍ we̍, “Dlǔtu, à juo ɛ̍-ɛ mɔ̀ bo ɔ̀ nu̍ nǎ po̍ nyɔ̍ ɔ̀ sɔ dě Nyɔsoa we̍. Dɛ̍nu̍ɛ, nyɔ̍ ɔ̀ Nyɔsoa se̍-a we̍ nɛ-ɛ, nɛ̀ ɔ̍ se̍ jbaɛdih la po̍-ɛ bɛ̌ɛ.”
Nyɔ̍ laa̍ u̍h jě-a jbaɛdih la Jusu po̍-aɛ, wɛ̀ u̍h la̍a̍, “À po̍ ɛ̍ tìh chɛ̀, ɔ̀ la, Nyɔsoa-a tu̍owli po̍ nyɔ̍ ɔ̀ kɔn ɔ̀ iě-a nɔ̌ kmɔ̌ we̍ ji̍-ɛ, ɔ̍-ɔ bo.”
Sɔ̀n sɛ̀n-aɛ, nyɔ̍ tlùgbei̍ juh sie-a dě pɛ̍nu̍ klaa de̍e̍-ɛ, iě u̍h la̍ blǎgbè due bo u̍h jě sɔ̀nwa̍n dǒ tà u̍h nɛ-aɛ. Ɛ̍-ɛ bo kòà laa̍ u̍h nɛ due gbǎ di̍i̍ u̍h mu̍, jɛ Jusu se̍ dě u̍h we̍ gbǎ.
Wɛ̀ Jusu la̍a̍, “Tìh-a taǐn ǎn sèàɛ̍ mɔ̀ wlùh, jbaɛdih mɔ̀ jě-a ǐn po̍-aɛ, ɛ̍ se̍ i̍h-a tìh mɔ̀ se̍ ka ǐn i̍ pɔ̀n o. Jɛ mɔ̀ di̍-a blèe̍ mɔ̀ dbo̍-aɛ, ɛ̍ kɔn tìh mɔ̀-a pɔ̀n ǐn i̍ o.
Wɛ̀ u̍h la̍a̍ dě Jusu we̍, “Ɛ̀ ɛ̍ nɛ-a ka-ɛ, nɛ̀ jbaɛdih jɛwe̍ àn mu̍ po̍ à iě jě wɛ̀ à iě àn wlu̍ tìh dǎɛ ɛ? Dɛ̍ àn mu̍ nu̍ ɛ?