41 “Ǐn se̍ pɔ̀n nyi̍ɔ̍ iě ǐn tìhwe̍ po̍.
Dɛ̍nu̍ɛ, wlɔ̀ nyi̍ɔ̍ iě u̍h tìhwe̍ po̍, ɛ̍ bo ɛ̀ po̍ u̍h gbǐh ɛ̍ sìì Nyɔsoa iě u̍h tìhwe̍ po̍.
Nyi̍ɔ̍-a ǎn sàànsi̍i̍h nu̍-ɛa chɛ̀ nɔ̀ɔ̍, ǐn se̍ ɛ̍ wlì tè, jɛ ǎn sà ɛ̍-ɛ sǔh wɛ̀ ɛ̍ iě mɔ̀ pǔh-i.
Jɛ mɔ̀-ɔ wɔ̌ɛn nɔ̌ ǐn we̍ ji̍ tìh i̍, wɛ̀ mɔ̀ iě feɛ jě.
Jɛ ǐn juo mɔ̀-a tìh, Nyɔsoa-a tìh kma dɛ se̍ dě mɔ̀ di̍i̍ nɛ.
Po̍ ìn ba̍ tìhwe̍ ìn ba̍ po̍ ìn tìhwe̍ bo ɛ̀ po̍ mɔ̀ gbǐh. Nyɔsoa nɛ due-a mɔ̀ tìhwe̍ po̍-ɛ se̍ mɔ̀ i̍ gbɛ̍n. Nɛ̀ ka mɔ̀-a mu̍ ǐn wlùh gbaɛ nu̍ ɛ?
Sɔ Jusu juo-o dɛ̍ i̍, nyɔ̍ laa̍ u̍h-a pɔ̀n ɔ̍ kloǒ nu̍-ɛ i̍ ɔ̍ iě blǔh baa nu̍. Ɛ̍ kɔn ɔ̍ sɔ dě u̍h nynɛ̌ dɛ, wɛ̀ ɔ̍ nɛ due mu̍ dě tlu̍hᵻ di̍i̍.
Nyɔ̍ ɔ̀ wlu-ia dǒ ɔ̍ chɛ̀-a sɔ̍n kɛ̍n-ɛ, nɛ̀ ɔ̍ chɛ̀-a ja̍ tè-ɛ bo ɔ̍ pɔ̀n i̍. Jɛ pò ɔ̍ ja ɛ̍ nu̍ wɛ̀ nyɔ̍ɔ iě nyɔ̍ dbo̍-a ɔ̍-ɛ ja̍ tè-ɛ, nɛ̀ tìh-a taǐn nyɔ̍ bo. Nɛ̀ ɔ̍ dɛ se̍ si̍h i̍ nɛ fu̍u̍.
Ǐn se̍ ǎn chɛ̀-a nynɛ̌ i̍ bɛ̌-ɛ i̍ pɔ̀n, jɛ nyɔ̍ ɔ̀ pɔ̀n-a ɛ̍ i̍-ɛ, ɔ̍ nɛ-o. Ɔ̍ bo ɔ̀ mu̍ ǎn taɔ nu̍.
Jusu la̍a̍, “Pò ǐn ja ǎn chɛ̀-a nynɛ̌ i̍ bɛ̌-ɛ de-ɛ, nɛ̀ ɛ̍ mu̍ pɔ̀ɔ̍pìe̍ nynɛ̌ nu̍. Jɛ ǐn Baa ɔ̀ mɔ̀ la̍ ɔ̀ nu̍-a mɔ̀-a Nyɔsoa-aɛ, ɔ̍ bo ɔ̀ bɛ̌-ɛ ǎn nynɛ̌ i̍.
À se̍ dɛ̍ we̍ fɔ̀n nyɔ̍-o-nyɔ̍ iě à tìhwe̍ po̍, mɔ̀ɔ̍ àe̍e̍ nyɔ̍ duuh.
Ɛ̍ kɔn tìh bo Nyɔsoa dǎ mɔ̀, dɛ̍nu̍ɛ, Klai-a chɛ̀ sàɛ̀ jua̍i̍ ke dǒ mɔ̀ we̍. Mɔ̀ɔ̍ bo ùh nu̍ ɔ̍ blaiɛ̍ ɔ̍ si̍e̍ mɔ̀ iě-e ɔ̍ wɔ̀ɔ̀ i̍ sà.
Ti̍ Baa Nyɔsoa iě-a Jusu-a ja̍ tè-ɛ ke ɔ̍ tìh-a i̍ bɛ̌-ɛ wlu̍ dbo̍-ɛ, nɛ̀ dǒ à nɛ. Baajiɔ̍-a chɛ̀ ɔ̀ kɔn tìh bɛ̌-a i̍-ɛ, wlu̍ sɔ-a dě ɔ̍ we̍-ɛ, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍.”
