Chɔɔn 5:4 - Ku̍o̍ Delee 1999

⁴ Dɛ̍nu̍ɛ, Joi-a ǐnchɔ̀-a ji̍ dǒ dle-e wloo laa̍ kɛ̍n sɔ̀ngbɛ̀jɛ̀ iě ɛ̍ sèke nǐ i̍. Nɛ̀ pò ɛ̍ sèke i̍-ɛ, nyɔ̍ sàǐtòò ɔ̀ mu̍-a dǒ ɛ̍ kɛ̍n gbǎ-ɛ, wɛ̌ tu̍ ɛ̀ nɛ-a dǒ ɔ̍ pùn-ɛ, nɛ̀ dǒ ɛ̍ nyna ɛ̍ bɔ̌.]

Chɔɔn 5:4 Iomraidhean Croise

Matio 11:12

Sɔ dě Chɔɔn-a ti̍ we̍ wɛ̀ ɛ̍ iě-a ti̍ la jɛɛ-ɛ, dǒ Nyɔsoa-a kmɔ̌ wlu̍ i̍ kɔn-ɛ sà tìh jě-ɛ. Iě dɛ̍ᵻá kloǒ nu̍ nyɔ̍-a pɔ̀n ɛ̍ klànklàn gbɛ̍n-ɛ i̍.

Matio 6:33

Jɛ pɔ̀n Nyɔsoa-a kmɔ̌ wlu̍ i̍ kɔn-ɛ i̍ ke̍ sàǐtòò, ɛ̍ ke dɛ̍ ɔ̍ pɔ̀n-a mɔ̀ iě-a nu̍-ɛ ke. Nɛ̀ ɔ̍ chɛ̀-a mu̍ mɔ̀ ìh kli̍hgbɛ̍ la kwlǎ sà-ɛ.

Pɔ̀n Chɛ̀ Luu To-a La 13:24

“Mɔ̀ fɔ̀n dɛ̍ we̍ mɔ̀ iě dě gbò wɔ̍n sɔɔ̌sɔ we̍ jii. Ǎn sèàɛ̍ mɔ̀ wlùh, nyɔ̍ dɔu-a mu̍ ɛ̍ we̍ jii-ɛ i̍ pɔ̀n, jɛ u̍h se̍ ɛ̍ bɛ̌ɛ mu̍.

Pɔ̀n Chɛ̀ Luu To-a La 16:16

“Mose-a telě ke Nyɔsoa-a tu̍owli po̍ nyɔ̍-a chlǐh-dɛ̍ᵻ nɛ-ɛ se̍e̍, wɛ̀ Chɔɔn ɔ̀ po̍-a nyɔ̍ nǐ dlǔ-ɛ dǔ wlǔh-ɛ. Sɔ dǒ ti̍ laa̍ di̍i̍-ɛ, pɔ̀n chɛ̀ ɛ̀ kɔn-a dǒ Nyɔsoa-a kmɔ̌ wlu̍ i̍ kɔn-ɛ we̍-ɛ, ɛ̍ dǔ-a bla̍-ɛɛ bo ɛ̍ blě-a. Wɛ̀ nyɔ̍ kli̍hgbɛ̍-a fɔ̀n dɛ̍ we̍ u̍h iě dě ɛ̍ di̍i̍ gbǎ.

Chɔɔn 5:3

Dǒ i̍h sɔ̀n bo wɛ̌ᵻ nyɔ̍ dɔu wèla i̍. Dɔ̌-nyɔ̍ o, i̍ kɔ̌-nyɔ̍ o, klɔ-nyɔ̍ o, dǒ u̍h nɛ. [U̍h-a chlì nǐ-a sèke-ɛ we̍ i̍.

Chɔɔn 5:5

Nɛ̀ dǒ jɔ̍gbau due nɛ, ɔ̍ poa-ɛ sɔ̀nᵻá kwela ta̍a̍n jɔ̌ mɛ̀ta̍a̍n (38) wɛ̀.

Chɔɔn 5:7

Jɔ̍gbau laa̍ ɔ̍ la̍a̍, “Nyɔ̍ klaa, pò wloo la ɛ̍ sèke i̍-ɛ, nɛ̀ nyɔ̍ se̍ nɛ ɔ̍ iě ǐn dǒ ɛ̍ kɛ̍n po̍. Nɛ̀ pò ǐn ja dɛ̍ we̍ fɔ̀n iě-o gbǎ-ɛ, nɛ̀ nyɔ̍ dɔɔ chɛ̍n ǐn jǔ ɔ̍ gbǎ-o.”

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.