Chɔɔn 4:34 - Ku̍o̍ Delee 1999

³⁴ Wɛ̀ Jusu la̍a̍, “Nyɔ̍ ɔ̀ dbo̍-a m-ɛ, ɔ̍ wlùh nu̍-ɛ ke ɔ̍ dbo̍ i̍ wɔ̀-ɛ bo ɛ̀ nu̍ ǎn di̍-dɛ̍.

Chɔɔn 4:34 Iomraidhean Croise

Matio 26:39

Ɔ̍ klɛɛn-a dǒ nya̍ wɛɛ-ɛ, wɛ̀ ɔ̍ chlìi i̍ gbìi̍i dǒ bloɔ̍ iě ɔ̍ ba̍le. Ɔ̍ la̍a̍, “Ǐn Baa, pò ɛ̍ nɛ ɛ̍ ka̍-ɛ, nɛ̀ ìn sà ǐn kàu̍n la wɔ̍i̍n lě. Jɛ dɛ̍ ìn wɔ̌ɛn-a kɛ̍n i̍-ɛ, ɛ̍ bo ìè nu̍, ɛ̍ se̍ naɛ̍ ǐn se̍ dǎ.”

Matio 3:15

Jɛ Jusu la̍a̍, “Kaka la̍ kǎ ɛ̍ iě nɛ. Dɛ̍nu̍ɛ, pò à nu̍ la̍a̍n-ɛ, nɛ̀ dɛ̍ᵻ kli̍hgbɛ̍ Nyɔsoa-a pɔ̀n-a bo à nu̍-a.” Wɛ̀ Chɔɔn dǔ wɔ̌n-ɛ.

Matio 9:19

Wɛ̀ Jusu sɔ bloɔ̍, iě ɔ̍ ke ɔ̍ kòà gbǎ dǒ jɔ̍gbau laa̍ de̍e̍ u̍h-a mu̍.

Pɔ̀n Chɛ̀ Luu To-a La 15:10

Ǎn sèàɛ̍ mɔ̀ wlùh, kǎ ɛ̍ nɛ ke. Nyɔsoa-a ǐnchɔ̀-a nu̍ mɔna̍ dɛ̍blɔ dǒ gblɛ̍n sɔ̀ɛ̀n nyɔ̍ due ɔ̀ bǐi-a i̍-ɛ we̍.”

Pɔ̀n Chɛ̀ Luu To-a La 19:10

Dɛ̍nu̍ɛ, Nyi̍ɔ̍-a Jǔ ji̍ kwlǎ sie nyɔ̍ i̍ pɔ̀n la̍-a ɔ̍ iě u̍h pǔh-i.”

Pɔ̀n Chɛ̀ Luu To-a La 2:49

Wɛ̀ ɔ̍ la̍a̍ dě u̍h we̍, “Dɛ̍nu̍ mɔ̀-a pɔ̀n-ɛ ǐn tàdɔ̀ɔ̀ i̍ ɛ? Mɔ̀ se̍ i̍h juo ka ǐn kɔn iě-a nɔ̌ ǐn Baa blǐ gbò nɛ-ɛ ae?”

Chɔɔn 17:4

Dbo̍ ìn nyǐ m iě-a nu̍-ɛ, ka ǐn wɔ̀-a ɛ̍ i̍-ɛ, nɛ̀ ǐn bɛ̌-ɛ àn nynɛ̌ i̍ wɛ̀ nɔ̌ bloɔ̍.

Chɔɔn 19:28

Ti̍ Jusu juo-ao dɛ̍ i̍ ka dɛ̍ᵻ kli̍hgbɛ̍ wɛ̀-a i̍ wɛ̀-ɛ, iě ɔ̍ la̍a̍, “Dǒ ǐn wlì-a bǔ-i.” Ɔ̍ bla̍ ɛ̀ la wɛ̀ ɔ̍ iě Nyɔsoa-a wlu̍ kɛ̀ǐn po̍.

Chɔɔn 19:30

Ti̍ Jusu tɛ̀n-a nmɔ̍ laa̍ wɔ̍n-ɛ, iě ɔ̍ la̍a̍, “Ɛ̍ wɛ̀ i̍ wɛ̀.” Ɔ̍ po̍-a dlǔ wlù-ɛ, ɔ̍ chɛ̍n feɛ kleǐn.

Chɔɔn 4:32

Wɛ̀ ɔ̍ la̍a̍ dě u̍h we̍, “Ǐn blě di̍-dɛ̍ iě di̍, jɛ mɔ̀ se̍ ɛ̍ dɛ̍ i̍ juo.”

Chɔɔn 5:30

“Ǐn se̍ dɛ̍ nu̍-ɛ bɛ̌ɛ dǒ ǎn chɛ̀-a gbǐh we̍. Dɛ̍ ǐn wɔ̌n-a dě Baa wɔ̍ɔ̍n-ɛ, ɛ̍ bo ǎn chɛ̍n-ɛ tìh i̍, nɛ̀ ǎn tìh i̍ chɛ̍n-ɛ bo ɛ̀ slɛ̌ i̍. Dɛ̍nu̍ɛ, ǎn chɛ̀-a wlùh i̍ pɛ̌n-ɛ tìh se̍ ǐn i̍ gbɛ̍n, jɛ nyɔ̍ dbo̍-a m-ɛ, ɔ̍ wlùh-a i̍ pɛ̌n-ɛ tìh bo ɛ̀ gbɛ̍n ǐn i̍.

Chɔɔn 5:36

Jɛ ǎn sàànsi̍i̍h ǐn blě-aɛ, ɛ̍ ku̍ wɔ̍n ɛ̍ sìì Chɔɔn naɛ. Dɛ̍nu̍ɛ, dbo̍ ǐn Baa nyǐ-a m iě-a i̍ wɔ̀ ɛ̀ ǎn nu̍-a ka-ɛ, ɛ̍ bo ɛ̀ nu̍ ǎn sàànsi̍i̍h ka Baa dbo̍-a m-ɛ.

Chɔɔn 6:33

Nyɔ̍ ɔ̀ sɔ-a dě ja̍i̍wlɔ̀ ɔ̀ ji̍-a nɔ̌ bloɔ̍ wɛ̀ ɔ̍ nyǐ-a kmɔ̌ nyɔ̍ feɛ-ɛ, ɔ̍ bo ɔ̀ nu̍ blèe̍ Nyɔsoa-a nyǐ nyɔ̍.”

Chɔɔn 6:38

Dɛ̍nu̍ɛ, dě ja̍i̍wlɔ̀ ǐn sɔ-a wɛ̀ ǐn ji̍-a nɔ̌ bloɔ̍-ɛ, ǐn se̍ ji̍ iě ǎn chɛ̀-a wlùh nu̍. Jɛ ǐn ji̍-i nyɔ̍ ɔ̀ dbo̍-a m-ɛ, iě ɔ̍ wlùh nu̍.

Chɔɔn 8:29

Nyɔ̍ ɔ̀ dbo̍-a m-ɛ, ɔ̍ nɛ ǐn we̍. Ɔ̍-ɔ se̍a ǐn gbo̍ka̍a̍ sie, dɛ̍nu̍ɛ, dɛ̍ tè-ea ɔ̍ wlùh i̍-ɛ, ɛ̍ bo ǎn nu̍ ma̍u̍.”

Nu̍-dɛ̍ᵻ 20:35

Ǎn nu̍ ɛ̍-ɛ wɛ̀ mɔ̀ iě ɛ̍ juo ka pò nyɔ̍ ja ka dbo̍ nu̍ sɔɛn nu̍-ɛ, wɛ̀ nyɔ̍-a gbǎ nyɔ̍ ùh se̍-a dɛ̍ nu̍-ɛ bɛ̌ɛ we̍. Mɔ̀ bɔ̌ Joi Jusu-a wlu̍ la we̍ mǎle-ɛ, ɔ̍ la̍a̍, ‘Nyɔ̍ dɛ̍ nyǐ-ɛ blě pɔ̀ìě dɔu ɛ̍ sìì dɛ̍ jě-ɛ.’ ”

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.