Chɔɔn 4:23 - Ku̍o̍ Delee 1999

²³ Ti̍ wɛɛ sà nyɔ̍ chɛ̀-a mu̍-a Baa wɛɛ sà dě Nyɔsoa-a Sùù ke tìh-a taǐn di̍i̍-ɛ, ɛ̍ ji̍ la̍-ɛ. Wɛ̀ ɛ̍ chɛ̀ nɛ da̍a wɛ̀ se̍e̍. Wɛɛ sà nyɔ̍ kaɛn laa̍ bo Baa-a pɔ̀n i̍ u̍h iě ɔ̍ wɛɛ sà.

Chɔɔn 4:23 Iomraidhean Croise

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 12:23

Wɛ̀ Jusu la̍a̍ dě u̍h we̍, “Jɛwɛ̀ ti̍ nyni̍-o wɛ̀ Nyi̍ɔ̍-a Jǔ-a nynɛ̌ iě i̍ bɛ̌.

Chɔɔn 16:2

U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

Chɔɔn 16:32

Ti̍-a nyni̍ la̍-ɛ o, ɛ̍ chɛ̀ nyni̍ wɛ̀ o. Dǒ mɔ̀-a mu̍ ja̍i̍ gbà-ɛ, wɛ̀ mɔ̀ iě ǐn gbo̍ka̍a̍ sie mɔ̀ iě mɔ̀ blǐ gbòᵻ i̍ mu̍. Jɛ nɛ̀ ǐn se̍ gbo̍ka̍a̍ sie, dɛ̍nu̍ɛ, ǐn Baa nɛ dǒ ǐn we̍.

Chɔɔn 4:21

Wɛ̀ Jusu la̍a̍ dě ɔ̍ we̍, “Nynɔ̌ chɛ̀, mɛ̍ ǎn wlu̍ la jlǐhɛ̍ kɛ̍ɛ̍n, ɛ̍ mu̍ ti̍ kɔn nɛ̀ mɔ̀ se̍ Baa wɛɛ sà mu̍ da̍a tlu̍h la kɛ̍n ke dě Juluslɛn.

Chɔɔn 5:25

Bɔ̌ ǐn sèàɛ̍ mɔ̀ tìh-a taǐn wlùh, ɛ̍ mu̍ ti̍ kɔn, ti̍-a chɛ̀ nyni̍ wɛ̀, wɛ̀ mɛ̌-nyɔ̍ iě Nyɔsoa-a Jǔ-a wlu̍ wɔ̌n. Nɛ̀ nyɔ̍ ùh-a mu̍-a ɔ̍ wlu̍ wɔ̌n-ɛ, u̍h-a mu̍ kmɔ̌ nɛ.

Chɔɔn 5:28

Ɛ̀ la ɛ̍ bɔ̌ mɔ̀ wɔ̍n flɔn-ɛ, dɛ̍nu̍ɛ, ti̍-a nyni̍ la̍-ɛ wɛ̀ ùh kli̍hgbɛ̍ nɛ-a gbàlɔ̍ᵻ biěᵻ di̍i̍ i̍-ɛ, u̍h iě ɔ̍ wlu̍ wɔ̌n.

Wloma 1:9

Nyɔsoa ɔ̀ ǎn dbee-a jǔ dǒ ǎn wlùh kli̍hgbɛ̍ we̍ wɛ̀ ǎn bla̍-a pɔ̀n chɛ̀ ɛ̀ kɔ̍-a dǒ ɔ̍ Jǔ pùn i̍-ɛ, ɔ̍-ɔ bo ɔ̀ nu̍ ǎn sàànsi̍i̍h ka ǎn ba̍le-a dǒ mɔ̀-a tàà ti̍ kli̍hgbɛ̍ we̍-ɛ.

Wloma 8:15

Dɛ̍nu̍ɛ, Sùù ɛ̀ mɔ̀ jě-aɛ, ɛ̍ se̍ mɔ̀ kèi̍ᵻ we̍i̍ nu̍ la̍ ji̍ dode̍ mɔ̀ iě faɔn ple̍. Jɛ mɔ̀ jě ɛ̍-ɛ, ɛ̍ iě mɔ̀ Nyɔsoa-a nynuu̍ we̍i̍ nu̍, wɛ̀ à iě Nyɔsoa à Baa dǎɛ.

Wloma 8:26

Àɔ̀ kɔn gbǐh-a mɛ̌-aɛ, kǎ Nyɔsoa-a Sùù nu̍ à we̍ gbǎ-a ke. Dɛ̍nu̍ɛ, à se̍ ka à kɔn à iě-a ba̍le-ɛ nu̍-ɛ juo, wɛ̀ Sùù-a chɛ̀-a bla̍-ɛ Nyɔsoa gbòɛ̀ i̍ dǒ à tàà, dě di̍i̍-a si̍n-ɛ ɛ̀ kmɔ̌ se̍-a we̍ i̍ sèàɛ̍ bɛ̌ɛ-ɛ we̍.

Kelesea 4:6

Mɔ̀ɔ̍ Nyɔsoa-a chɛǐ nynuu̍ dɛbo, ɛ̍ kɔn ɔ̍ dbo̍ ɔ̍ Jǔ-a Sùù dě à wlùh di̍i̍. Iě ɛ̍ sèàɛ̍ àɔ̀ wlùh ka Nyɔsoa bo ɔ̀ nu̍-a à Baa-ɛ.

Ɛfɛsɔ 6:18

Mɔ̀-a ba̍le-ɛ kli̍hgbɛ̍ ke, dɛ̍ jbǎ-a ke̍, dě Nyɔsoa-a Sùù ja̍a̍ bo i̍h iě jii. Mɔ̀ bɔ̌ se̍a̍-a, mɔ̀ ba̍le dǒ Nyɔsoa nyɔ̍ kli̍hgbɛ̍-a tàà te̍e̍ kleǐn.

Felepai 3:3

Àɔ̀ nɔ̀ɔ̍, àɔ̀ bo à gbǎ plɔ̀n-a gblangbai̍ naɛ, dɛ̍nu̍ɛ, à se̍ plɔ̀n gbǎ dǒ nyi̍ɔ̍-a sɔ̍n we̍. À sà Nyɔsoa wɛɛ dě ɔ̍ Sùù di̍i̍. À nmɔ-ɛ, dɛ̍nu̍ɛ, à nɛ kmɔ̌ dě Jusu Klai ja̍a̍. À se̍ dɛ̍ᵻ à nu̍-a à chɛ̀ pùn-ɛ wlì tè.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.