Chɔɔn 4:10 - Ku̍o̍ Delee 1999

¹⁰ Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 4:10 Iomraidhean Croise

Pɔ̀n Chɛ̀ Luu To-a La 11:13

Mɔ̀ɔ̍ juh kɔn gblɛ̍n nyni-a jii̍-ɛ, pò mɔ̀ juo mɔ̀-a nynuu̍ dɛ̍ᵻ chɛ̀ nyǐ-ɛɛ, jɛ nɛ̀ mɔ̀ Baa Nyɔsoa nɛ-a dě ja̍i̍wlɔ̀-ɛ, ɔ̍ bo ɔ̀ se̍ nyɔ̍ jbǎ-ɛa ɔ̍ Sùù-ɛ nyǐ mu̍ ae?”

Chɔɔn 16:3

U̍h-a mu̍ mɔ̀ ìh la pùn i̍ nu̍, dɛ̍nu̍ɛ, u̍h se̍ ǐn ke Baa juo.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Chɔɔn 6:35

Iě ɔ̍ la̍a̍, “Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ. Nyɔ̍ ɔ̀ ji̍-a ǐn we̍-ɛ, nɛ̀ mɔ̌ se̍ gba̍ ɔ̍ nu̍. Nɛ̀ nyɔ̍ ɔ̀ gbaɛ-a ǐn wlùh-ɛ, nɛ̀ dǒ ɔ̍ wlì se̍ gba̍ bǔ.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Nu̍-dɛ̍ᵻ 9:11

Wɛ̀ Joi la̍a̍ dě ɔ̍ we̍, “Sɔ-ɔ, mu̍ dě wìè ɛ̀ Kɔn nynɛ̌ nu̍-a Slɛ̌ i̍-ɛ kɛ̍n dě Juda blǐ gbò. Sɔɔ ɔ̀ sɔ-a dǒ Tasɔ-ɛ, dě ɔ̍ nɛ ɔ̍ ba̍le, nɛ̀ ìn tèle ɔ̍ tìh i̍.

Wloma 8:32

Ɔ̀ se̍-a ɔ̍ chɛ̀-a Jǔ tɛ̌n tè iě ɔ̍ sà-a ɔ̍ kwlǎ dǒ àɔ̀ kli̍hgbɛ̍ we̍-ɛ, dǒ-o bo ɔ̍ se̍ àɔ̀ dɛ̍ᵻ kli̍hgbɛ̍ nyǐ i̍ mu̍ ke ae?

1 Kɔwlɛntiɔn 1:30

Ɔ̍ nu̍ ɛ̍ wɛ̀ à ke Jusu Klai nɛ due, iě ɔ̍ nu̍ ɛ̍ wɛ̀ Klai nu̍ à flɔ̍nwlùh ke à i̍ slɛ̌-nyɔ̍. Wɛ̀ Klai nu̍ ɛ̍ iě à kɔn dǒ Nyɔsoa we̍, ɔ̀ sèìe àɔ̀ dě Klai ja̍a̍-ɛ.

1 Kɔwlɛntiɔn 10:4

iě u̍h kli̍hgbɛ̍ nǎ nǐ ɛ̀ jii-a dě ɔ̍ Sùù-ɛ. Wɛ̀ u̍h nǎ nǐ ɛ̀ sɔ-a dě ɔ̍ Sùù-a sɔɔ̌ ɛ̀ ke u̍h-a na-ɛ di̍i̍. Sɔɔ̌ laa̍ bo ɛ̀ nu̍ Klai.

2 Kɔwlɛntiɔn 9:15

Mɔ̀ à po̍ Nyɔsoa tlɔ̌ dǒ ɔ̍ nyǐ-dɛ̍ ɔ̍ nyǐ-a àɔ̀-ɛ we̍, ɛ̀ kɔn wɔ̍n wlɔ̀ nyi̍ɔ̍ se̍-a blě u̍h iě-a we̍ i̍ sèàɛ̍-ɛ.

Ɛfɛsɔ 2:8

Nyɔsoa-a blɛ nɛ-ɛ bo ɛ̀ pǔh-i mɔ̀ wɛ̀. Mɔ̀-a ɔ̍ wlùh gbaɛ bo ɛ̀ nu̍ ɛ̍. Ɛ̍ se̍ mɔ̀-a chɛ̀-a nu̍-dɛ̍, Nyɔsoa-a nyǐ-dɛ̍ bo.

Iblu 6:4

Nyɔ̍ ùh sɔ-a dǒ Nyɔsoa-a wìè kɛ̍n-ɛ, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi wɛ̀ u̍h iě u̍h-a gblɛ̍n sɔ̀ɛ̀n kɛ̍n i̍ poe. Dɛ̍nu̍ɛ, u̍h nɛ dě Nyɔsoa-a sɔ̀npli di̍i̍ sàì, iě u̍h juo dɛ̍ ɔ̍ nyǐ-a nyɔ̍-ɛ. U̍h jě ɔ̍ Sùù,

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

Wlɛfeleseɔn 21:6

Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.

Wlɛfeleseɔn 22:17

Nyɔsoa-a Sùù ke Nynɔ̌ Delee la̍a̍ dě Jusu we̍, “Ji̍.” Nɛ̀ nyɔ̍ jɔ wɔ̌n-a ɛ̀ la-ɛ, nɛ̀ ɔ̍ la̍a̍ dě Jusu we̍ ke, “Ji̍.” Nyɔ̍ ɔ̀ nǐ nǎ tɔ̌n-a nu̍-aɛ, ɔ̍ ji̍. Nɛ̀ nyɔ̍ jɔ pɔ̀n-a nǐ ɛ̀ nyǐ-a nyɔ̍ feɛ-ɛ, ɔ̍ dǔ ɛ̍-ɛ bu̍ɛ̍i̍.

Wlɛfeleseɔn 7:17

Dɛ̍nu̍ɛ, Blawɛ̌ Jǔ ɔ̀ nɛ-a dǒ nynɛ̌ gbalǎ-a wèa̍-ɛ, ɔ̍ bo ɔ̀ mu̍ u̍h jlǐhɛ̍ we̍ tù ka blawɛ̌ we̍ i̍ gbɛ̀n nyɔ̍-ɛ. Ɔ̍ mu̍ u̍h sɔ̍nᵻ we̍ i̍ naɛ, wɛ̀ ɔ̍ iě u̍h dě kao̍dlu ɛ̀ nyǐ-a nyɔ̍ feɛ-ɛ we̍ gba̍. Wɛ̀ Nyɔsoa iě u̍h mǐtɛɛn kli̍hgbɛ̍ jlǐh i̍ slǎn.”