Chɔɔn 3:5 - Ku̍o̍ Delee 1999

⁵ Jusu la̍a̍, “Tìh-a taǐn ǎn sèàɛ̍ ìn wlùh, pò nyɔ̍ wlǔh dode̍ dǒ nǐ ke Nyɔsoa-a Sùù we̍-ɛ, nɛ̀ ɛ̍ kɔn tɛ̀ ǐn sà-o. Jɛ pò ɛ̍ se̍ la̍a̍n nɛ-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ sǐ mu̍.

Chɔɔn 3:5 Iomraidhean Croise

Matio 18:3

Iě ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, pò nyɔ̍ se̍ gblɛ̍n i̍ bǐi ɔ̍ iě jǔwɛ la wɔ̀-ɛ, nɛ̀ ɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ mu̍.

Matio 19:24

Bɔ̌ ǐn gba̍ ɛ̍ kɛ̍n i̍ dɛ, ɛ̍ kma i̍ pàn-nyɔ̍ iě dě Nyɔsoa-a kmɔ̌ wlu̍ i̍ kɔn-ɛ di̍i̍ gbǎ, ɛ̍ sìì gbo̍ kɛ̍ɛ̍n bli-a dě mɛnɔ̍-a gbɔ̀ di̍i̍ jii-ɛ.”

Matio 21:31

Nɛ̀ u̍h nɛ-a sɔɔ̌n-ɛ, nyɔ̍ bo ɔ̀ nu̍ ɔ̍ baa-a wlu̍ ɛ?” U̍h la̍a̍, “Klaa naɛ bo ɔ̀ nu̍ ɔ̍ wlu̍.” Wɛ̀ Jusu la̍a̍ dě u̍h we̍, “Bɔ̌ ǐn sèàɛ̍ mɔ̀ tìh-a taǐn wlùh, taa̍sìh sà nyɔ̍ ke kàìà nynɔ̌gbaɔᵻá mu̍ la̍ mɔ̀ jǔ dě Nyɔsoa-a kmɔ̌ wlu̍ i̍ kɔn-ɛ di̍i̍.

Matio 28:19

Ɛ̍ tìh-ɛ, mɔ̀ mu̍, mɔ̀ ple̍ blǔh kli̍hgbɛ̍ la we̍ mɔ̀ iě nyɔ̍ kli̍hgbɛ̍ ǎn kòà we̍i̍ nu̍. Nɛ̀ mɔ̀ po̍ u̍h nǐ dlǔ dǒ Baa ke Jǔ ke Nyɔsoa-a Sùù-a nynɛ̌ kɛ̍n.

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Matio 5:20

Bɔ̌ ǐn sèàɛ̍ mɔ̀ wlùh, dɛ̍ due gbài̍ ɛ̀ mu̍-a kmɔ̌ nɛ wɛ̀ nyɔ̍ iě-a dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ-ɛ, ɛ̍ nu̍ nyɔ̍ ɔ̀ mu̍-a Nyɔsoa-a wlùh nu̍, wɛ̀ ɔ̍ iě-a telě nǎ poe nyɔ̍ ke Fɛlesii nyɔ̍ sìì-ɛ, ɔ̍ bo ɔ̀ mu̍-e nɛ.”

Pɔ̀n Chɛ̀ Maɛ To-a La 10:14

Ti̍ Jusu juo-ao dɛ̍ i̍-ɛ, sɔ ɛ̍ se̍ ɔ̍ gbǐh po̍. Wɛ̀ ɔ̍ la̍a̍ dě u̍h we̍, “Mɔ̀ bɔ̌ nynuu̍plìh la u̍h iě nɔ̌ ǐn we̍ ji̍. Mɔ̀ bɔ̌ u̍h wìè-i sà-a. Dɛ̍nu̍ɛ, nyɔ̍ ùh nɛ-a ka-a, u̍h bo ùh kɔn dǒ Nyɔsoa-a kmɔ̌ wlu̍ i̍ kɔn-ɛ we̍.

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Pɔ̀n Chɛ̀ Maɛ To-a La 9:47

Nɛ̀ pò àn jlǐhɛ̍ ja pɔ̀n ìè wlùh gbaɛ-ɛ i̍ tǎli-ɛ, nɛ̀ ìn sà ɛ̍ kɔ̌n-ɔ. Ɛ̍ nmɔ jii̍ ìè jlǐhɛ̍ due blě, wɛ̀ ìè dě Nyɔsoa-a kmɔ̌ wlu̍ i̍ kɔn-ɛ di̍i̍ nɛ, ɛ̍ sìì àn jlǐh gbà i̍ wɛ̀ ìn gbǎ dě kàn nɛ̍ di̍i̍,

Pɔ̀n Chɛ̀ Luu To-a La 13:24

“Mɔ̀ fɔ̀n dɛ̍ we̍ mɔ̀ iě dě gbò wɔ̍n sɔɔ̌sɔ we̍ jii. Ǎn sèàɛ̍ mɔ̀ wlùh, nyɔ̍ dɔu-a mu̍ ɛ̍ we̍ jii-ɛ i̍ pɔ̀n, jɛ u̍h se̍ ɛ̍ bɛ̌ɛ mu̍.

Pɔ̀n Chɛ̀ Luu To-a La 13:3

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.

Pɔ̀n Chɛ̀ Luu To-a La 13:5

Iěe, jɛ ǎn sèàɛ̍ mɔ̀ wlùh, pò mɔ̀ se̍ mɔ̀-a gblɛ̍n sɔ̀ɛ̀n kɛ̍n i̍ poe-ɛ, nɛ̀ kǎ mɔ̀-a mu̍ mɛ̌-ɛ nu̍ ke.”

Chɔɔn 1:13

Nyɔsoa-a chɛ̀ bo ɔ̀ nu̍ u̍h ɔ̍ nynuu̍ we̍i̍. U̍h se̍ wlǔh plǒai ka. U̍h-a wlǔh-ɛ se̍ dě nyi̍ɔ̍ we̍ sɔ-ɛ.

Chɔɔn 3:3

Wɛ̀ Jusu la̍a̍ dě ɔ̍ we̍, “Bɔ̌ ǐn sèàɛ̍ ìn tìh-a taǐn wlùh, pò nyɔ̍ iě Nyɔsoa-a kmɔ̌ wlu̍ i̍ kɔn-ɛ jě-ɛ, nɛ̀ ɔ̍ mu̍ wlǔh dode̍.”

Chɔɔn 3:4

Nikodima la̍a̍ dě ɔ̍ we̍, “Pò nyɔ̍ wlǔh wɛ̀-ɛ, nɛ̀ ka ɔ̍ mu̍ wlǔh-ɛ nu̍ dɛ ɛ? Nɛ̀ ɔ̍ bɛ̌ɛ dě ɔ̍ de̍ di̍i̍ pa̍-a dɛ wɛ̀ ɔ̍ iě wlǔh-ɛa sɔɔ̌n naɛ nu̍ ae?”

Nu̍-dɛ̍ᵻ 2:38

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Nu̍-dɛ̍ᵻ 3:19

Ɛ̍ tìh-ɛ, mɔ̀ bǐi i̍, nɛ̀ mɔ̀ fèàɛ̀ dě Nyɔsoa we̍, nɛ̀ ɔ̍ mu̍-o mɔ̀-a gblɛ̍n sɔ̀ɛ̀n i̍ slǎn.

Wloma 14:17

Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ se̍ di̍-dɛ̍ ke nǎ-dɛ̍ i̍ bǎ. Jɛ i̍ slɛ̌-ɛ ke, wlùh-a i̍ tè-ɛ ke nmɔ-ɛ Nyɔsoa-a Sùù-a nyǐ-a nyɔ̍-ɛ bo ɛ̍ bǎ i̍.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

1 Kɔwlɛntiɔn 15:50

Ǐn de̍di̍i̍ᵻ, ǎn sèàɛ̍ mɔ̀ wlùh, nyi̍ɔ̍ku ke nymɔ̍ se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ i̍ nyni̍-ɛ bɛ̌ɛ. Dɛ̍ ɛ̀ mu̍-a mɛ̌-ɛ, ɛ̍ se̍ dɛ̍ kɔn-ɛ bɛ̌ɛ dě dɛ̍ ɛ̀ se̍-a mɛ̌ la̍ kɔn-ɛ di̍i̍.

1 Kɔwlɛntiɔn 2:12

À se̍ kmɔ̌ we̍ sùù-a tìh i̍ wɔ̌ɛn, jɛ Sùù sɔ-a dě Nyɔsoa we̍-ɛ, ɛ̍ tìh bo à wɔ̌ɛn wɛ̀ ɛ̍ iě kmɔ̌ nɛ à iě dɛ̍ᵻ kli̍hgbɛ̍ Nyɔsoa nyǐ-a àɔ̀-ɛ we̍ i̍ ju̍o̍e.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Kelesea 6:15

Nyɔ̍ gbǎ plɔ̀n o, nyɔ̍ se̍ plɔ̀n gbǎ o, ɛ̍ tìh se̍ kma. Jɛ nyɔ̍ delee nu̍ tìh bo ɛ̀ kma.

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

1 Pitɛ 1:2

Baa Nyɔsoa tba̍ mɔ̀ chèɛ̀, dɛ̍nu̍ɛ, ɛ̍ bo ɔ̍ po̍ gbɔ̀ se̍e̍ ɔ̍ iě nu̍. Ɔ̍ Sùù tè mɔ̀ pɔ̌ wɛ̀ dǒ ɔ̍ chɛ̀ we̍, wɛ̀ mɔ̀ iě Jusu Klai-a wlu̍ nu̍, ɔ̍ nymɔ̍ iě ɛ̍ nu̍ mɔ̀ iě wlaǎwla nɛ. Nyɔsoa-a blɛ ke wlùh-a i̍ tè-ɛ bo ɛ̀ iě kɛ̍n i̍ gboǎɛ dǒ mɔ̀ we̍.

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.

1 Chɔɔn 2:29

Pò mɔ̀ juo ɛ̍ ka Klai slɛ̌-a i̍-ɛ, nɛ̀ mɔ̀ juo ɛ̍ ke la̍ sǔh ka nyɔ̍ jɔ ɔ̀ nu̍-a i̍ slɛ̌-dɛ̍-ɛ, nɛ̀ ɔ̍ nu̍-a Nyɔsoa-a jǔ wɛ̀-ɛ.

1 Chɔɔn 5:1

Nyɔ̍ jɔ po̍-a ɛ̍ tìh chɛ̀ ka Jusu nu̍-a Nyɔsoa-a Chèɛ̀ Tba̍ju-ɛ, nɛ̀ ɔ̍-ɔ Nyɔsoa-a jǔ. Nɛ̀ nyɔ̍ jɔ jbɛɛ-a baa-ɛ, nɛ̀ ɔ̍ jbɛɛ ɔ̍ jǔ wɛ̀ ke.