Chɔɔn 3:34 - Ku̍o̍ Delee 1999

³⁴ Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Chɔɔn 3:34 Iomraidhean Croise

Matio 12:18

Nyɔsoa wlu-ia dě Asaia ja̍a̍-ɛ, ɔ̍ la̍a̍, “Ǎn pòi̍ju ǐn tba̍-a chèɛ̀-ɛ la, ǐn kma ɔ̍ tìh iě ǎn wlùh tè i̍ dǒ ɔ̍ we̍. Ǎn mu̍ ǎn Sùù dě ɔ̍ ja̍a̍ po̍, wɛ̀ ɔ̍ iě i̍ slɛ̌-ɛ tìh bla̍ dě kmɔ̌-nyɔ̍ we̍.

Pɔ̀n Chɛ̀ Luu To-a La 4:18

“Joi-a Sùù nɛ ǐn we̍. Dɛ̍nu̍ɛ, ɔ̍ tba̍ ǐn chèɛ̀ iě pɔ̀n chɛ̀-a tìh we̍i̍ bla̍ dě nyɔ̍gbà nyɔ̍ we̍. Ɔ̍ dbo̍ m iě i̍h i̍ sà ka kèi̍ᵻ sèìe-a wɛ̀-ɛ, wɛ̀ iě dɔ̌-nyɔ̍-a i̍ jě-e tìh i̍ sà ke dě u̍h we̍. Wɛ̀ iě nyɔ̍ ùh-a jě-a tìh-ɛ tìh jě-ɛ kɛ̍n sà.

Chɔɔn 1:16

Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Chɔɔn 15:26

“Sùù ɛ̀ sèàɛ̍-a nyɔ̍ Nyɔsoa-a tìh-a taǐn wlùh-ɛ, ɛ̀ naɛ-a nyɔ̍ sɔ̍nᵻ we̍ i̍-ɛ, ǎn mu̍ ɛ̍ nu̍ wɛ̀ ɛ̍ iě dě Baa we̍ sɔ ɛ̍ iě nɔ̌ mɔ̀ we̍ ji̍. Pò ɛ̍ sɔ dě ɔ̍ we̍-ɛ, nɛ̀ ɛ̍-ɛ bo ɛ̀ mu̍ ǎn sàànsi̍i̍h nu̍.

Chɔɔn 16:7

Tìh-a taǐn ǎn sèàɛ̍ mɔ̀ wlùh, ɛ̍ nmɔ jii̍ dǒ mɔ̀ we̍ iě ǎn mu̍. Dɛ̍nu̍ɛ, pò ǐn se̍ mu̍-ɛ, nɛ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ ɛ̍ se̍ mɔ̀ we̍ ji̍ mu̍. Jɛ pò ǐn mu̍-ɛ, nɛ̀ ǎn mu̍ ɛ̍ nɔ̌ mɔ̀ we̍ dbo̍.

Chɔɔn 3:17

Nyɔsoa se̍ ɔ̍ Jǔ dbo̍ da̍a kmɔ̌ we̍ ɔ̍ iě ɛ̍ tìh gbɛ̍n-ɛ, jɛ wɛ̀ ɔ̍ iě ɛ̍ sèìe.

Chɔɔn 5:26

Ka Baa Nyɔsoa-a chɛ̀ nu̍-a nyɔ̍ feɛ nyǐ gbǐh blě-ɛɛ, kǎ ɔ̍ nu̍ ɔ̍ Jǔ wɛ̀ ke.

Chɔɔn 7:16

Wɛ̀ Jusu la̍a̍, “Nǎ ǎn po̍-aɛ, ǐn se̍ ɛ̍ kɔn. Ɛ̍ sɔ dě nyɔ̍ ɔ̀ dbo̍-a m-ɛ we̍.

Chɔɔn 8:40

Tìh-a taǐn ǐn wɔ̌n-a dě Nyɔsoa we̍-ɛ, ɛ̍ bo ǐn sèàɛ̍ mɔ̀ wlùh. Jɛ mɔ̀-a pɔ̀n ǐn dbǎ-a i̍. Ìh la mɔ̀-a nu̍-aɛ, Eblaɛɛn se̍ i̍h nu̍.

Chɔɔn 8:47

Nyɔ̍ ɔ̀ kɔn-a dǒ Nyɔsoa we̍-ɛ, nɛ̀ ɔ̍ wɔ̌n Nyɔsoa-a wlu̍. Ɛ̀ kɔn mɔ̀-ɔ wɔ̌n-a ɔ̍ wlu̍-ɛ, ɛ̍ nu̍ mɔ̀ se̍ dǒ ɔ̍ we̍ kɔn dɛbo.”

Nu̍-dɛ̍ᵻ 10:38

Jusu ɔ̀ sɔ-a dǒ Naaslɔɛ-ɛ, Nyɔsoa po̍ ɔ̍ Sùù dě ɔ̍ ku̍u̍, wɛ̀ ɔ̍ nyǐ ɔ̍ gbǐh. Ɛ̍ kɔn pò ɔ̍ mu̍ tàjɛ̀-ɛ, nɛ̀ ɔ̍ nu̍ dɛ̍ chɛ̀ iě ɔ̍ pǔh-i nyɔ̍ ùh Kǔ sìì-a wɔ̍n-ɛ, dɛ̍nu̍ɛ, Nyɔsoa-a naɛ ɔ̍ sɔ̍nᵻ we̍ i̍.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Kalase 1:19

Dɛ̍nu̍ɛ, Nyɔsoa-a wlùh tè i̍ ɔ̍ nɛka kli̍hgbɛ̍ iě dě ɔ̍ Jǔ la ja̍a̍ nɛ.

Kalase 2:9

Dě Nyɔsoa-a nɛka kli̍hgbɛ̍ di̍i̍ bo Klai nɛ.

Wlɛfeleseɔn 21:6

Iě ɔ̍ la̍a̍ dě ǐn we̍, “Ɛ̍ wɛ̀ i̍ wɛ̀. Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a. Mɔ̍ bo ɔ̀ nu̍ de̍ ke nya̍. Nyɔ̍ ɔ̀ nǐ nǎ tɔ̌n-a nu̍-aɛ, nɛ̀ ǎn mu̍ ɔ̍ nǎ-nǐ ɛ̀ sɔ-a dě kao̍dlu ɛ̀ nyǐ-a nyɔ̍ feɛ-ɛ nyǐ bu̍ɛ̍i̍.

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.