Chɔɔn 3:18 - Ku̍o̍ Delee 1999

¹⁸ Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Chɔɔn 3:18 Iomraidhean Croise

Pɔ̀n Chɛ̀ Maɛ To-a La 16:16

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Chɔɔn 1:12

Jɛ nyɔ̍ juh gbɛ̍n-a ɔ̍ tìh i̍ iě u̍h gbaɛ-a ɔ̍ wlùh-ɛ, ɔ̍ nu̍ ɛ̍ iě u̍h nu̍ Nyɔsoa-a nynuu̍.

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 20:31

Ìh la i̍h chlǐh-ɛ, wɛ̀ mɔ̀ iě ɛ̍ tìh chɛ̀ po̍ ka Jusu nu̍-a Nyɔsoa-a Jǔ ɔ̀ nu̍-a ɔ̍ Chèɛ̀ Tba̍ju-ɛ. Nɛ̀ wlùh gbaɛ blě-ɛ bo ɛ̀ mu̍ mɔ̀ feɛ nyǐ dǒ ɔ̍ nynɛ̌ kɛ̍n.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

Chɔɔn 6:40

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Chɔɔn 6:47

Tìh-a taǐn ǎn sèàɛ̍ mɔ̀ wlùh, nyɔ̍ jɔ gbaɛ-a ǐn wlùh-ɛ, nɛ̀ ɔ̍ blě kmɔ̌ sie feɛ.

Wloma 5:1

Nɛ̀ɛ̍, ka à wlùh gbaɛ blě-ɛ nu̍-a ɛ̍ iě Nyɔsoa slè-ea àɔ̀ i̍ slɛ̌-nyɔ̍-ɛ, nɛ̀ à ke Nyɔsoa-a wɔ̌ɛn wlu̍ i̍ dě à Joi Jusu Klai ja̍a̍.

Wloma 8:1

Nɛ̀ɛ̍, kaka la̍, nyɔ̍ ùh ke Jusu Klai nɛ-a due-ɛ, u̍h se̍ kɛ̀n sà-ɛɛ.

Wloma 8:34

Nyɔ̍we̍ bo ɔ̀ bɛ̌ɛ àɔ̀ kɛ̀n sà-a ɛ? Jusu Klai ae? Iěe, ɔ̍ jɔ mɛ̌-a wɛ̀ ɔ̍ wlǔh-ae dode̍ iě ɔ̍ tè-a ka i̍ dǒ Nyɔsoa-a di̍na̍ sɔ̍n we̍ wɛ̀ ɔ̍ bla̍-ɛ ɔ̍ gbòɛ̀ i̍ à tìh-ɛ, ɔ̍ bo ɔ̀ mu̍ à kɛ̀n sà ae?

Iblu 12:25

Mɔ̀ nu̍ ɛ̍ Nyɔsoa ɔ̀ wlu-a dě mɔ̀ we̍-ɛ, wɛ̀ mɔ̀ɔ̍ je̍e ɔ̍ dounᵻ i̍ sà. Dɛ̍nu̍ɛ, Eslɔɛ nyɔ̍ ùh sà-a ɔ̍ slɛ̌n tù wlu̍ dounᵻ i̍ nɔ̌ bloɔ̍-ɛ, u̍h se̍-o tàn. Nɛ̀ ɔ̍ slɛ̌n tù wlu̍ sɔ-a dě ja̍i̍wlɔ̀-ɛ, pò à sà ɛ̍ dounᵻ i̍-ɛ, nɛ̀ ka à mu̍-o tàn-a nu̍ ɛ?

Iblu 2:3

Nɛ̀ɛ̍, Nyɔsoa-a nyɔ̍ pǔh-iɛ ɛ̀ ku̍-a wɔ̍n-ɛ, pò à sà ɛ̍ dounᵻɛ́, nɛ̀ ka à mu̍-o tàn-a nu̍ ɛ? Joi-a chɛ̀ bo ɔ̀ nu̍ sàǐtòò nyɔ̍ ɔ̀ po̍ pǔh-ɛa tu̍owli la. Wɛ̀ nyɔ̍ ùh wɔ̌n-a ɔ̍ wlu̍-ɛ, iě u̍h to ɛ̍ àɔ̀ i̍ ka ɛ̍ nu̍-a gblangbai̍-ɛ.

Iblu 3:19

Ka u̍h se̍-a deě i̍ sǐ-ɛ bɛ̌ɛ-ɛ, à jě ɛ̍ wɛ̀, dɛ̍nu̍ɛ, u̍h se̍ wlùh gbaɛ blě.

1 Chɔɔn 3:23

Ɔ̍ telě-a chɛ̀ nu̍, à gbaɛ ɔ̍ Jǔ Jusu Klai wlùh, à iě we̍ jbɛɛ. Kǎ ɔ̍ nu̍ à wlùh sèàɛ̍.

1 Chɔɔn 4:9

Kǎ Nyɔsoa nu̍ ka ɔ̍ jbɛɛ to-ɛ nɔ̌ à nynɛ̌. Ɔ̍ dbo̍ ɔ̍ Jǔ jɔɛ̍ due gbài̍ nɔ̌ kmɔ̌ we̍. Pò à jii ɔ̍-ɛ, wɛ̀ à iě kmɔ̌ nɛ.

1 Chɔɔn 5:10

Nɛ̀ɛ̍, nyɔ̍ ɔ̀ gbaɛ-a Nyɔsoa-a Jǔ wlùh-ɛ, nɛ̀ ɔ̍-ɔ bo ɔ̀ po̍ dɛ̍ Nyɔsoa dǎ-a tìh chɛ̀. Jɛ nyɔ̍ ɔ̀ se̍-a Nyɔsoa tìh chɛ̀ po̍-ɛ, nɛ̀ ɔ̍ jě ɔ̍ si̍h-i. Dɛ̍nu̍ɛ, nɛ̀ sàànsi̍i̍h Nyɔsoa nu̍-a dǒ ɔ̍ Jǔ we̍-ɛ, ɛ̍ bo ɔ̍ se̍ tìh chɛ̀ po̍.

1 Chɔɔn 5:12

Nyɔ̍ ɔ̀ gba̍-a Jǔ la-ɛ, nɛ̀ ɔ̍ blě feɛ. Nyɔ̍ ɔ̀ se̍-a Jǔ la gba̍-ɛ, nɛ̀ ɔ̍ se̍ feɛ blě.