Chɔɔn 3:16 - Ku̍o̍ Delee 1999

¹⁶ Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 3:16 Iomraidhean Croise

Matio 9:13

Jɛ wlu̍ la ɛ̀ la̍a̍, ‘Wɔɛ bo ǎn pɔ̀n, ǐn se̍ slaǎ sà-a pɔ̀n,’ mɔ̀ mu̍ mɔ̀ iě ɛ̍ cheǎn mɔ̀ iě ɛ̍ gbɔ̀ juo. Dɛ̍nu̍ɛ, ǐn se̍ i̍ slɛ̌-nyɔ̍ i̍ pɔ̀n la̍-a ji̍, jɛ gblɛ̍n sɔ̀ɛ̀n nyɔ̍ bo ǐn ji̍ i̍ pɔ̀n la̍-a.”

Pɔ̀n Chɛ̀ Maɛ To-a La 12:6

Jɛ nɛ̀ nyɔ̍ due sie-o ke̍ ɔ̍ iě dbo̍. Ɔ̍ chɛ̀-a tìh kma jǔ bo ɔ̍ bɔ̌ɛ dbo̍-ɛ. Ɔ̍ la̍a̍, ‘Ǎn jǔ nɔ̀ɔ̍, u̍h-a mu̍ ɔ̍ dɛ̍ɛ̍ jě.’

Pɔ̀n Chɛ̀ Luu To-a La 2:14

“Mɔ̀ à bɛ̌-ɛ Nyɔsoa-a nynɛ̌ i̍, ɔ̀ tǐn-a dě ja̍i̍wlɔ̀-ɛ, nɛ̀ nyɔ̍ ùh-a pɛ̌n-ɛa ɔ̍ wlùh i̍ nɔ̌ bloɔ̍-ɛ, pɔ̀ìě dǒ u̍h we̍.”

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Chɔɔn 10:28

Wɛ̀ ǐn nyǐ i̍h kmɔ̌ sie feɛ, i̍h se̍ gba̍ mɛ̌. Nyɔ̍-o-nyɔ̍ se̍ i̍h ǐn kwa̍a̍ flǎ-a bɛ̌ɛ.

Chɔɔn 3:15

Wɛ̀ nyɔ̍ ùh-a mu̍-a ɔ̍ wlùh gbaɛ-ɛ u̍h iě kmɔ̌ sie feɛ blě.

Chɔɔn 3:18

Nyɔ̍ jɔ gbaɛ-a ɔ̍ wlùh-ɛ, nɛ̀ tìh se̍ ɔ̍ gbɛ̍n. Jɛ jɔ se̍-a ɔ̍ wlùh gbaɛ-ɛ, nɛ̀ tìh gbɛ̍n ɔ̍ wɛ̀ se̍e̍, dɛ̍nu̍ɛ, ɔ̍ se̍ Nyɔsoa-a Jǔ due gbài̍ wlùh gbaɛ.

Chɔɔn 3:36

Nyɔ̍ jɔ gbaɛ-a Jǔ la wlùh-ɛ, nɛ̀ ɔ̍ blě kmɔ̌ sie feɛ. Jɛ nyɔ̍ jɔ se̍-a Jǔ la ɔ̍ wlu̍ nu̍-ɛ, ɔ̍ se̍ feɛ jě mu̍. Jɛ nɛ̀ Nyɔsoa-a mu̍ ɔ̍ kàn gbɛ̍n.

Chɔɔn 6:40

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Wloma 5:10

À nu̍ Nyɔsoa nyɛ̌-nyɔ̍ de, jɛ ɔ̍ Jǔ-a mɛ̌-ɛ bo ɛ̀ gbe̍ɛ̍ɛn ɔ̍ ke à kɛ̍n i̍ dode̍. Ka ɔ̍ gbe̍ɛ̍ɛn-a à kɛ̍n i̍ wɛ̀ dode̍-ɛ, jɛ nɛ̀ ɔ̍ kmɔ̌ i̍ tè naɛ bo ɛ̀ se̍ à pǔh-i mu̍ ae?

Wloma 5:8

Jɛ Nyɔsoa to ɛ̍-ɛ ka ɔ̍ jbɛɛ-a àɔ̀-ɛ. Ti̍ à nɛ-a dě gblɛ̍n sɔ̀ɛ̀n di̍i̍-ɛ, wɛ̀ Klai mɛ̌ à tìh.

Wloma 8:32

Ɔ̀ se̍-a ɔ̍ chɛ̀-a Jǔ tɛ̌n tè iě ɔ̍ sà-a ɔ̍ kwlǎ dǒ àɔ̀ kli̍hgbɛ̍ we̍-ɛ, dǒ-o bo ɔ̍ se̍ àɔ̀ dɛ̍ᵻ kli̍hgbɛ̍ nyǐ i̍ mu̍ ke ae?

Ɛfɛsɔ 2:4

Jɛ Nyɔsoa-a wɔɛ bo ɛ̀ tìè i̍, iě ɔ̍ àɔ̀ jbɛɛ ku̍ wɔ̍n.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

Taitɔ 3:4

Jɛ Nyɔsoa ɔ̀ nu̍-a à Sèìe Nyɔ̍-ɛ, ti̍ ɔ̍ gblɛ̍n-ɛ nmɔ-ɛ ke nyɔ̍-ɔ jbɛɛ-ɛ wlǔh-a tà-ɛ,

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 4:19

À jbɛɛ, dɛ̍nu̍ɛ, Nyɔsoa bo ɔ̀ jbɛɛ àɔ̀ sàǐtòò.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.