Chɔɔn 3:13 - Ku̍o̍ Delee 1999

¹³ Nyɔ̍ dɔɔ se̍a dě ja̍i̍wlɔ̀ mu̍, jɔ nu̍-a Nyi̍ɔ̍-a Jǔ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o.”

Chɔɔn 3:13 Iomraidhean Croise

Chɔɔn 6:38

Dɛ̍nu̍ɛ, dě ja̍i̍wlɔ̀ ǐn sɔ-a wɛ̀ ǐn ji̍-a nɔ̌ bloɔ̍-ɛ, ǐn se̍ ji̍ iě ǎn chɛ̀-a wlùh nu̍. Jɛ ǐn ji̍-i nyɔ̍ ɔ̀ dbo̍-a m-ɛ, iě ɔ̍ wlùh nu̍.

Nu̍-dɛ̍ᵻ 2:34

Jɛ Depe se̍a dě ja̍i̍wlɔ̀ mu̍ wɛ̀ ɔ̍ la̍a̍, ‘Joi la̍a̍ dě ǎn Joi we̍, Tè i̍ da̍a ǎn di̍na̍ we̍ te̍e̍

Chɔɔn 1:18

Nyɔ̍-ɔ se̍a Nyɔsoa jě. Jɛ Jǔ jɔɛ̍ due gbài̍ ɔ̀ nɛ-a dǒ Baa Nyɔsoa pùn-ɛ, ɔ̍-ɔ bo ɔ̀ nɛ kmɔ̌ iě nyɔ̍-a juo Nyɔsoa.

1 Kɔwlɛntiɔn 15:47

Sàǐtòò Adaun nui-ɛ blǔh nɔ̌ bloɔ̍, iě Adaun-a sɔɔ̌n naɛ sɔ dě ja̍i̍wlɔ̀.

Chɔɔn 13:3

Jusu juo i̍h ka Baa po̍-a dɛ̍ᵻ kli̍hgbɛ̍ dě ɔ̍ kwa̍a̍, iě ɔ̍ sɔ-a dě Nyɔsoa we̍ wɛ̀ ɔ̍ mu̍-a la̍ dě de̍ Nyɔsoa we̍-ɛ.

Wloma 10:6

Nyɔsoa-a wlu̍ bla̍ ɛ̀ la dǒ nyɔ̍ ùh slɛ̌-a i̍ dě wlùh gbaɛ blě-ɛ di̍i̍-ɛ we̍, ɛ̍ la̍a̍, “Nyɔ̍ bɔ̌ ka dǎ-a dě ɔ̍ chɛ̀-a wlùh di̍i̍, nyɔ̍ bo ɔ̀ mu̍ dě ja̍i̍wlɔ̀ nɔ̀ɔ̍ mu̍ ɛ?” (wɛ̀ ɔ̀ iě Klai tlìh-iɛ).

Chɔɔn 6:62

Nɛ̀ pò mɔ̀ jě Nyi̍ɔ̍-a Jǔ wɛ̀ ɔ̍ iě dě de̍ ja̍i̍ tà ɔ̍ nɛ-a se̍e̍-ɛ mu̍-ɛ, nɛ̀ ka mɔ̀-a mu̍ nɛ ɛ?

Chɔɔn 3:31

Nyɔ̍ ɔ̀ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì. Nɛ̀ nyɔ̍ ɔ̀ sɔ-a nɔ̌ bloɔ̍-ɛ, ɔ̍ kɔn nɔ̌ bloɔ̍ iě ɔ̍ wlu nɔ̌ bloɔ̍ nɛ dɛ̍. Jɔ sɔ-a dě ja̍i̍wlɔ̀-ɛ, ɔ̍ nɛ dǒ nyɔ̍ kli̍hgbɛ̍ dlǔwèàì.

Chɔɔn 6:46

Ɛ̍ se̍ nɛ̀ nyɔ̍ dɔɔ jě Baa wɛ̀ ka i̍, jɛ nyɔ̍ ɔ̀ sɔ-a dě ja̍i̍wlɔ̀-ɛ, ɔ̍ kɔn tɛ̀ ǐn sà-o. Ɔ̍ bo ɔ̀ jě ɔ̍ wɛ̀.

Chɔɔn 6:42

U̍h la̍a̍, “Na̍ Josɛ-a jǔ Jusu ɔ̀ kɔn de̍ ke baa à juo-aɛ, ɛ̍ se̍ ɔ̍ mɔ ae? Nɛ̀ ka ɛ̍ nu̍ wɛ̀ ɔ̍ la̍ ɔ̍ bo ɔ̀ sɔ dě ja̍i̍wlɔ̀ ɔ̀ ji̍ nɔ̌ bloɔ̍ ɛ?”

Chɔɔn 17:5

Nɛ̀ɛ̍, Baa, bɛ̌-ɛ ǎn nynɛ̌ i̍ kaka dǒ ìn jlǐhwai, ɛ̀ nu̍-a nynɛ̌-a i̍ bɛ̌-ɛ à blě-a se̍e̍ wɛ̀ kmɔ̌ iě-a nui-ɛɛ ɛ̍ bo ǎn dǎ.

Chɔɔn 8:42

Jusu la̍a̍, “Pò Nyɔsoa nu̍ mɔ̀ Baa de-ɛ, nɛ̀ mɔ̀-a mu̍ ǐn jbɛɛ de, dɛ̍nu̍ɛ, ǐn sɔ dě Nyɔsoa we̍ wɛ̀ ǐn nɛ da̍a. Ǐn se̍ dǒ ǎn chɛ̀-a sɔ̍n kɛ̍n jii, ɔ̍-ɔ bo ɔ̀ dbo̍ m.

Chɔɔn 6:51

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Chɔɔn 6:33

Nyɔ̍ ɔ̀ sɔ-a dě ja̍i̍wlɔ̀ ɔ̀ ji̍-a nɔ̌ bloɔ̍ wɛ̀ ɔ̍ nyǐ-a kmɔ̌ nyɔ̍ feɛ-ɛ, ɔ̍ bo ɔ̀ nu̍ blèe̍ Nyɔsoa-a nyǐ nyɔ̍.”

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Matio 28:20

Nɛ̀ mɔ̀ po̍ u̍h nǎ wɛ̀ u̍h iě dɛ̍ᵻ kli̍hgbɛ̍ ǐn sèàɛ̍-a mɔ̀ wlùh-ɛ nu̍. Nɛ̀ ǎn mu̍ mɔ̀ sɔ̍nᵻ we̍ i̍ naɛ ti̍ kli̍hgbɛ̍ we̍, sɔ da̍a ìè dě ti̍-a dlǔ i̍ chlà la̍ mu̍.”

Ɛfɛsɔ 1:23

Chɔchi̍h bo ɛ̀ wɔ̀ Klai-a ku̍ iě ɔ̍ wɔ̀ ɛ̍ dlǔ, wɛ̀ ɔ̍ jǐi chɔchi̍h i̍. Ɔ̍ nɛ tà kli̍hgbɛ̍, iě ɔ̍ jǐi kmɔ̌ kli̍hgbɛ̍-ɛ i̍.

Matio 8:20

Wɛ̀ Jusu la̍a̍ dě ɔ̍ we̍, “Kwlǎ nmi̍i̍ blě pɛ̌na̍ wɛ̀ na̍wɛ̍ᵻ blě tlěᵻ. Jɛ Nyi̍ɔ̍-a Jǔ nɔ̀ɔ̍, ɔ̍ se̍ tè la̍ kɔn.”

Chɔɔn 3:12

Ǐn sèàɛ̍ mɔ̀ kmɔ̌ we̍ dɛ̍ᵻá tìh wlùh wɛ̀ mɔ̀ se̍ i̍h tìh dǎɛ. Nɛ̀ pò ǐn sèàɛ̍ mɔ̀ wlùh dɛ̍ᵻ nɛ-a dě ja̍i̍wlɔ̀-ɛ tìh-ɛ, nɛ̀ ka mɔ̀-a mu̍ i̍h tìh dǎɛ nu̍ ɛ?