Chɔɔn 20:1 - Ku̍o̍ Delee 1999

¹ Ɛ̍ nu̍ Sɔnde̍ bla-a klàɛ̍we̍ gbàìn nɛ̀ dě sɔ̀n se̍ i̍ flɔn ke̍, iě Mɛle Makalin mu̍ dě Jusu-a gbàlɔ̍ we̍. Ɔ̍ iě-ae gbɛ̀n-ɛ, nɛ̀ sɔɔ̌ ɛ̀ nɛ-a dǒ ɛ̍ wɔ̍i̍n-ɛ, nɛ̀ ɛ̍ sɔ-o wɛ̀.

Chɔɔn 20:1 Iomraidhean Croise

Matio 27:56

Nɛ̀ u̍h ke Mɛle Makalin nɛ-o, nɛ̀ Chiin ke Josɛ de̍ Mɛle nɛ-o ke, ɛ̍ ke Sɛɛbedii-a nynɔ̌ ke.

Matio 27:60

Josɛ-a gbàlɔ̍ biě delee ɔ̍ blě-a, iě ɔ̍ tè Jusu i̍ dě ɛ̍ di̍i̍. Gbàlɔ̍ biě-a chɛ̀ ɔ̍ blǔ ɛ̍-ɛ dǒ sɔɔ̌ wlì. Wɛ̀ ɔ̍ kli̍bo sɔɔ̌ gbo̍ klaa dɛɛ iě ɔ̍ kaɛn ɛ̍ dǒ gbàlɔ̍ biě-a chɛ̀ wɔ̍i̍n. Wɛ̀ ɔ̍ dǔ mu̍-ɛ.

Matio 27:64

ìè nyɔ̍ slǔh po̍ u̍h iě ɔ̍ gbàlɔ̍ laa̍ jlǐhɛ̍ tù te̍e̍ wɛ̀ wǐh ta̍a̍n laa̍ i̍h iě wɛ̀. Wɛ̀ ɔ̍ kòà-a je̍e ɔ̍ kǔ laa̍ jlǐ. Jɛ pò u̍h jlǐ ɛ̍-ɛ, nɛ̀ u̍h-a mu̍ nyɔ̍gbei wlùh sèàɛ̍ u̍h iě ka nu̍ ɔ̍ wlǔh-e. Nɛ̀ bɔ̌ɛ-o si̍h u̍h-a mu̍-a ka tmɔ̌-ɛ, ɛ̍ mu̍ sàǐtòò naɛ sìì.”

Matio 27:66

Wɛ̀ u̍h tù nyɔ̍-ɔ je̍e gbàlɔ̍ biě-a chɛ̀ wɔ̍i̍n pɔ̀ni tìh-ɛ, iě u̍h sa̍n sɔɔ̌ nɛ-a dǒ ɛ̍ wɔ̍i̍n-ɛ. Wɛ̀ u̍h dǔ fledlǔ dǒ ɛ̍ wɔ̍i̍n sie-ɛ, u̍h iě ɛ̍ jlǐhɛ̍ tù.

Matio 28:1

Juu-a wlè-weɛ̍ sì-aɛ, ɛ̍ nu̍ Sɔnde̍-a klàɛ̍we̍ gbàìn, wɛ̀ Mɛle Makalin ke Mɛle dɔɔ mu̍ dě Jusu-a gbàlɔ̍ we̍ gbɛ̀n la̍.

Matio 28:2

U̍h iě-a kli dǎ-a nɛ̀ wlù poɔ-a chììn tba̍ blǔh wɛ̀, sɔ ɛ̍ ku̍ wɔ̍n kaa̍. Dɛ̍nu̍ɛ, nɛ̀ Joi-a ǐnchɔ̀-a sɔ dě ja̍i̍wlɔ̀ ɛ̍ ji̍ nɔ̌ bloɔ̍. Iě ɛ̍ mu̍ dě Jusu-a gbàlɔ̍ we̍, wɛ̀ ɛ̍ kli̍bo sɔɔ̌ nɛ-a dǒ ɛ̍ wɔ̍i̍n-ɛ, iě ɛ̍ tè ɛ̍ kɛ̍n.

Pɔ̀n Chɛ̀ Maɛ To-a La 15:46

Iě Josɛ tɛ̀n flɛmɛ̍ jliɛ̍, wɛ̀ ɔ̍ sà Jusu-a kǔ dǒ ja̍i̍. Wɛ̀ ɔ̍ pìàɛ̍n ɔ̍ ku̍ jliɛ̍ laa̍ i̍. Iě ɔ̍ tè ɔ̍ i̍. Gbàlɔ̍ biě-a chɛ̀ ɔ̍ blǔ i̍-ɛ dǒ sɔɔ̌ wlì. Wɛ̀ ɔ̍ kli̍bo sɔɔ̌ gbo̍ klaa dɛɛ iě ɔ̍ kaɛn ɛ̍ dǒ gbàlɔ̍ biě-a chɛ̀ wɔ̍i̍n.

Pɔ̀n Chɛ̀ Maɛ To-a La 16:9

Ti̍ Jusu wlǔh-ae Sɔnde̍-a klàɛ̍we̍ gbàìn-ɛ, Mɛle Makalin ɔ̍ sà-a jeědih mɛ̀sɔɔ̌n de̍e̍-ɛ, ɔ̍-ɔ bo ɔ̀ nu̍ sàǐtòò nyɔ̍ ɔ̍ wlǔh-i i̍.

Chɔɔn 11:38

Sɔ ɛ̍ nu̍ Jusu-a wlùh-a wàànwààn dɛ, iě ɔ̍ mu̍ dǒ gbàlɔ̍ biě-a chɛ̀ wɔ̍i̍n. Wɔ̍ bo iě u̍h kaɛn ɛ̍ sɔɔ̌ wɔ̍i̍n.

Chɔɔn 11:41

Wɛ̀ u̍h sà-o sɔɔ̌ laa̍. Iě ɔ̍ gbɛ̀n dě ja̍i̍, wɛ̀ ɔ̍ la̍a̍, “Baa, ǐn po̍ ìn tlɔ̌ ka àn dounᵻá nɛ-a nɔ̌ ǐn we̍-ɛ.

Chɔɔn 19:25

Gbàɛ̍ kɛ̍n i̍ tu̍ kɔn wlì u̍h kɔ̍-ɛa Jusu-ɛ, ùh nyna-a ɛ̍ pùn-ɛ, ɛ̍ nu̍ ɔ̍ de̍ ke, ɔ̍ de̍ de̍di̍i̍ nynɔ̌gbaɔ ke, Mɛle ɔ̀ nu̍-a Klopa-a nynɔ̌-ɛ ke, ɛ̍ ke Mɛle Makalin ke.

Chɔɔn 20:26

Wǐh mɛ̀ta̍a̍n sì-aɛ, wɛ̀ ɔ̍ kòà gbǎ tàdùè dɛ dě gbò. Nɛ̀ u̍h ke Tɔmɔ nɛ-o, iě u̍h gbà dǒ gbò-a chɛ̀ wɔ̍i̍n. Dǒ Jusu ji̍-i iě ɔ̍ nyna i̍ dě u̍h nynɛ̌. Ɔ̍ la̍a̍, “Wlùh-a i̍ tè-ɛ dǒ mɔ̀ we̍.”

Nu̍-dɛ̍ᵻ 20:7

Ɛ̍ nu̍-a Bɔ̌ɛ Kɔanwe̍-a wìe̍we̍-ɛ, wɛ̀ à gbǎ tàdùè à iě sɔ̍n jǔ gbo̍a̍ɛ. Wɛ̀ Pɔɔ bla̍ tìh dě nyɔ̍ laa̍ we̍ te̍e̍ wɛ̀ ɛ̍ nu̍ tòloo slɛ̀ɛ̍n. Nɛ̀ sɔ̀n sɛ̀n-ɛ ɔ̍ mu̍ mu̍, ɛ̍ kɔn ɔ̍ tɛn-ɛ wlu-ɛ dlǔ.

1 Kɔwlɛntiɔn 16:2

Ka wlè-weɛ̍-a mu̍-a ji̍-ɛ, ka jɔ-a mu̍-a wlǐ jě-ɛ, nɛ̀ kǎ ɔ̍ iě-o dɛ̍ sà-a nu̍ ɔ̍ iě i̍ tè, wɛ̀ pò ǐn ji̍-ɛ, mɔ̀-ɔ jěe wlǐ sà.

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.