Chɔɔn 2:11 - Ku̍o̍ Delee 1999

¹¹ Ɛ̀ la bo ɛ̀ nu̍ Jusu-a jbaɛdih-a sàǐtòò naɛ ɔ̍ po̍ dǒ Keina dě Kaladii bloa̍ kɛ̍n, iě ɛ̍ to ɔ̍ tìh-a i̍ bɛ̌-ɛ. Wɛ̀ ɔ̍ kòà gbaɛ ɔ̍ wlùh.

Chɔɔn 2:11 Iomraidhean Croise

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Chɔɔn 1:17

Nyɔsoa-a telě jii dě Mose ja̍a̍, jɛ ɔ̍ blɛ ke tìh-a taǐn kli̍hgbɛ̍ ìh kɔ̍-a dǒ ɔ̍ pùn i̍-ɛ, i̍h jii dě Jusu Klai ja̍a̍ iě à jě i̍h.

Chɔɔn 1:43

Sɔ̀n sɛ̀n-a dɛ-ɛ, wɛ̀ Jusu po̍ tìh gbɔ̀ ɔ̍ iě dě Kaladii fɔɔ mu̍. Wɛ̀ ɔ̍ pɔ̀n Felɔ i̍, iě ɔ̍ la̍a̍ dě ɔ̍ we̍, “Gbǎ dǒ ǐn de̍e̍.” (

Chɔɔn 1:50

Wɛ̀ Jusu la̍a̍, “Na̍ ǐn jě m̀ dǒ fei-tu̍ sɔ̀n dɛbo ɛ̍ kɔn ìn gbaɛ ǐn wlùh ae? Bɔ̌, àn mu̍ wɔ̍n ku̍ dɛ̍ᵻ diih jě i̍h iě jɛ la sìì.”

Chɔɔn 10:41

Iě nyɔ̍ dɔu mu̍ dě ɔ̍ we̍. Wɛ̀ u̍h la̍a̍, “Chɔɔn se̍ jbaɛdih po̍ gbɛɛ o, jɛ dɛ̍ᵻ kli̍hgbɛ̍ ɔ̍ sà-a dǒ jɔ̍gbau la pùn-ɛ, tìh-a taǐn bo o.”

Chɔɔn 11:15

Jɛ mɔ̀-a tìh-ɛ, sɔ ɛ̍ po̍ ǐn gbǐh wɛ̀ ǐn se̍-e nɛ, wɛ̀ mɔ̀ iě wlùh gbaɛ-ɛ blě. Mɔ̀ sɔ-ɔ à iě dě ɔ̍ we̍ mu̍.”

Chɔɔn 11:47

Ɛ̍ bo ɛ̀ nu̍ ɛ̍ wɛ̀ Fɛlesii nyɔ̍ ke slaǎ sà nyɔ̍ klaaᵻ deǎɛ Juu nyɔ̍-a taɔ klaaᵻ. U̍h la̍a̍, “Ɛ̀ jɔ̍gbau la ɔ̍ nu̍-a ka jbaɛdih dɔu po̍-ɛɛ, nɛ̀ dɛ̍we̍ à iě nu̍ ɛ?

Chɔɔn 12:18

Jbaɛdih la ɔ̍ po̍-aɛ, ɛ̍ pɔ̀n bo nyɔ̍ɔ wɔ̌n. Ɛ̍ kɔn nyɔ̍ tlùgbei̍ mu̍ ɔ̍ i̍ jǎɛ la̍.

Chɔɔn 12:37

Dǒ u̍h jlǐhwai bo ɔ̍ poe jbaɛdih dɔu la gbàkla̍a̍, jɛ u̍h se̍ ɔ̍ wlùh gbaɛ.

Chɔɔn 12:41

Asaia bla̍ ɛ̀ la, dɛ̍nu̍ɛ, ɔ̍ jě Jusu-a nynɛ̌-a i̍ bɛ̌-ɛ, iě ɔ̍ bla̍ ɛ̍ dǒ ɔ̍ pùn.

Chɔɔn 14:13

Nɛ̀ dɛ̍-o-dɛ̍ mɔ̀-a mu̍-a jbǎ dǒ ǎn nynɛ̌ kɛ̍n-ɛ, ǎn mu̍ ɛ̍ nu̍. Wɛ̀ Jǔ iě Baa-a nynɛ̌ i̍ bɛ̌-ɛ.

Chɔɔn 16:27

Baa-a chɛ̀ jbɛɛ mɔ̀ɔ̍ se̍e̍, dɛ̍nu̍ɛ, mɔ̀ jbɛɛ m, iě mɔ̀ po̍ ɛ̍ tìh chɛ̀ ka ǐn sɔ-a dě ɔ̍ we̍-ɛ.

Chɔɔn 16:30

Ka ìn juo-a dɛ̍ᵻ kli̍hgbɛ̍-ɛ, jɛwɛ̀ à jě ɛ̍. Nyɔ̍ se̍ ìn dɛ̍ i̍ tèle mu̍ dɛ. Ka ɛ̍ nɛ-a ka-ɛ, nɛ̀ à po̍ ɛ̍ tìh chɛ̀ ka ìn sɔ-a dě Nyɔsoa we̍-ɛ.”

Chɔɔn 2:1

Dǒ wǐh ta̍a̍n naɛ di̍i̍ wɛ̀ u̍h tù nynɔ̌ jla̍ ja peě dǒ Keina wlɔ̀ di̍i̍ dě Kaladii bloa̍ kɛ̍n. Nɛ̀ Jusu de̍ nɛ-o.

Chɔɔn 2:23

Ti̍ Jusu nɛ-a Juluslɛn dǒ Sììkɛ̍n Weɛ̍-a Peě tù ti̍ we̍-ɛ, jbaɛdih ɔ̍ po̍-aɛ bo nyɔ̍ dɔu jě iě u̍h gbaɛ ɔ̍ wlùh.

Chɔɔn 3:2

Ɔ̍-ɔ bo ɔ̀ mu̍ dě Jusu we̍ maɔ̍, iě ɔ̍ la̍a̍ dě ɔ̍ we̍, “Dlǔtu, à juo ɛ̍-ɛ mɔ̀ bo ɔ̀ nu̍ nǎ po̍ nyɔ̍ ɔ̀ sɔ dě Nyɔsoa we̍. Dɛ̍nu̍ɛ, nyɔ̍ ɔ̀ Nyɔsoa se̍-a we̍ nɛ-ɛ, nɛ̀ ɔ̍ se̍ jbaɛdih la po̍-ɛ bɛ̌ɛ.”

Chɔɔn 4:3

Ɔ̍ wɔ̌n-a ìh la-ɛ, iě ɔ̍ sɔ dě Judia fɔɔ, wɛ̀ ɔ̍ mu̍ de̍ Kaladii fɔɔ.

Chɔɔn 4:46

Wɛ̀ Jusu mu̍ dǒ de̍ Keina wlɔ̀ di̍i̍ i̍ nala dě Kaladii, tà ɔ̍ nui-a nǐ nmɔ̍ we̍i̍-ɛ. Nɛ̀ kwǐ nyɔ̍ due-a jǔ jɔ̍gbau-a poa-ɛ dǒ Kepanium wlɔ̀ di̍i̍.

Chɔɔn 4:54

Jusu-a sɔ Judia mu̍ dě Kaladii fɔɔ ìè jbaɛdih po̍-a gbɔ̍ᵻ sɔɔ̌n naɛ la.

Chɔɔn 5:23

Ɔ̍ nu̍ ɛ̍-ɛ wɛ̀ nyɔ̍ kli̍hgbɛ̍ iě Jǔ la ja̍ tè, ɛ̀ kɔn ba̍ u̍h-a nu̍-a Baa ja̍ tè-ɛ ke-ɛ. Nyɔ̍ ɔ̀ se̍-a Jǔ ja̍ tè-ɛ, nɛ̀ Baa jɔ dbo̍-a Jǔ-a chɛ̀-ɛ bo ɔ̍ se̍ ja̍ tè.

Chɔɔn 6:14

Nyɔ̍ laa̍ u̍h jě-a jbaɛdih la Jusu po̍-aɛ, wɛ̀ u̍h la̍a̍, “À po̍ ɛ̍ tìh chɛ̀, ɔ̀ la, Nyɔsoa-a tu̍owli po̍ nyɔ̍ ɔ̀ kɔn ɔ̀ iě-a nɔ̌ kmɔ̌ we̍ ji̍-ɛ, ɔ̍-ɔ bo.”

Chɔɔn 6:2

Iě nyɔ̍ tlùgbei̍ wɔ̀ dǒ ɔ̍ de̍e̍, dɛ̍nu̍ɛ, u̍h jě jbaɛdih ɔ̍ po̍-a dǒ wɛ̌ᵻ nyɔ̍ pùn-ɛ.

Chɔɔn 6:26

Wɛ̀ Jusu la̍a̍, “Tìh-a taǐn ǎn sèàɛ̍ mɔ̀ wlùh, jbaɛdih mɔ̀ jě-a ǐn po̍-aɛ, ɛ̍ se̍ i̍h-a tìh mɔ̀ se̍ ka ǐn i̍ pɔ̀n o. Jɛ mɔ̀ di̍-a blèe̍ mɔ̀ dbo̍-aɛ, ɛ̍ kɔn tìh mɔ̀-a pɔ̀n ǐn i̍ o.

Chɔɔn 6:30

Wɛ̀ u̍h la̍a̍ dě Jusu we̍, “Ɛ̀ ɛ̍ nɛ-a ka-ɛ, nɛ̀ jbaɛdih jɛwe̍ àn mu̍ po̍ à iě jě wɛ̀ à iě àn wlu̍ tìh dǎɛ ɛ? Dɛ̍ àn mu̍ nu̍ ɛ?

Chɔɔn 7:31

Jɛ nɛ̀ nyɔ̍ dɔu duuh gbaɛ ɔ̍ wlùh dě nyɔ̍ tlùgbei̍ laa̍ nynɛ̌. Iě u̍h la̍a̍, “Pò Chèɛ̀ Tba̍ju ji̍-ɛ, nɛ̀ ɔ̍ naɛ jbaɛdih-a mu̍ i̍ tìè i̍h iě jih jɔ̍gbau la ɔ̍ po̍-aɛ sìì ae?”

Chɔɔn 9:16

Fɛlesii nyɔ̍-a duuh la̍a̍, “Jɔ̍gbau la ɔ̍ se̍ dě Nyɔsoa we̍ sɔ ka̍ nɛ, dɛ̍nu̍ɛ, ɔ̍ se̍ wlè-weɛ̍ dɛ̍ɛ̍ jě.” Wɛ̀ duuh la̍a̍, “Nɛ̀ gblɛ̍n sɔ̀ɛ̀n nyɔ̍we̍ bo ɔ̀ bɛ̌ɛ ɔ̀ iě jbaɛdih kaɛn la po̍ ɛ?” Sɔ u̍h-a wlu̍ se̍ due nɛ dɛ.

2 Kɔwlɛntiɔn 3:18

Nɛ̀ɛ̍, à kli̍hgbɛ̍ à jě Joi-a tìh-a i̍ bɛ̌-ɛ dǒ à jua̍i̍ᵻ ìh se̍-a dɛ̍ kɛ̍n kaɛn-ɛ we̍. Joi-a Sùù bo ɛ̀ bǐi àɔ̀ i̍ dě ɔ̍ tu̍ di̍i̍ ma̍u̍, iě à wɔ̀ ɔ̍ tìh-a i̍ bɛ̌-ɛ ti̍ kli̍hgbɛ̍ we̍.

2 Kɔwlɛntiɔn 4:17

Jua̍i̍ sàɛ̀ juwɛ la ɛ̀ se̍-a i̍ wlè mu̍-ɛ, ɛ̍ po̍ à gba̍a̍ dǒ kmɔ̌ sie tìh-a i̍ bɛ̌-ɛ ɛ̀ se̍-a i̍ blaɛ dɛ̍ kɔn-ɛ we̍.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

1 Chɔɔn 5:13

Mɔ̀ɔ̍ ùh gbaɛ-a Nyɔsoa-a Jǔ wlùh-ɛ, ǎn chlǐh mɔ̀ ɛ̀ la we̍ wɛ̀ mɔ̀ iě ɛ̍ juo ka mɔ̀ blě-a kmɔ̌ sie feɛ-ɛ.