Chɔɔn 18:4 - Ku̍o̍ Delee 1999

⁴ Jɛ Jusu juo dɛ̍ᵻ ìh-a mu̍-a ɔ̍ jii̍ nɛ-ɛ, wɛ̀ ɔ̍ mu̍ u̍h wlì. Wɛ̀ ɔ̍ la̍a̍ dě u̍h we̍, “Nyɔ̍ mɔ̀-a pɔ̀n i̍ ɛ?”

Chɔɔn 18:4 Iomraidhean Croise

Matio 16:21

Sɔ dǒ ti̍ laa̍ di̍i̍-ɛ, ka Jusu kɔn ɔ̍ iě-a dǒ Juluslɛn wlɔ̀ di̍i̍ mu̍ wɛ̀ ɔ̍ iě-a jua̍i̍ sàɛ̀ dɛ̍blɔ dě nyɔ̍ klaaᵻ ke, Nyɔsoa-a slaǎ sà nyɔ̍ klaaᵻ ke telě nǎ poe nyɔ̍ kwa̍a̍-ɛ, sɔ ɔ̍ flɔn-ɛ la̍ dě ɔ̍ kòà di̍i̍ i̍ sǔh. Wɛ̀ ka pò u̍h dbǎ ɔ̍ wǐh ta̍a̍n sì-ɛ, nɛ̀ ɔ̍ mu̍-ae wlǔh-ɛ, wɛ̀ ɔ̍ sèàɛ̍ u̍h wlùh.

Matio 26:2

“Mɔ̀-a chɛ̀ juo ɛ̍-ɛ, ɛ̍ si̍e̍-o wǐh sɔɔ̌n ɛ̍ iě Sììkɛ̍n Weɛ̍-a Peě nu̍. Dǒ-o bo Nyi̍ɔ̍-a Jǔ-a mu̍ kwlǎ sà-ɛ, wɛ̀ ɔ̍ iě kɔ̍-ɛ dǒ gbàɛ̍ kɛ̍n i̍ tu̍ wlì.”

Matio 26:21

Ti̍ u̍h-a di̍-a la̍ dɛ̍-ɛ, iě ɔ̍ la̍a̍, “Bɔ̌ ǐn sèàɛ̍ mɔ̀ tìh-a taǐn wlùh, mɔ̀-a nyɔ̍ due-a mu̍ ǐn kwlǎ sà.”

Matio 26:31

Wɛ̀ Jusu la̍a̍ dě ɔ̍ kòà we̍, “Wlù weɛ̍ la mɔ̀ kli̍hgbɛ̍ mɔ̀-a mu̍ kwlǎ gbǎ mɔ̀ iě ǐn si̍e̍. Dɛ̍nu̍ɛ, kǎ ɛ̍ nu̍ chlǐh-ɛ dě Nyɔsoa-a wlu̍ di̍i̍. Ɛ̍ la̍a̍, ‘Ǎn mu̍ blawɛ̌ᵻ we̍ i̍ gbɛ̀n nyɔ̍ dbǎ, nɛ̀ blawɛ̌ᵻ gbà la ɛ̍ mu̍ ja̍i̍ gbà.’

Pɔ̀n Chɛ̀ Luu To-a La 24:44

Wɛ̀ ɔ̍ la̍a̍ dě u̍h we̍, “Ti̍ mɔ̀ ke ǐn ke à na-aɛ, ìh kɔn taǐn ǐn bla̍-a dě mɔ̀ we̍-ɛ, i̍h bo ìh-a nɛ-a. Na̍ dɛ̍ᵻ kli̍hgbɛ̍ ìh chlǐh-a dě Mose-a telě chlǐh-dɛ̍ᵻ ke, Nyɔsoa-a tu̍owli po̍ nyɔ̍ naɛ ke Duǐh Chlǐh-dɛ̍ di̍i̍-ɛ, i̍h kɔn i̍h iě chɛ̀-ɛ gbǎ.”

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 13:11

Nɛ̀ Jusu juo nyɔ̍ ɔ̀ mu̍-a ɔ̍ kwlǎ sà-a wɛ̀ se̍e̍. Ɛ̍ kɔn ɔ̍ la̍a̍, “Ɛ̍ se̍ mɔ̀ kli̍hgbɛ̍ ùh se̍ flɛ̀n wɛ̀.”

Chɔɔn 18:5

U̍h la̍a̍, “Jusu ɔ̀ sɔ-a dǒ Naaslɔɛ wlɔ̀ di̍i̍-ɛ bo à pɔ̀n i̍.” Ɔ̍ la̍a̍, “Mɔ̍ la.” Juda jɔ nu̍-a nyɔ̍ kwlǎ sà nyɔ̍-ɛ, nɛ̀ ɔ̍ nyna u̍h pùn.

Chɔɔn 18:7

Wɛ̀ Jusu tèle u̍h i̍ dɛ. Ɔ̍ la̍a̍, “Nyɔ̍ mɔ̀-a pɔ̀n i̍ ɛ?” U̍h la̍a̍, “Jusu ɔ̀ sɔ-a Naaslɔɛ bo à pɔ̀n i̍.”

Chɔɔn 19:28

Ti̍ Jusu juo-ao dɛ̍ i̍ ka dɛ̍ᵻ kli̍hgbɛ̍ wɛ̀-a i̍ wɛ̀-ɛ, iě ɔ̍ la̍a̍, “Dǒ ǐn wlì-a bǔ-i.” Ɔ̍ bla̍ ɛ̀ la wɛ̀ ɔ̍ iě Nyɔsoa-a wlu̍ kɛ̀ǐn po̍.

Chɔɔn 6:64

Jɛ mɔ̀-a nyɔ̍ duuh nɛ-o u̍h se̍ wlùh gbaɛ blě.” (Sɔ dě ti̍ Jusu tè-a nyɔ̍ nǎ po̍-ɛ gbɔ̀-ɛ we̍-ɛ, ɔ̍ juo nyɔ̍ juh se̍-a ɔ̍ wlùh gbaɛ mu̍-ɛ se̍e̍, ɛ̍ ke nyɔ̍ jɔ mu̍-a ɔ̍ kwlǎ sà-a ke.)

Nu̍-dɛ̍ᵻ 2:28

Wìè ɛ̀ nyǐ-a nyɔ̍ feɛ-ɛ, mɔ̀ bo ɔ̀ nu̍ ɛ̍ wɛ̀ ǐn juo ɛ̍ ka. Nɛ̀ àn mu̍ ɛ̍ nu̍ wɛ̀ mɔna̍ iě ǐn i̍ jǐi dǒ ìn jlǐhwai.’

1 Pitɛ 4:1

Nɛ̀ɛ̍, ka Klai jě-a ɔ̍ chɛ̀-a ku̍ wɔ̍n-ɛ, nɛ̀ mɔ̀ gbàɛ̀ mɔ̀ iě dě ɔ̍ tu̍ laa̍ di̍i̍ nɛ ke. Dɛ̍nu̍ɛ, nyɔ̍-o-nyɔ̍ ɔ̀ jě-a ɔ̍ chɛ̀-a ku̍ wɔ̍n-ɛ, nɛ̀ ɔ̍ sɔ dě gblɛ̍n sɔ̀ɛ̀n di̍i̍ wɛ̀.