Chɔɔn 17:3 - Ku̍o̍ Delee 1999

³ Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 17:3 Iomraidhean Croise

Pɔ̀n Chɛ̀ Maɛ To-a La 9:37

“Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍-o-nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɛ̍ se̍ ǎn tìh ɔ̍ se̍ i̍ gbɛ̍n, jɛ nɛ̀ nyɔ̍ ɔ̀ dbo̍-a m-ɛ, ɔ̍ kɔn tìh bo ɔ̍ gbɛ̍n i̍ wɛ̀.”

Pɔ̀n Chɛ̀ Luu To-a La 9:48

Wɛ̀ ɔ̍ la̍a̍, “Nyɔ̍-o-nyɔ̍ ɔ̀ gbɛ̍n-a jǔwɛ la ɔ̍ tìh i̍ dǒ ǎn nynɛ̌ kɛ̍n-ɛ, nɛ̀ ɔ̍ gbɛ̍n ǎn tìh i̍ wɛ̀ ke. Nɛ̀ nyɔ̍-o-nyɔ̍ ɔ̀ gbɛ̍n-a ǎn tìh i̍-ɛ, nɛ̀ ɔ̍ gbɛ̍n nyɔ̍ ɔ̀ dbo̍-a m-ɛ ɔ̍ tìh i̍ wɛ̀ ke. Nɛ̀ nyɔ̍ ɔ̀ ja-a ɔ̍ chɛ̀ wlù dě mɔ̀ kli̍hgbɛ̍ nynɛ̌-ɛ bo ɔ̀ ku̍ wɔ̍n ɔ̀ sìì ɔ̍ ba̍ᵻ.”

Chɔɔn 10:36

Jɛ nɛ̀ mɔ̍ jɔ Baa Nyɔsoa tè-a tɛ̌n wɛ̀ ɔ̍ dbo̍-a nɔ̌ kmɔ̌ we̍-ɛ, nɛ̀ pò na̍ mɔ̍ ɔ̍ Jǔ-ɛ, nɛ̀ dɛ̍ bo ɛ̀ nu̍ ɔ̍ wɔ̍n blaɛ dɛ ǐn nu̍ ɛ?

Chɔɔn 11:42

Ǐn juo i̍h ka àn dounᵻá nɛ-a nɔ̌ ǐn we̍ ma̍u̍-ɛ, jɛ nyɔ̍ la ùh nyna-a da̍a i̍-ɛ, ka ìn dbo̍-a m-ɛ, u̍h iě i̍h tìh chɛ̀ po̍ dɛbo ɛ̍ kɔn ǎn bla̍ jɛ la nɔ̀ɔ̍.”

Chɔɔn 14:26

Jɛ Nyɔsoa-a Sùù ɛ̀ naɛ-a nyɔ̍ sɔ̍nᵻ we̍ i̍-ɛ, Baa-a mu̍ ɛ̍ dbo̍ dǒ ǎn nynɛ̌ kɛ̍n, nɛ̀ ɛ̍ mu̍ mɔ̀ dɛ̍ᵻ kli̍hgbɛ̍ nǎ poe. Wɛ̀ ɛ̍ iě dɛ̍ᵻ kli̍hgbɛ̍ ǎn bla̍-a ka dě mɔ̀ we̍-ɛ dǒ mɔ̀ wlì i̍ sǐ-i.

Chɔɔn 17:18

Ka ìn nu̍-a ǐn dbo̍-ɛ nɔ̌ kmɔ̌ we̍-ɛ, kǎ ǐn nu̍ u̍h dbo̍-ɛ wɛ̀ ke dě kmɔ̌ we̍.

Chɔɔn 17:21

wɛ̀ u̍h kli̍hgbɛ̍ iě due nɛ. Baa, ka ìn nɛ-a m, iě ǐn nɛ-a m̀-ɛ, kǎ u̍h iě à-a nɛ-ɛ nu̍ ke. Wɛ̀ kmɔ̌ iě ɛ̍ tìh chɛ̀ po̍ ka ìn dbo̍-a m-ɛ.

Chɔɔn 17:23

Ǐn nɛ u̍h-u iě ìn nɛ m, wɛ̀ u̍h-a due nɛ-ɛ iě gblɛ̍ja̍i̍ wɛ̀. Wɛ̀ kmɔ̌ iě ɛ̍ juo ka ìn dbo̍-a m, iě ìn jbɛɛ-a u̍h-u ka ìn nu̍-a ǐn jbɛɛ-ɛ.

Chɔɔn 17:25

I̍ Slɛ̌ Baa, kmɔ̌ se̍ ìn juo, jɛ mɔ̍ɔ ǐn juo m̀, iě juh la u̍h juo ɛ̍ ka ìn dbo̍-a m-ɛ.

Chɔɔn 17:8

Tu̍owli ìn nyǐ-a m-ɛ, ǐn po̍ i̍h dě u̍h we̍, wɛ̀ u̍h gbɛ̍n i̍h i̍. Dě ìn we̍ bo ǐn sɔ-ɔ, iě u̍h juo ɛ̍ ka ɛ̍ nu̍-a tìh-a taǐn-ɛ. Ka ìn dbo̍-a m-ɛ, iě u̍h po̍ ɛ̍ tìh chɛ̀.

Chɔɔn 3:17

Nyɔsoa se̍ ɔ̍ Jǔ dbo̍ da̍a kmɔ̌ we̍ ɔ̍ iě ɛ̍ tìh gbɛ̍n-ɛ, jɛ wɛ̀ ɔ̍ iě ɛ̍ sèìe.

Chɔɔn 3:34

Nɛ̀ nyɔ̍ ɔ̀ Nyɔsoa dbo̍-aɛ, Nyɔsoa-a wlu̍ bo ɔ̍ wlu-i, dɛ̍nu̍ɛ, Nyɔsoa se̍ ɔ̍ Sùù-a kwlǎgbàì nyǐ.

Chɔɔn 5:44

Po̍ ìn ba̍ tìhwe̍ ìn ba̍ po̍ ìn tìhwe̍ bo ɛ̀ po̍ mɔ̀ gbǐh. Nyɔsoa nɛ due-a mɔ̀ tìhwe̍ po̍-ɛ se̍ mɔ̀ i̍ gbɛ̍n. Nɛ̀ ka mɔ̀-a mu̍ ǐn wlùh gbaɛ nu̍ ɛ?

Chɔɔn 6:57

Baa ɔ̀ nyǐ-a nyɔ̍ feɛ-ɛ ɔ̍ dbo̍ m. Ɔ̍ tìh bo ɛ̀ nɛ-ɛ ǐn kmɔ̌. Nɛ̀ɛ̍, nyɔ̍ jɔ mu̍-a ǎn ku̍ di̍-ɛ, nɛ̀ ǎn mu̍ ɛ̍ nu̍ ɔ̍ iě kmɔ̌ nɛ ke.

Chɔɔn 7:29

Jɛ mɔ̍ bo ɔ̀ juo ɔ̍, dɛ̍nu̍ɛ, ǐn sɔ dě ɔ̍ we̍. Ɔ̍ bo ɔ̀ dbo̍ m.”

Chɔɔn 8:19

Wɛ̀ u̍h la̍a̍, “Tà ìn Baa nɛ ɛ?” Jusu la̍a̍, “Ka mɔ̀ se̍-a ǐn juo-ɛ, nɛ̀ mɔ̀ se̍ ǐn Baa juo ke. Pò mɔ̀ juo m de-ɛ, nɛ̀ mɔ̀-a mu̍ ǐn Baa juo ke de.”

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

1 Kɔwlɛntiɔn 8:4

Ɛ̍ tìh-ɛ, di̍-dɛ̍ᵻ u̍h-a sà-ɛa slaǎ dǒ kwɛ̍i̍n gbo̍ᵻ we̍-ɛ, kǎ i̍h-a di̍-i tìh nɛ ka. À kli̍hgbɛ̍ à juo i̍h ka kwɛ̍i̍n gbo̍ se̍-a feɛ blě nɔ̌ kmɔ̌ la we̍-ɛ. Nɛ̀ à juo ka Nyɔsoa nɛ-a due gbài̍-ɛ.

2 Kɔwlɛntiɔn 4:6

Nyɔsoa ɔ̀ la̍a̍, “Sɔ̀npli fa̍n dě kwile-ɛ,” ɔ̍-ɔ due laa̍ bo ɔ̀ nu̍ ɛ̍ iě ɔ̍ sɔ̀npli-a fa̍n dě à wlùh di̍i̍, wɛ̀ à iě i̍h juo ka ɔ̍ tìh-a i̍ bɛ̌-ɛa fa̍n-a dě Klai ja̍a̍-ɛ.

Felepai 3:10

Dɛ̍ ǎn pɔ̀n-a i̍ kleǐn-ɛ, ɛ̍ nu̍ iě Klai juo, ɛ̍ ke gbǐh ìh sà-a ɔ̍-eɛ ke. Iě ɔ̍ we̍ dɛ jua̍i̍ sàɛ̀, wɛ̀ iě ɔ̍ we̍ dɛ mɛ̌

Felepai 3:8

Jɛ ɛ̍ se̍ ìh la nɛ due, dɛ̍ᵻ kli̍hgbɛ̍-a chɛ̀ bo ìh nu̍ ka pɔ̀ɔ̍pìe̍ dɛ̍ᵻ wɛ̀ dǒ ǐn we̍. Ǎn Joi Jusu Klai juo dɛ nɛ due ɛ̀ gbǎ ka dɛ̍kɛ̍n dǒ ǐn we̍. Ǐn tǎli dɛ̍ᵻ kli̍hgbɛ̍ i̍, iě ǎn dǎɛ ka ìh la dɛ̍ᵻ flu̍hᵻ, wɛ̀ iě Klai gba̍.

1 Tɛsoloniɔn 1:9

Ti̍ à ji̍-a dě mɔ̀ we̍-ɛ, ka mɔ̀ nu̍-a à tìh i̍ gbɛ̍n-ɛɛ, nyɔ̍ kli̍hgbɛ̍-a sà i̍h-i. Ɛ̍ ke ka mɔ̀ tǎli-a kwɛ̍i̍n gbo̍ᵻ i̍, iě mɔ̀ bǐi-a dě Nyɔsoa we̍ i̍ wɛ̀ mɔ̀ iě-a kmɔ̌ nɛ Nyɔsoa ɔ̀ nu̍-a tìh-a taǐn-ɛ wɛɛ sà-ɛ.

2 Tɛsoloniɔn 1:8

Wɛ̀ ɔ̍ iě nyɔ̍ ùh se̍-a Nyɔsoa juo-ɛ ke, nyɔ̍ ùh se̍-a pɔ̀n chɛ̀ ɛ̀ kɔ̍-a dǒ à Joi Jusu pùn i̍-ɛ ɛ̍ wlu̍ nu̍-ɛ kàn gbɛ̍n.

Iblu 3:1

Nɛ̀ɛ̍, ǐn de̍di̍i̍ᵻ, mɔ̀ɔ̍ Nyɔsoa dǎ-a dě ɔ̍ dɛ di̍i̍ iě ɔ̍ tè-ea pɔ̌-ɛ, mɔ̀ fèàɛ̀ mɔ̀-a wlùh dě Jusu we̍. Ɔ̍-ɔ bo ɔ̀ nu̍ Gba̍tòà ke Slaǎ Sà Nyɔ̍-a Dlǔtu ɔ̀ gbǎ-a à we̍ dě à wlùh gbaɛ blě-ɛ di̍i̍-ɛ.

2 Pitɛ 1:2

Ǎn sà nǐ wɔ̍n blɛ ke wlùh-a i̍ tè-ɛ iě kɛ̍n i̍ gboǎɛ dě mɔ̀-a Nyɔsoa ke à Joi Jusu juo-ɛ di̍i̍.

2 Pitɛ 1:3

Dɛ̍ᵻ kli̍hgbɛ̍ à pɔ̀n-a wɛ̀ à iě-a dě Nyɔsoa we̍ fòè kmɔ̌ di̍i̍ nɛ-ɛ, Nyɔsoa-a gbǐh nyǐ i̍h àɔ̀ wɛ̀. Dɛ̍nu̍ɛ, nyɔ̍ ɔ̀ dǎ àɔ̀ wɛ̀ à iě-a ɔ̍ chɛ̀-a tìh-a i̍ bɛ̌-ɛ ke gblɛ̍n-ɛ nmɔ-ɛ kwa̍a̍ i̍ gblè-eɛ, à juo ɔ̍-ɛ.

2 Pitɛ 1:8

Ka mɔ̀ juo-a à Joi Jusu Klai-ɛ, pò mɔ̀ blě ìh la wɛ̀ i̍h iě i̍ klàn dě mɔ̀ ku̍sɔ̀n-ɛ, nɛ̀ ɛ̍ mu̍ kmɔ̌ nɛ mɔ̀ iě dɛ̍ kɛ̍n ji̍, nɛ̀ mɔ̀ se̍ pɔ̀ɔ̍pìe̍ nyɔ̍ nu̍ mu̍.

1 Chɔɔn 1:2

Feɛ laa̍ bo ɛ̀ wlǔh tà iě à jě ɛ̍, wɛ̀ à nu̍ ɛ̍ sàànsi̍i̍h iě à sèàɛ̍ mɔ̀ wlùh ɛ̍ tìh. Kmɔ̌ sie feɛ ɛ̀ nɛ-a dě Baa Nyɔsoa we̍-ɛ, ɛ̍-ɛ bo ɛ̀ wlǔh tà dǒ àɔ̀ we̍.

1 Chɔɔn 1:3

Dɛ̍ kɔn tìh à wɔ̌n-a iě à tba̍-a jlǐhɛ̍-ɛ, ɛ̍ bo à sèàɛ̍ mɔ̀ wlùh ke. Wɛ̀ mɔ̀ iě à kɛ̍n gbǎ iě à ke Baa Nyɔsoa ke ɔ̍ Jǔ Jusu Klai iě we̍ nɛ̍aɛ.

1 Chɔɔn 2:23

Nyɔ̍ jɔ tba̍-a Jǔ chla-ɛ, nɛ̀ ɔ̍ tba̍ Baa chla. Jɛ nyɔ̍ ɔ̀ wɔ̌ɛn-a Jǔ-a tìh i̍-ɛ, nɛ̀ ɔ̍ wɔ̌ɛn Baa-a tìh i̍ wɛ̀ ke.

1 Chɔɔn 4:6

Jɛ àɔ̀ nɔ̀ɔ̍, à sɔ dě Nyɔsoa we̍. Nyɔ̍ juh juo-a Nyɔsoa-ɛ, nɛ̀ u̍h-a po̍ nɔ̌ àɔ̀ we̍ dounᵻ. Jɛ nyɔ̍ ùh se̍-a dě Nyɔsoa we̍ sɔ-ɛ, nɛ̀ u̍h-u po̍ nɔ̌ àɔ̀ we̍ dounᵻ. Dǒ à ju̍o̍e tìh-a taǐn sùù ke ɛ̍ si̍h naɛ we̍ i̍.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.