Chɔɔn 17:2 - Ku̍o̍ Delee 1999

² Dɛ̍nu̍ɛ, ìn nyǐ ɔ̍ gbǐh ɔ̍ iě nyɔ̍ kli̍hgbɛ̍ wlu̍ i̍ kɔn, ɔ̍ iě nyɔ̍ kli̍hgbɛ̍ ìn nyǐ-a ɔ̍-ɛ kmɔ̌ sie feɛ nyǐ.

Chɔɔn 17:2 Iomraidhean Croise

Matio 11:27

Ɔ̍ la̍a̍, “Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ ùh Jǔ tba̍-a chèɛ̀ ɔ̍ iě-a Baa toe-ɛ ke.

Matio 25:46

Nɛ̀ u̍h-a mu̍ kàn gbɛ̍n-ɛ se̍-a dlǔ i̍ chlà la̍ kɔn-ɛ we̍ mu̍. Jɛ nɛ̀ i̍ slɛ̌-nyɔ̍-a mu̍ kmɔ̌ sie feɛ we̍ mu̍.”

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Chɔɔn 17:24

“Baa, nyɔ̍ ìn nyǐ-a m-ɛ, ǎn pɔ̀n tà ǐn nɛ-aɛ, u̍h iě-o nɛ ke. Wɛ̀ u̍h iě ǎn tìh-a i̍ bɛ̌-ɛ ìn nyǐ-a m-ɛ jě. Ìn nyǐ ɛ̍ m, dɛ̍nu̍ɛ, ìn jbɛɛ m wɛ̀ kmɔ̌ la ɛ̍ dǔ nui-ɛɛ.

Chɔɔn 17:6

“Nyɔ̍ ìn sà-a kmɔ̌ ìn nyǐ-a m-ɛ, ǐn nu̍ ɛ̍ iě u̍h juo m̀ wɛ̀. U̍hɔ̍ɔ̍ àn nyɔ̍, iě ìn nyǐ u̍h m, wɛ̀ u̍h nu̍ àn wlu̍.

Chɔɔn 17:9

“Ǎn ba̍le dǒ u̍h-a tàà, ǐn se̍ dǒ kmɔ̌-a tàà ba̍le. Jɛ nyɔ̍ ìn nyǐ-a m-ɛ, dǒ u̍h-a tàà bo ǎn ba̍le. Dɛ̍nu̍ɛ, u̍hɔ̍ɔ̍ àn nyɔ̍.

Chɔɔn 3:35

Baa Nyɔsoa jbɛɛ ɔ̍ Jǔ-u, iě ɔ̍ tèè ɔ̍ dɛ̍ᵻ kli̍hgbɛ̍ kwa̍.

Chɔɔn 4:14

Jɛ nyɔ̍-o-nyɔ̍ ǎn mu̍-a nǐ nyǐ wɛ̀ ɔ̍ iě ɛ̍ nǎ-ɛ, nɛ̀ dǒ ɔ̍ wlì se̍ gba̍ bǔ dɛ. Nǐ ǎn mu̍-a ɔ̍ nyǐ-ɛ, ɛ̍ mu̍ kao̍dlu nu̍ dě ɔ̍ ja̍a̍, wɛ̀ ɛ̍ klɛ̀nklɛ̀n iě ɔ̍ kmɔ̌ sie feɛ nyǐ.”

Chɔɔn 6:27

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

Chɔɔn 6:37

Jɛ nyɔ̍ kli̍hgbɛ̍ ǐn Baa nyǐ-a m-ɛ, u̍h-a mu̍ ǐn we̍ ji̍. Nɛ̀ nyɔ̍ jɔ mu̍-a ǐn we̍ ji̍-ɛ, ǐn se̍ gba̍ ɔ̍ i̍ nu̍.

Chɔɔn 6:39

Ɔ̀ dbo̍-a m-ɛ, ɔ̍ wlùh nu̍-ɛ nu̍, ùh kli̍hgbɛ̍ ɔ̍ nyǐ-a m-ɛ, nɛ̌ je̍e u̍h-a nyɔ̍ wɛ-a chɛ̀ mǎ-ɛ. Jɛ ǐn kɔn iě u̍h kli̍hgbɛ̍ bloɔ̍ sà dǒ bɔ̌ɛ-o weɛ̍ di̍i̍.

Wloma 6:23

Nɛ̀ɛ̍, gblɛ̍n sɔ̀ɛ̀n-a pɛ̌ɛ la nu̍ mɛ̌ɛ, jɛ Nyɔsoa-a nyǐ-dɛ̍ nu̍ kmɔ̌ sie feɛ dě à Joi Jusu Klai ja̍a̍.

1 Kɔwlɛntiɔn 15:25

Dɛ̍nu̍ɛ, Klai kɔn ɔ̍ iě Blǔh Baa nu̍ te̍e̍ wɛ̀ Nyɔsoa iě ɔ̍ nyɛ̌-nyɔ̍ kli̍hgbɛ̍ dě ɔ̍ bu̍h sɔ̀n po̍.

Ɛfɛsɔ 1:20

I̍h bo ɔ̍ nu̍ iě ɔ̍ sà-e Klai, iě ɔ̍ tè-e ɔ̍ i̍ dǒ ɔ̍ di̍na̍ we̍ dě ja̍i̍wlɔ̀.

Felepai 2:10

Nɛ̀ Jusu-a nynɛ̌ tìh-ɛ, kɔlu̍ᵻ kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ kmɔ̌-ɛ ke, dě blǔh sɔ̀n-ɛ, i̍h-a mu̍ wlù wlǎ.

1 Timote 1:16

Jɛ ɛ̍ kɔn tìh bo Nyɔsoa jě ǐn wɔɛ. Wɛ̀ ka Jusu Klai-a gbɛ̍n-a wlùh i̍ kaa̍ dǒ gblɛ̍n sɔ̀ɛ̀n nyɔ̍-a gblìmia we̍-ɛ, wɛ̀ nyɔ̍ sie-a dǒ de̍-ɛ, u̍h iě ɛ̍ dɛ̍ i̍ blaɛ dǒ ǐn pùn. Wɛ̀ u̍h iě ɔ̍ wlùh gbaɛ, nɛ̀ u̍h-a mu̍ kmɔ̌ sie feɛ blě.

Iblu 1:2

Jɛ da̍a bɔ̌ɛ-o wǐh la di̍i̍-ɛ, ɔ̍ jii dě ɔ̍ Jǔ ja̍a̍ iě ɔ̍ wlu dě à we̍. Dě ɔ̍ ja̍a̍ bo ɔ̍ nui kmɔ̌ la, iě ɔ̍ tba̍ ɔ̍ chèɛ̀ ɔ̍ iě dɛ̍ᵻ kli̍hgbɛ̍ ìh tè-ea i̍ dǒ ɔ̍ we̍-ɛ kɔn.

1 Pitɛ 3:22

Jusu Klai ɔ̀ mu̍-a dě ja̍i̍wlɔ̀ dǒ Nyɔsoa-a di̍na̍ we̍-ɛ, Nyɔsoa-a ǐnchɔ̀ ke tùn blě-ɛ ke gbǐh kli̍hgbɛ̍ nɛ dǒ ɔ̍ sɔ̀n.

1 Chɔɔn 1:2

Feɛ laa̍ bo ɛ̀ wlǔh tà iě à jě ɛ̍, wɛ̀ à nu̍ ɛ̍ sàànsi̍i̍h iě à sèàɛ̍ mɔ̀ wlùh ɛ̍ tìh. Kmɔ̌ sie feɛ ɛ̀ nɛ-a dě Baa Nyɔsoa we̍-ɛ, ɛ̍-ɛ bo ɛ̀ wlǔh tà dǒ àɔ̀ we̍.

1 Chɔɔn 2:25

Kmɔ̌ sie feɛ-a wlu̍ bo Klai po̍ tɔ̀ma̍a̍ dǒ à we̍.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.

Judi 1:21

Mɔ̀ naɛ dě Nyɔsoa-a jbɛɛ di̍i̍ ma̍u̍, nɛ̀ mɔ̀ fuo kmɔ̌ sie feɛ à Joi Jusu Klai-a mu̍-a mɔ̀ nyǐ ɔ̍ wɔɛ kɔn tìh-ɛ.