Chɔɔn 17:1 - Ku̍o̍ Delee 1999

¹ Ti̍ Jusu wɔ̀-a wlu̍ la bla̍-aɛ, wɛ̀ ɔ̍ gbɛ̀n dě ja̍i̍wlɔ̀ iě ɔ̍ la̍a̍, “Baa, ti̍ nyni̍ wɛ̀, bɛ̌-ɛ àn Jǔ-a nynɛ̌ i̍, wɛ̀ Jǔ iě àn nynɛ̌ i̍ bɛ̌-ɛ ke.

Chɔɔn 17:1 Iomraidhean Croise

Pɔ̀n Chɛ̀ Maɛ To-a La 14:41

Gbɔ̍ᵻ ta̍a̍n naɛ ɔ̍ ja-a de̍-ɛ, iě ɔ̍ la̍a̍ dě u̍h we̍, “Mɔ̀-a sà-e gbǔh mɔ̀-a mɔ̌ ke̍ sǔh ae? Mɔ̀ gbɛ̀n-e, ti̍ la ɛ̍ nɛ à i̍ wɛ̀. Nyi̍ɔ̍-a Jǔ sà-ɛ kwlǎ wɛ̀ dě gblɛ̍n sɔ̀ɛ̀n nyɔ̍ kwa̍a̍.

Pɔ̀n Chɛ̀ Luu To-a La 18:13

Jɛ taa̍sìh sà jǔ nyna-ɛ nya̍, ɔ̍ se̍ ɔ̍ dlǔ-a chɛ̀ ja̍i̍ dǔ. Iě ɔ̍ tba̍ gbǎ wlì, ɔ̍ la̍a̍, ‘Nyɔsoa, jě ǐn wɔɛ, mɔ̍ gblɛ̍n sɔ̀ɛ̀n nu̍ nyɔ̍ o.’

Pɔ̀n Chɛ̀ Luu To-a La 22:53

Ka sɔ̀n-a sɛ̀n-aɛ, kǎ ǎn nɛ dě mɔ̀ we̍ Nyɔsoa-a slaǎ sà gbò sɔ̀n, dǒ-o nɔ̀ɔ̍, mɔ̀ se̍ ǐn sɔ̍n pùn gba̍. Jɛ nɛ̀ jɛwɛ̀ mɔ̀-a ti̍ nyni̍ dɛbo, ɛ̍ ke kwile naɛ gbǐh ke.”

Chɔɔn 11:4

Ti̍ Jusu wɔ̌n-a pɔ̀n la-ɛ, iě ɔ̍ la̍a̍, “Ɔ̍ wɛ̌ la mɛ̌ɛ se̍ ɛ̍ dlǔ i̍ chlà mu̍. Ɛ̍ nu̍ ɛ̍ sǔh wɛ̀ Nyɔsoa-a nynɛ̌ iě i̍ bɛ̌. Dě ɛ̍ di̍i̍ bo Nyɔsoa-a Jǔ-a mu̍ nynɛ̌ jě-e.”

Chɔɔn 11:41

Wɛ̀ u̍h sà-o sɔɔ̌ laa̍. Iě ɔ̍ gbɛ̀n dě ja̍i̍, wɛ̀ ɔ̍ la̍a̍, “Baa, ǐn po̍ ìn tlɔ̌ ka àn dounᵻá nɛ-a nɔ̌ ǐn we̍-ɛ.

Chɔɔn 12:23

Wɛ̀ Jusu la̍a̍ dě u̍h we̍, “Jɛwɛ̀ ti̍ nyni̍-o wɛ̀ Nyi̍ɔ̍-a Jǔ-a nynɛ̌ iě i̍ bɛ̌.

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 16:32

Ti̍-a nyni̍ la̍-ɛ o, ɛ̍ chɛ̀ nyni̍ wɛ̀ o. Dǒ mɔ̀-a mu̍ ja̍i̍ gbà-ɛ, wɛ̀ mɔ̀ iě ǐn gbo̍ka̍a̍ sie mɔ̀ iě mɔ̀ blǐ gbòᵻ i̍ mu̍. Jɛ nɛ̀ ǐn se̍ gbo̍ka̍a̍ sie, dɛ̍nu̍ɛ, ǐn Baa nɛ dǒ ǐn we̍.

Chɔɔn 7:30

Sɔ u̍h-a fɔ̀n la̍ dɛ̍ we̍ sǔh u̍h iě ɔ̍ gbɛ̍n, jɛ nyɔ̍ se̍ ɔ̍ sɔ̍n ja̍ po̍. Dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Chɔɔn 7:39

Dɛ̍ ɔ̍ bla̍-aɛ, nɛ̀ Nyɔsoa-a Sùù ɛ̀ wlùh gbaɛ blě nyɔ̍-a mu̍-a jě dě nya̍-ɛ bo ɔ̍ dǎ. Nɛ̀ Nyɔsoa-a se̍a nyɔ̍ ɔ̍ Sùù nyǐ ke̍, dɛ̍nu̍ɛ, nɛ̀ Jusu se̍-e wlǔh ke̍ dě tìh-a i̍ bɛ̌-ɛ di̍i̍.

Chɔɔn 8:20

Jusu iě-a ìh kli̍hgbɛ̍ la wlu-ɛ, nɛ̀ ɔ̍ po̍ nǎ dě Nyɔsoa-a slaǎ sà gbò sɔ̀n dě fɔ̌ kɔn we̍ Nyɔsoa dɛ̍ nyǐ gblòùn tè-a i̍-ɛ. Jɛ nyɔ̍ se̍ ɔ̍ gbɛ̍n, dɛ̍nu̍ɛ, nɛ̀ ɛ̍ ti̍ se̍-o nyni̍ ke̍.

Nu̍-dɛ̍ᵻ 3:13

Jɛ Eblaɛɛn ke Ase ke Jekɔ-a Nyɔsoa, ɔ̀ nu̍-a à baaᵻá Nyɔsoa-a, ɔ̍ bo ɔ̀ bɛ̌-ɛ ɔ̍ pòi̍ju Jusu-a nynɛ̌ i̍. Jusu mɔ̀ sà-a kwlǎ u̍h iě-a dbǎ, wɛ̀ Pale-a pɔ̀n-a ɔ̍ sɔ̍n kɛ̍n sà i̍ de iě mɔ̀ se̍-a wɔ̌n la̍ nɛ-ɛ, ɔ̍ bo.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.