Chɔɔn 16:3 - Ku̍o̍ Delee 1999

³ U̍h-a mu̍ mɔ̀ ìh la pùn i̍ nu̍, dɛ̍nu̍ɛ, u̍h se̍ ǐn ke Baa juo.

Chɔɔn 16:3 Iomraidhean Croise

Pɔ̀n Chɛ̀ Luu To-a La 10:22

“Ǐn Baa nyǐ ǐn dɛ̍ᵻ kli̍hgbɛ̍ wɛ̀. Nyɔ̍ dɔɔ se̍ Jǔ juo. Jɛ Baa nɛ due kɔn tɛ̀ ǐn sà-o. Iě nyɔ̍ dɔɔ wɔ̍ se̍ Baa juo ke. Jɛ Jǔ nɛ due kɔn tɛ̀ ǐn sà-o, ɛ̍ ke nyɔ̍ Jǔ tba̍-a chèɛ̀ ɔ̍ iě-a Baa toe-ɛ ke.”

Chɔɔn 15:21

Jɛ ǎn tìh bo u̍h-a mu̍ mɔ̀ ìh kli̍hgbɛ̍ la jii̍ nu̍, dɛ̍nu̍ɛ, u̍h se̍ nyɔ̍ ɔ̀ dbo̍-a m-ɛ juo.

Chɔɔn 15:23

Nyɔ̍ jɔ faɛn-a m-ɛ, nɛ̀ ɔ̍ faɛn ǐn Baa ke.

Chɔɔn 17:25

I̍ Slɛ̌ Baa, kmɔ̌ se̍ ìn juo, jɛ mɔ̍ɔ ǐn juo m̀, iě juh la u̍h juo ɛ̍ ka ìn dbo̍-a m-ɛ.

Chɔɔn 17:3

Ɛ̀ nu̍-a kmɔ̌ sie feɛ-ɛ, ɛ̍ nu̍ u̍h iě mɔ̀ due gbài̍ ɔ̀ nu̍-a tìh-a taǐn Nyɔsoa-a juo, ɛ̍ ke Jusu Klai ìn dbo̍-a ke.

Chɔɔn 8:19

Wɛ̀ u̍h la̍a̍, “Tà ìn Baa nɛ ɛ?” Jusu la̍a̍, “Ka mɔ̀ se̍-a ǐn juo-ɛ, nɛ̀ mɔ̀ se̍ ǐn Baa juo ke. Pò mɔ̀ juo m de-ɛ, nɛ̀ mɔ̀-a mu̍ ǐn Baa juo ke de.”

Chɔɔn 8:55

Jɛ mɔ̀ se̍ ɔ̍ juo, mɔ̍ bo ɔ̀ juo ɔ̍. Pò na̍ ǐn se̍ ɔ̍ juo de-ɛ, nɛ̀ ǎn mu̍ si̍h tmɔ̌ nyɔ̍ nu̍ ka mɔ̀ɔ̍-ɛ. Jɛ ǐn juo ɔ̍-ɛ, iě ǎn nu̍ ɔ̍ wlu̍.

Nu̍-dɛ̍ᵻ 3:17

“Jɛ dɛ̍ ǐn juo-aɛ, ǐn de̍di̍i̍ᵻ, dɛ̍ sɔ̀n mɔ̀ ke mɔ̀-a wlu̍ kwa̍ blě nyɔ̍ nu̍-a Jusu pùn-ɛ, mɔ̀ se̍ ɛ̍ i̍ juo dɛbo.

1 Kɔwlɛntiɔn 2:8

Kmɔ̌ la ɛ̍ wlu̍ i̍ kɔn nyɔ̍-a nyɔ̍ se̍ flɔ̍nwlùh la blě. Pò u̍h blě ɛ̍ de-ɛ, nɛ̀ u̍h se̍ tìh-a i̍ bɛ̌-ɛ Joi dbǎ mu̍ dǒ gbàɛ̍ kɛ̍n i̍ tu̍ wlì de.

2 Tɛsoloniɔn 1:8

Wɛ̀ ɔ̍ iě nyɔ̍ ùh se̍-a Nyɔsoa juo-ɛ ke, nyɔ̍ ùh se̍-a pɔ̀n chɛ̀ ɛ̀ kɔ̍-a dǒ à Joi Jusu pùn i̍-ɛ ɛ̍ wlu̍ nu̍-ɛ kàn gbɛ̍n.

1 Timote 1:13

Kǎ ɛ̍ nɛ gbɛɛ, tɛin laa̍ nɛ̀ ǐn nyni ɔ̍ wlu̍ wɔ̍i̍n, iě ǎn chlèe ɔ̍, wɛ̀ ǎn jě-e ɔ̍ nyɔ̍ klě. Wɛ̀ Nyɔsoa jě ǐn wɔɛ, dɛ̍nu̍ɛ, ǎn se̍ wlùh gbaɛ blě bo ɛ̀ nu̍ ɛ̍ wɛ̀ ǐn se̍ dɛ̍ sɔ̀n ǎn nu̍-aɛ juo.

1 Chɔɔn 2:23

Nyɔ̍ jɔ tba̍-a Jǔ chla-ɛ, nɛ̀ ɔ̍ tba̍ Baa chla. Jɛ nyɔ̍ ɔ̀ wɔ̌ɛn-a Jǔ-a tìh i̍-ɛ, nɛ̀ ɔ̍ wɔ̌ɛn Baa-a tìh i̍ wɛ̀ ke.

1 Chɔɔn 3:1

Mɔ̀ jě ka Baa Nyɔsoa nu̍-a à tìh kma-a kaa̍-ɛ. Ɛ̍ tìh ɔ̍ dǎɛ àɔ̀ ɔ̍ nynuu̍. Àɔ̀ Nyɔsoa-a nynuu̍, ɛ̍ kɔn kmɔ̌ se̍ à juo, dɛ̍nu̍ɛ, ɛ̍ se̍ ɔ̍ juo.

1 Chɔɔn 4:8

Nyɔ̍ jɔ se̍-a jbɛɛ blě-ɛ, nɛ̀ ɔ̍ se̍ Nyɔsoa juo, dɛ̍nu̍ɛ, Nyɔsoa mɔ jbɛɛ.

1 Chɔɔn 5:20

À juo ɛ̍-ɛ, Nyɔsoa-a Jǔ ji̍-i iě ɔ̍ flɔn-ɛ dě à di̍i̍ i̍, wɛ̀ à iě Nyɔsoa ɔ̀ nu̍-a tìh-a taǐn-ɛ juo. À nɛ dě ɔ̀ nu̍-a tìh-a taǐn-ɛ ja̍a̍, dɛ̍nu̍ɛ, à nɛ dě ɔ̍ Jǔ Jusu Klai ja̍a̍. Klai bo ɔ̀ nu̍ tìh-a taǐn Nyɔsoa ke kmɔ̌ sie feɛ.