Chɔɔn 16:2 - Ku̍o̍ Delee 1999

² U̍h-a mu̍ mɔ̀ sɔ̀n i̍ po̍ wɛɛ sà gbòᵻ sɔ̀n i̍. Ɛ̍ mu̍ ti̍ kɔn wɛ̀ nyɔ̍ ɔ̀ mu̍-a mɔ̀ dbǎ-ɛ ɔ̍ iě ɛ̍ Nyɔsoa wɛɛ sà-a dǎɛ.

Chɔɔn 16:2 Iomraidhean Croise

Matio 10:28

Ɛ̍ tìh-ɛ, nyɔ̍ ùh-a mu̍-a mɔ̀-a nyi̍ɔ̍tu nɛ due dbǎ-a, mɔ̀ bɔ̌ u̍h jǔ ple̍-ɛ. Dɛ̍nu̍ɛ, u̍h se̍ mɔ̀-a sùù nɔ̀ɔ̍ dbǎ mu̍. Jɛ Nyɔsoa bo mɔ̀ ìè jǔ ple̍. Dɛ̍nu̍ɛ, ɔ̍-ɔ bo ɔ̀ bɛ̌ɛ mɔ̀-a sùù ke mɔ̀-a nyi̍ɔ̍tu dě kàn nɛ̍ di̍i̍ po̍-ɛ, wɛ̀ i̍h iě-e gbɔ̀lɔ.

Matio 24:9

“Nɛ̀ mɔ̀-a mu̍ gbɛ̍n-ɛ, u̍h iě mɔ̀ klě jě-e, wɛ̀ mɔ̀ iě ɛ̍ sɔ̀n mɛ̌-ɛ. Nɛ̀ ǎn tìh-ɛ nyɔ̍ kli̍hgbɛ̍-a mu̍ mɔ̀ faɛn.

Pɔ̀n Chɛ̀ Luu To-a La 6:22

“Mɔ̀ɔ̍ ùh nyɔ̍ɔ faɛn-a, u̍h-a chlèe-a u̍h-a dǎɛ-a dɛ̍ᵻ sɔ̀nᵻ nyɔ̍ wɛ̀ u̍h se̍-a jě-ɛ jbǎ Nyi̍ɔ̍-a Jǔ tìh-ɛ, nɛ̀ mɔ̀ nmɔ i̍.

Chɔɔn 12:42

Juu nyɔ̍-a nyɔ̍ klaaᵻá wlu̍ kwa̍ blě nyɔ̍ dɔu-a chɛ̀ gbaɛ ɔ̍ wlùh. Jɛ u̍h-a ple̍ Fɛlesii nyɔ̍ jǔ. Ɛ̍ kɔn u̍h-u sà i̍h-i dǒ wlɔ̀gbàɛ̀, wɛ̀ Fɛlesii nyɔ̍ je̍e u̍h sɔ̀n po̍ dě wɛɛ sà gbò sɔ̀n.

Chɔɔn 16:25

“Nɛnǎᵻ bo ǎn po̍ wɛ̀ ǎn sà tìh i̍ dě mɔ̀ we̍. Jɛ ti̍ ǐn se̍-a nɛnǎᵻ po̍ mu̍-ɛ, ɛ̍ mu̍ ji̍, wɛ̀ iě ǐn Baa-a tìh i̍ sà te̍gbe̍i̍n dě mɔ̀ we̍.

Chɔɔn 16:32

Ti̍-a nyni̍ la̍-ɛ o, ɛ̍ chɛ̀ nyni̍ wɛ̀ o. Dǒ mɔ̀-a mu̍ ja̍i̍ gbà-ɛ, wɛ̀ mɔ̀ iě ǐn gbo̍ka̍a̍ sie mɔ̀ iě mɔ̀ blǐ gbòᵻ i̍ mu̍. Jɛ nɛ̀ ǐn se̍ gbo̍ka̍a̍ sie, dɛ̍nu̍ɛ, ǐn Baa nɛ dǒ ǐn we̍.

Chɔɔn 4:21

Wɛ̀ Jusu la̍a̍ dě ɔ̍ we̍, “Nynɔ̌ chɛ̀, mɛ̍ ǎn wlu̍ la jlǐhɛ̍ kɛ̍ɛ̍n, ɛ̍ mu̍ ti̍ kɔn nɛ̀ mɔ̀ se̍ Baa wɛɛ sà mu̍ da̍a tlu̍h la kɛ̍n ke dě Juluslɛn.

Chɔɔn 4:23

Ti̍ wɛɛ sà nyɔ̍ chɛ̀-a mu̍-a Baa wɛɛ sà dě Nyɔsoa-a Sùù ke tìh-a taǐn di̍i̍-ɛ, ɛ̍ ji̍ la̍-ɛ. Wɛ̀ ɛ̍ chɛ̀ nɛ da̍a wɛ̀ se̍e̍. Wɛɛ sà nyɔ̍ kaɛn laa̍ bo Baa-a pɔ̀n i̍ u̍h iě ɔ̍ wɛɛ sà.

Chɔɔn 9:22

Ɔ̍ de̍ bei-a ple̍ Juu nyɔ̍-a nyɔ̍ klaaᵻ jǔ dɛbo ɛ̍ kɔn u̍h dǎ laǎn. Dɛ̍nu̍ɛ, u̍h la̍ nyɔ̍ mu̍-a Jusu-a Nyɔsoa-a Chèɛ̀ Tba̍ju tìh i̍ sà-a, nɛ̀ ɔ̍ bɔ̌ dě Juu nyɔ̍-a wɛɛ sà gbò sɔ̀n i̍ sǐ-ɛ dɛ.

Chɔɔn 9:34

Wɛ̀ u̍h la̍a̍, “Mɔ̀ jɔ wlǔh-ia dě gblɛ̍n sɔ̀ɛ̀n di̍i̍-ɛ, mɔ̀ bo ɔ̀ pɔ̀n à nǎ po̍-ɛ i̍ ae?” Iě u̍h sà ɔ̍ dě wɛɛ sà gbò sɔ̀n, u̍h po̍ ɔ̍ sɔ̀n.

Nu̍-dɛ̍ᵻ 5:33

U̍h wɔ̌n-a wlu̍ la-ɛ, nɛ̀ u̍h sɔ̀n wɛ̀ dǒ ta̍i̍, iě u̍h-a pɔ̀n Pitɛ bei dbǎ-a i̍.

Nu̍-dɛ̍ᵻ 7:56

Iě Slifɛn la̍a̍, “Mɔ̀ gbɛ̀n-e, ǐn jě ja̍u̍n ɛ̍ pɔ̀ni wɔ̍i̍n, Nyi̍ɔ̍-a Jǔ nyna i̍ dǒ Nyɔsoa-a di̍na̍ we̍.”

1 Kɔwlɛntiɔn 4:13

Pò nyɔ̍ chlèe àɔ̀-ɛ, nɛ̀ à peɛ-ɛ wlu̍ i̍ dě u̍h we̍. À wɔ̀ kmɔ̌ la ɛ̍ sɛɛn ìh u̍h-a po̍-a de̍ ti̍ kli̍hgbɛ̍ we̍-ɛ.

Felepai 3:6

Wɛ̀ ǎn wlùh-a nu̍ jàjà iě chɔchi̍h klě jě-e. Pò ɛ̍ tù telě dɛɛ jě-ɛ ɛ̀ slɛ̌-ɛ nyɔ̍ i̍-ɛ, nɛ̀ mɔ̍ bo ɔ̀ wɛ̀ nɛi̍.

Wlɛfeleseɔn 6:9

Wɛ̀ Blawɛ̌ Jǔ wa̍ slu̍-a m̀m̌ naɛ. Iě ǐn jě nyɔ̍ɔ-a sùù dǒ slaǎ sà-ɛ gblǒ sɔ̀n, ùh u̍h tù-a Nyɔsoa-a wlu̍ ke ɛ̍ sàànsi̍i̍h nu̍ tìh u̍h dbǎ-aɛ.